車陂郝家祠

出自維基百科,自由嘅百科全書
跳去: 定向搵嘢
車陂郝家祠
天河區文物保護單位
CeBeiKokGaaCi.jpg
車陂郝家祠出面個牌坊
喺邊 天河區車陂
中山大道中85號
古蹟
時代 大明弘治年間
登錄 2009年

 車陂郝家祠粵拼ce1 bei1 kok3 gaa1 ci4 (祠字讀詞),堂號曝書堂bou6 syu1 tong4),係中國廣東廣州嘅一處祠堂,大明弘治年間起好,位置喺天河區車陂中山大道中85號。佢既係廣東最大嘅郝氏祠堂,又係天河區嘅文物。

[編輯]

南宋尾時因元兵入侵中原令宋軍逐漸失去優勢,世榮三兄弟為咗保護宋皇族趙氏而南下到廣東南雄(而家屬韶關珠璣巷避難,後嚟又兜到新會崖門避難。但宋軍喺崖門又遇到海戰令宋皇室滅亡,世榮三兄弟開始喺戰亂入面失散。世榮為咗避開元軍而去到侯王廟過夜,發夢咁啱撞正侯王話佢快啲離開侯王廟而走咗佬,重帶住一家大細嘅袍褂同香木先喺蔥菜園(今日係廣州越秀區東山一帶)住。但無耐又從東山搬到石牌,最後喺永泰[註 1]一帶住。到大明中葉時整咗好多郝氏家族出嚟,令文化同經濟等方面有好大嘅發展。喺嘉靖年間,郝氏家族為咗紀念先祖維繫後人而喺車陂村北起咗間宗祠出嚟。

間嘢先後喺明清民國時期經歷過三次重修。尤其喺1948年嗰次重修之後,祠堂無償畀咗國家開辦番禺三中(而家係廣州市第18中學)用途直到1998年撤出為止。2009年重俾天河區文物部門列佢做文物。2010年因為廣州市交通部門為咗發展BRT而拆咗原有建築,重喺原有建築北邊30m嘅地方起返間同佢一模一樣個樣嘅祠堂。

風格[編輯]

間嘢屬兩廊三廳兩天井結構,原長62.5m,闊25m,面積有1562m²。其中「郝氏宗祠」嚿石匾入面啲字係由方獻夫寫出嚟。

[編輯]

  1. 呢度講嘅「永泰」唔係白雲區嘅永泰村,係而家天河區車陂街道一帶。

[編輯]