鄉 (中華民國)

鄉（粵拼：hoeng1）係中華民國（台灣）最基層嘅地方行政區劃，地位同縣轄市、鎮相當。1999年1月25號，中華民國政府公佈《地方制度法》後，設鄉法源來自呢個法嘅第三條嘅規定，「地方劃分為省、直轄市；省復劃分為縣、市。縣之下劃分為鄉、鎮、縣轄市」。鄉在官方嘅英文翻譯名稱係「Township」，同鎮相同。

目前嘅《地方制度法》並冇詳細規定鄉嘅設置標準，一般嚟講，全部沿襲1999年嘅舊有標準，不過如果有合併嘅事宜，都要依法重新區劃。另外一般嚟講，沿襲舊制亦都係鄉劃分嘅地界同埋準則參酌因素之一。例如臺灣日據時期嘅支廳、清治時期嘅巡檢，甚至鄭氏王朝嘅屯田。

鄉又可以再分成「普通鄉」同「原住民鄉」，以漢人居住為主嘅鄉即普通鄉，而以原住民族居住為主嘅則係原住民鄉。目前台灣人口最多嘅鄉為桃園縣蘆竹鄉，人口達到13.4萬人，可望喺近年內改制為縣轄市。