那夜凌晨,我坐上了旺角開往大埔的紅VAN

出自維基百科,自由嘅百科全書
Jump to navigation Jump to search

那夜凌晨,我坐上了旺角開往大埔的紅VAN》(粵拼naa5 je6 ling4 san4 ngo5 co5 soeng6*5 liu5 wong6 gok3 hoi1 wong5 daai6 bou3 dik1 hung4 VAN;意思即係「嗰晚凌晨,我上咗旺角開去大埔嘅紅色小巴」;英文The Midnight After),係一部由陳果執導嘅科幻片,改編自響香港高登討論區上面連載嘅同名小說,喺2014年4月10號上映,由黃又南文詠珊任達華徐天佑惠英紅林雪等人演出。

呢部戲響2014年2月入圍第64屆德國柏林國際電影節「電影大觀」(Panorama)單元,係陳果繼《三更2之餃子》之後第二部擠身柏林電影節嘅作品,並喺電影節上映[1]

劇情[編輯]

故事講述主角游梓池(阿池)響某天夜晚同朋友「唱K」之後,喺凌晨時份搭由九龍旺角開去新界大埔紅色小巴(俗稱「紅van」)返屋企[2],架車經過獅子山隧道之後,主角發現車廂外面嘅世界、所車同人都消失咗,剩番小巴本身同車廂嘅17人,好似進入咗另外一個時空。故事發展出一連串的神秘事件,而乘客開始一個個無端端死咗,隨後又有戴防毒面具嘅神秘人出現;主角需要解開一切謎團,以重返原來嘅世界[3]

製作[編輯]

發展[編輯]

套戲嘅藍本原本係響香港高登討論區連載嘅同名網絡小說,由Mr. Pizza所著。隨住小說嘅連載,知名度不斷提高;響2012年中,有印刷商為小說製作印刷本。

2012年12月中,有報道話香港導演陳果有意開該小說嘅電影版本,令《紅VAN》成為繼胡耀輝執導嘅《一路向西》之後,第二部原本響討論區連載之後改篇做電影嘅香港網絡小說。陳果原本打算畀梁洛施出演女主角Yuki,之後換成由文詠珊出演,而佢亦都希望可以搵影帝級演員客串;及後確定男主角會由響《香港有個荷里活》演出嘅黃又南擔任,令電影同時包含香港多位影帝級同新生代演員[4] 。與此同時,陳果表示電影會分開上下兩部,預計成本大約五千萬港元[5]

《紅VAN》電影預定響2014年2至3月上映。響香港上映之前,《紅VAN》入選第64屆德國柏林國際電影節嘅「電影大觀」(Panorama)單元[6][7][8],並會喺2014年2月電影節全球首映[9],電影喺香港嘅上映日期亦因而延遲[10]

拍攝[編輯]

響套戲入面,嗰架小巴係用真正嘅車嚟拍攝,無專登做一個場景[11]。導演陳果話,拍小巴戲份嗰陣,要全程拖住嚟影,而且因為車本身嘅空間有限,容納十七位演員之外,又要有一班工作人員負責收音同打燈,另外扮演司機嘅演員林雪響現實生活中唔識揸車,因此認為最困難嘅拍攝地方係拍攝小巴嘅戲份[11]

上映[編輯]

套戲原定響2014年7月上映,之後因為預告片嘅點擊好多,所以決定提早[12]響2、3月上映[13]。響香港上映之前,《紅VAN》入選第64屆德國柏林國際電影節嘅「電影大觀」(Panorama)單元[14][15][16],又會響電影節全球首映[17],因此電影喺香港嘅上映日期要延後到4月[13]

原版因為有大量嘅粗口同埋有姦屍嘅情節,俾香港影視處評為三級片。為咗照顧未成年嘅觀眾,陳果推出咗一個IIB版嘅修改版本[12],將粗口剪輯到最少,亦都會將強姦戲打格仔[18]。修改版本比原版長0.24分鐘[19]

續集[編輯]

套戲嘅結尾係大隊出發到大帽山,未有結局,導演陳果話要睇票房反應,先至決定拍唔拍續集[18][20]

參考[編輯]

  1. "Panorama Special: The Midnght After" (PDF). berlinale.de (用德文寫). 柏林國際電影節. 2014-01-30. 喺2014-01-30搵到. 
  2. 鄧小宇 (2013-12-31). "迷上本土科幻小說:那夜凌晨,我坐上了旺角開往大埔的紅 van" (用中文寫). 主場新聞. (原先內容喺2015-04-02歸檔). 喺2014-01-28搵到. 
  3. "文詠珊執三攤演《紅VAN》 備裝甲車著防護衣開工" (用中文寫). 明報OL網. 2013-07-15. 喺2014-01-28搵到. 
  4. Patrick Frater (2014-01-28). "Berlin: 'Midnight' Strikes For Fortissimo" (用英文寫). 綜藝. 喺2014-02-06搵到. 
  5. 葉雪 (2012-12-31). "陳果拍網絡小說 搵梁洛施復出" (用中文寫). 蘋果日報. 喺2014-01-28搵到. 
  6. Press Office (2014-01-17). "Panorama 2014: Selection of fictional features for main program and panorama special now complete". berlinale.de (用英文寫). 柏林國際電影節. (原先內容喺2014-01-20歸檔). 喺2014-01-28搵到. 
  7. "短片:《那夜凌晨,我坐上了旺角開往大埔的紅VAN》電影片段" (用中文寫). 2014-02-09. 
  8. 林妃 (2014-01-19). "《魔警》角逐柏林影展" (用中文寫). 蘋果日報. 喺2014-01-28搵到. 
  9. Ryan (2014-01-18). "林超賢陳果新作入圍柏林". 講。鏟。片 (用中文寫). 喺2014-01-28搵到. 
  10. "【仲要等呀?】《那夜凌晨…》電影版為影展延期 年中先有得睇" (用中文寫). 2014-01-10. 喺2014-01-27搵到. 
  11. 11.0 11.1 "攝影數碼化 車內打燈唔太難" (用中文寫). 蘋果日報. 2014-04-09. 喺2014-04-16搵到. 
  12. 12.0 12.1 馮國康、Sidekick (2014-04-11). "亂噏24:陳果學蔡瀾 變態突圍" (用中文寫). 蘋果日報. 喺2014-04-16搵到. 
  13. 13.0 13.1 "【仲要等呀?】《那夜凌晨…》電影版為影展延期 年中先有得睇" (用中文寫). 2014-01-10. 喺2014-01-27搵到. 
  14. Press Office (2014-01-17). "Panorama 2014: Selection of fictional features for main program and panorama special now complete". berlinale.de (用英文寫). 柏林國際電影節. (原先內容喺2014-01-20歸檔). 喺2014-01-28搵到. 
  15. 短片:《那夜凌晨,我坐上了旺角開往大埔的紅VAN》電影片段 (用中文寫). 2014-02-09. 
  16. 林妃 (2014-01-19). "《魔警》角逐柏林影展" (用中文寫). 蘋果日報. 喺2014-01-28搵到. 
  17. Ryan (2014-01-18). "林超賢陳果新作入圍柏林". 講。鏟。片 (用中文寫). 喺2014-01-28搵到. 
  18. 18.0 18.1 鄺幸瑜 (2014-04-16). "重剪《紅Van》 歎規限太多 陳果刪粗口強暴戲降級搶客". 星島日報 (用中文寫). yahoohk. 喺2014-04-16搵到. 
  19. "《紅Van》II B版比三級版更長?" (用中文寫). 講鏟片. 2014-04-17. 喺2014-04-18搵到. 
  20. "那夜凌晨 陳果本土到底" (用中文寫). LifeStyle Journal 優雅生活. 2014-04-07. 喺2014-04-16搵到.