鄭益龍

鄭益龍（粵拼：zeng6 jik1 long4；簡化字：郑益龙；閩南話：Tēnn-ik-liông；1979年1月—2013年3月1號），男，漢族，中華人民共和國廣東汕頭潮陽區人，係武警廣州市支隊船艇大隊副政治教導員，1997年12月入伍，1998年12月入黨。2013年3月1號下晝陪外父去睇醫生，途中跳落珠江救返跌落江嘅汕頭人陳永標，自己就畀激流衝走。

事發之後，武警廣州市支隊船艇大隊官兵第一時間派咗586號艇展開搜救，又協調駐地政府同埋海事部門配合，喺珠江沿岸設置搜救站，無間斷噉搜救。到3月2號，警方再出動3個派出所、1個大隊、6艘搜救艇、6名蛙人，一共41名警員進行搜索。

終於，鄭益龍嘅遺體喺4號夜晚8點50分被發現同埋打撈，位置就係喺濱江西路附近嘅珠江面，係渠跳落水嗰度嘅下游約莫500至600米。

渠嘅救人事蹟好快喺互聯網上面流傳，鄭益龍畀人民尊稱為英雄。

出面網頁

• 〈武警警官郑益龙勇救落水青年 - 延展阅读-新华网〉 (簡體中文)。
• 〈武警請假陪岳父看病途中跳江救人失蹤 - 中國 - 新聞頻道 - 新浪網〉 (繁體中文)。
• 〈救人英雄郑益龙遗体被找到牵动羊城人的心弦-热点资讯_第一信托网〉 (簡體中文)。
• 〈武警教导员郑益龙救落水青年失踪1天仍无消息-微博体爆料网！〉 (簡體中文)。
• 〈郑益龙_百度百科〉 (簡體中文)。