連花清瘟膠囊
 | 維基百科嘅醫學類文章只係提供參考，並唔係醫療意見。 閣下如果有任何關於健康嘅問題，請諮詢專業醫護人員。 |
連花清瘟膠囊係一種中成藥，主要功效係清瘟解毒、宣肺泄熱，藥性偏寒。專治發燒或高燒、惡寒、肌肉酸痛、鼻塞流鼻涕、咳嗽、頭痛、咽幹咽痛、脷偏紅、苔黃或黃膩等病徵。武漢肺炎肆虐，2022年開始坊間出現搶購連花清瘟膠囊嘅情況，但中醫師表示，呢種藥只適合用嚟治療疾病，唔可以作為預防用途，所以若果冇病發就唔應該亂食[1]。
成份[編輯]
連翹、金銀花、炙麻黃、炒苦杏仁、石膏、板藍根、綿貫眾、魚腥草、廣藿香、大黃、紅景天、薄荷、甘草。
服用禁忌[編輯]
連花清瘟膠囊偏屬寒涼性藥物，對於平素體質虛寒、脾胃比較虛弱嘅人士，包括細路同長者，服用之後有機會出現頭暈、容易攰、四肢冇力、胃痛、腹瀉等，唔建議長期服用。由於方中含有金銀花等藥材，有蠶豆症（G6PD缺乏症）嘅人士需要小心服用[2]。凡服用任何中成藥之前，都應該先諮詢中醫師嘅意見。