裴綰（粵拼：pui4 waan2；？—？），字文崇（man4 sung4），河東聞喜人（而家山西聞喜），係曹魏嘅官員，做官到尚書令。
佢嘅老豆係裴茂，奉獻帝之命帶關中諸將討伐李傕，因爲呢份功勞封做陽吉平侯。大哥裴徽做曹魏嘅冀州刺史、金紫光祿大夫，封做蘭陵武公，係「八裴」之一，河東裴氏嘅分支西眷裴嘅始祖。二哥裴潛亦做官到尚書令。三哥裴輯做官到工部尚書，亦係金紫光祿大夫，係東眷裴嘅始祖。至於裴綰自己冇子孫流傳。
