邵音音

出自維基百科,自由嘅百科全書
Jump to navigation Jump to search
邵音音
女演員
英文名 SIU YAM YAM, Susan
籍貫 湖南長沙
職業 歌手演員
活躍年代 1970年代到而家

邵音音(SIU YAM YAM, Susan,1950年11月30號—),本名倪小雁,係香港電影演員,1970年代出道時以性感演出聞名,2008年喺《野·良犬》飾演一個惡毒婆婆獲得第27屆香港電影金像獎最佳女配角。3年後再喺《打擂台》獲得第30屆香港電影金像獎最佳女配角。

簡歷[編輯]

邵音音喺香港生世,幼年隨國民黨籍阿爸坐軍眷船遷居台灣,畢業後修讀五年護士專科,隨後喺輪船上做護士。遊遍23個國家後,決定喺香港上岸揾另一份工,先喺夜總會唱歌,將藝名改成同邵逸夫同姓嘅「邵音音」,但成日俾人笑係「陰陰笑」,灌錄過三張唱片。

1972年開始演出電影,簽約長弓電影公司,首部作品係《雌雄變》[1],其後參與吳思遠嘅《十三號兇宅》,以性感表演闖出名堂,一年內拍片12部。1973年,獲李翰祥賞識,喺《北地胭脂》演出被老師強姦嘅女學生角色,亦獲得成功。1976年簽約邵氏,自此以拍攝邵氏電影為主,參演李翰祥嘅《騙財騙色》、《風花雪月》同呂奇嘅《男妓女娼》、《財子名花星媽》等風月作品。喺1973年到1982年整整十年,係喺邵氏脫得最耐嘅「艷星」,喺描寫邵氏女星嘅《百美千嬌》一書中佔一席位,被列入「性感女神」一欄。

邵音音喺1978年為《官人我要》隨片出席康城影展,以一襲粉紅肚兜透視裝出盡鋒頭,第二日美聯社叫佢做「China Doll」,轉載時被直譯為「中國娃娃」,為台灣政府視為大陸間諜,即時封殺。邵音音喺電影圈前途止步,只有登台維持生計,加盟麗的電視電視劇,專門扮演壞女人嘅角色。

後嚟邵音音到馬來西亞登台,結識富商陳耀發,交往兩年於1984年結婚,婚後無幾耐就生咗個女,邵音音告別影壇移居砂朥越,後嚟移民三藩市,1990年代舉家搬返香港。一對仔女喺澳洲留學。

邵音音重返娛樂圈後拍咗唔少內地劇,於1995年曾投資製作三級片,其後熱衷公益事業,擔任香港演藝人協會福利組副組長職務,2005年開始擔任名譽理事[2]。更將收藏多年嘅清朝皇帝印譜捐贈畀中國內地博物館。

2012年4月,邵音音接受亞洲電視節目《亞視百人》訪問。

軼聞[編輯]

  • 據稱邵音音同馬英九坐同一艘軍眷船從香港到台灣。
  • 邵音音未入行前曾經整容,將注入下巴,後嚟恐怕有副作用而做移除手術,結果令整個下巴生滿肉芽及臉部變形。
  • 1999年邵音音喺屋企不慎跌倒,整塊面撞向矮櫃,鼻骨全碎,面上縫咗幾十針,好彩無撞到眼睛變盲,但面部肌肉因縫針而無得笑。

演出作品[編輯]

電影[編輯]

演員

電視[編輯]

香港電台