越秀山泳場

出自維基百科,自由嘅百科全書
跳去: 定向搵嘢
越秀山泳場正門
2017年6月8號重新開業時,泳場凈開咗呢個池。前面嘅跳水池已經拆咗兼重新搞過。

 越秀山泳場粵拼jyut6 sau3 saan1 wing6 coeng4 ,又叫越秀泳場越秀山游泳場,係中國廣東廣州嘅大型公眾泳池,1952年起好,位置喺越秀區越秀山西邊山腳近北秀湖東南角位,近廣東電視塔海東京畿園

佢既係廣州嘅老牌泳場,又有國際標準設施嘅泳場。

[編輯]

泳場喺1952年起好,初期按嗰時嘅國際標準起咗個跳水臺同個大游水池嚟辦國際賽事。1954年11月15~24號,毛澤東喺嗰時中共中央領導人陶鑄楊尚昆陪同之下,去到呢個泳場游水兼猛咁話巴閉。1957年初,印尼華僑跳水員——黃秀妮返到中國大陸後第一時間嚟咗呢度跳水;同年5月1號,由於廣州舉辦游水表演賽,戚烈雲就喺呢個泳場搞100米蛙泳比賽時,以1分11秒06打破咗游水世界紀錄[註 1][2][3]。1963年,詩人郭沫若嚟到呢間泳場時寫咗「學就屠龍游大海,竟能刺鄂舞長空。」嘅詩句。尼克遜喺1972年訪問中國大陸時,美國跳水隊嚟中國大陸搞跳水巡迴表演,第一站就嚟呢個泳場。

由於亞組委喺2004年7月定咗廣州辦亞運會,呢間泳場亦做咗亞運嘅後備游水場館,2009年3月,泳場試過停業兼搞大裝修工程,直到2011年六一國際兒童節重新開放[4]。但2012年9月29號又再停業搞升級改造[2],2014年6月1號重新開放後半年又繼續搞改造[5],圍蔽年半後正式搞掂一期工程改造[5]

2016年6~7月,中國國家跳水隊試過嚟越秀山泳場備戰2016年奧運。

2016年6~7月,由於中國國家跳水隊要備戰奧運會嘅關係而揀咗呢間泳場做封閉式訓練[6][7],期間泳場一直關閉兼開搞二期工程,直到2017年6月8號,泳場方先至圍蔽對外開放一個泳池[8],而泳場內其他地方(計埋跳水池)都喺度繼續施工。

場館變遷[編輯]

呢間泳場起好無耐,跳水設施得個8m高嘅跳臺,而且水池得3m深,好易撞頭[9]。直到1972年初,泳場方將大型跳水臺按蘇聯[註 2]嘅風格兼按新嘅國際標準嚟起咗1m、3m、7.5m同埋10m嘅跳臺兼改成5m深嘅水池,及起咗3個標準池同1個兒童池[10][註 3]。2016年搞大改造時,由於跳水臺唔符合而家嘅國際標準要求而拆咗重新起過[11];山頂個亦改造成25×25m嘅室內游水池。

開放時間[編輯]

6~9月
  • 上晝場:09:00~11:00
  • 晏晝場:16:00~18:00
  • 晚黑場:19:00~21:00

上晝場逢每個禮拜三因設備維護而唔開。

設施[編輯]

呢間泳場家下凈開咗1個大泳池,水深係0.8m~1.6m。

註同攷[編輯]

  1. 嗰時國際泳聯喺1957年5月1號啱實施咗唔畀游潛泳嘅新規則重頒布咗100米蛙泳嘅世界紀錄標準——1分13秒無耐之後打破嘅紀錄[1]
  2. 蘇聯喺1992年解體,今日屬俄羅斯
  3. 嗰時呢三個標準池當中,有兩個係(25×25)m,水深1.4~1.8m;山頂嗰個係(50×25)m,水深1.6~2.4m。