見報

《見報》，係馬克媒體旗下嘅一個聲稱「中立」嘅雙周報兼傳媒網站，由前香港政黨新思維成員黃成智喺2016年11月11號創立。

歷史

2016年11月11號，前香港政黨新思維成員黃成智召開記者會，宣布創立雙周報兼傳媒網站《見報》。《見報》班底以親建制派嘅《東周刊》為主。《見報》頭一個階段印刷3萬份，而頭三個月就以雙週免費形式派發，每兩個星期五出版，之後就由雙週報變成週報。《見報》嘅部份營運經費係由中國公司微信支付、騰訊等等刊登廣告畀嘅。

評論

• 《見報》創刊號第二板以「梁游私竇暗室培慾？」做標題，文章內容同相都同《大公報》喺11月2日刊登嘅《「梁游私竇過夜》報導一樣。2016年11月11日，呢件事被畀《大公報》認為《見報》有抄襲嘅嫌疑。

• 2016年11月11號，對於《見報》自稱「不偏不倚」，但係創刊號嘅頭版大標題就係《梁游攬港陪葬》，有學生認為《見報》扮中立。

• 2016年11月11號，香港政黨香港中立黨對於《見報》「秉持中肯中立嘅宗旨」，表示歡迎。

• 2016年11月12號，《成報》引述嘅「業內資深人士」話，《見報》副總編輯潘喜松成日失場，喺公司入面又間唔中瞓覺，喺行內已經成為笑話，結果好快傳到就老闆對耳，最終畀「DQ」（炒魷魚）。