裴儁

裴儁（儁讀俊，粵拼：pui4 zeon3；？—？），字奉先（fung6 sin1），河東聞喜人（而家山西聞喜），係三國時蜀漢嘅官員，佢老豆係裴茂，係裴潛嘅細佬，佢有仔裴越。

裴儁嘅姐夫係蜀地嘅長史，喺裴儁十零歲時送佢姐夫去蜀地，結果當時漢末天下大亂，令佢返唔到中原，留咗喺蜀地。裴儁大個咗，變得幾有名，畀蜀地嘅人推重，之後做官成爲光祿勛。佢嘅仔裴越原本亦喺蜀地督軍，蜀國滅亡後得以返去中原嘅洛陽，同佢啲親族團聚。

參攷資料

陳壽（著）；裴松之（注）。〈蜀書 — 杜周杜許孟來尹李譙郤傳：孟光傳〉. 《《三國志》》。｢光祿勛河東裴儁等，年資皆在光後，而登據上列，處光之右，蓋以此也。〈傅暢裴氏家記曰：儁字奉先，魏尚書令潛弟也。儁姊夫為蜀中長史，儁送之，時年十餘歲，遂遭漢末大亂，不復得還。既長知名，為蜀所推重也。子越，字令緒，為蜀督軍。蜀破，遷還洛陽，拜議郎。〉｣