裕隆海味貿易有限公司，人稱裕隆號，金漆招牌寫裕隆有限公司，係香港一間典型嘅海味鋪。每年農曆新年開年飯實況，香港報紙同電視台新聞都採訪裕隆號。
裕隆號地鋪嚮上環文咸西街，經營各種海味入口批發同零售，老闆係吳偉鴻，批發部女文員係陳氏，嚮鋪頭負責伙食嘅係華姐，佢已經差唔多70歲。裕隆號開年飯嘢食係廣東菜8餸1湯由華姐買料準備，菜式包括髮菜、蠔豉、素食、筍、臘味同埋生魚湯咁。
