號外 (雜誌)
《號外》（City Magazine），係本香港雜誌，係本月刊，一九七六年開始發行。佢由陳冠中，同丘世文、鄧小宇及胡君毅[1]創辦。本雜誌講生活潮流，內容有時裝、餐飲、家居、建築、設計、美藝、環保、視像、音樂、閱讀、文化及藝術等範疇。雜誌印刷精美，注重視覺表現手法，雜誌紙張，大過其他雜誌，有廿九厘米闊，卅九厘米高。讀者主要係中產階層，內裏唔少奢侈品、時裝廣告。
二十世紀八十年代，《號外》曾連載小說，描述美國長春藤大學，由雜誌所引入的生活品味，塑造香港中產階級共同形象，象徵八十年代香港戰後中產階級冒起。九十年代來臨，新式雜誌湧現，紛紛以唔同手法包裝中產生活品味，《號外》雜誌日漸式微。