2006年重建前嘅裕民坊
裕民坊（粵拼：Jyu3 Man4 Fong1；耶魯拼音：yumàhn fōng；英文：Yue Man Square）係香港一條位於九龍觀塘市中心昔日嘅街，長0.3公里。佢曾經係區內最旺嘅街。
自2000年代開始，裕民坊被納入觀塘市中心重建項目，兩邊嘅舊式大廈相繼拆卸，原址去到而家已經轉咗做大型綜合發展項目凱匯同埋附屬商場裕民坊 (YM²)。因應重建計劃進入最後階段，裕民坊行車道路喺2026年6月28號凌晨零時起永久封閉，正式行入歷史，成個範圍入面淨係保留咗裕民坊休憩公園。
- 麥當勞（裕民坊分店）：1981年開，當時曾經打破過全球麥當勞單日最多人幫襯嘅紀錄。舖頭入面經典嘅「轉轉櫈」係一大特色。因應重建，喺2017年8月30號夜晚8點正式執笠，之後搬到去鱷魚恤中心。
- 銀都戲院：1963年開業，全盛時期霸晒成幢銀都戲院大廈，有過千個座位，後尾部分空間分租俾Neway、實惠等，戲院最終喺2009年7月執笠。
- 滙豐銀行觀塘分行：以前係區內少數佔用成幢大廈嘅獨立大分行，之後搬到去開源道。
- 寶聲娛樂場：昔日區內著名嘅大型娛樂場所，已執笠。
