金馬素－百老匯站
| 金馬素－百老匯站 Commercial-Broadway | |
| |
| 商業道－百老匯道站1號同2號月臺（原商業道站） | |
| 概覽 | |
|---|---|
| 位置 | 溫哥華商業道同百老匯道嘅交界 |
| 座標 | 49°15′45″N 123°04′08″W / 49.26250°N 123.06889°W |
| 經過路線 | 博覽線 千禧線 |
| 啟站 | 1985年12月11號（百老匯道站） 2002年8月31號（商業道站） 2009年9月7號（兩個站合併） |
| 月台數 | 4 |
| 站口數 | 3 |
| 博覽線 濱海車站 ◄正街－科學世界站 那乃磨站► 英王佐治站 | |
| 千禧線 濱海車站 ◄倫菲魯站 （終點站）► 溫哥華社區學院－克拉克站 | |
| 長青延伸段 溫哥華社區學院－克拉克站 ◄（終點站） 倫菲魯站► 拉法治湖－道格拉斯學院 | |
商業道－百老匯道站（英文：Commercial–Broadway）係溫哥華架空列車嘅一座車站，位於溫哥華百老匯道同商業道交界處嘅東邊。
歷史
[編輯]商業道－百老匯道站係由之前嘅兩個車站，商業道站同百老匯道站，合併而成嘅。
百老匯道站係喺1986年溫哥華世博會之前起好同投入服務嘅車站之一。2002年千禧線投入服務之後，由於接近商業道站，百老匯道站逐漸成為徂成個架空列車系統最繁忙嘅轉線站。2008年，百老匯道站進行徂大規模裝修，起多徂一個出入口，換過徂部昇降機，重將部份防護網換成徂玻璃。裝修喺2009年完工。
商業道站係喺2002年同千禧線一齊投入服務嘅。千禧線通車初期，商業道站曾經一度係千禧線嘅終點站。後來到溫哥華社區學院－克拉克站起好之後，千禧線開始以溫哥華社區學院－克拉克站做終點站。
2009年加拿大線通車前夕，運輸聯線宣佈為徂避免乘客將百老匯道站同加拿大線嘅百老匯道－市政廳站媾亂，百老匯道站同商業道站合併為一個車站，叫做「商業道－百老匯道站」[1]。改名喺9月7號正式生效，原商業道站改為1號同2號月臺，原百老匯道站改為3號同4號月臺[1]。
從2015年開始，為徂迎接2016年通車嘅長青線，商業道－百老匯道站再次進行昇級改造，包括[2]：
- 喺原商業道站起多一座5號月臺；起好之後，商業道站部分應用西班牙方案：開往濱海車站嘅列車會先開一邊門俾乘客落車，再開第邊門俾乘客上車；
- 喺百老匯道南邊加設行人廣場；
- 喺公交車候車區加裝遮雨棚同長凳；
- 改善無障礙設施。
車站結構
[編輯]| T1 | 百老匯道月臺 | ←博覽線及千禧線往濱海車站 |
| 博覽線列車往英王佐治；千禧線列車往溫哥華社區學院→ | ||
| G | 地面 | 商業道（北）出口、售票機、閘門 |
| 百老匯道（南）出口、10道出口、售票機、閘門、商店、餐廳、自動櫃員機 | ||
| T1 | 商業道月臺 | ←千禧線列車往溫哥華社區學院 |
| 千禧線往濱海車站→ | ||
公交車路線
[編輯]- 以下路線沿百老匯道向西行，喺商業道（北）出口有站：
- 9號：開往卑詩大學/歐瑪街/格蘭維街
- 99號B線：開往卑詩大學
- N9號：開往市中心
- 以下路線沿百老匯道向東行，喺百老匯道（南）出口有站：
- 9號：開往市界路
- 99號B線：開往市界路
- N9號：開往高貴林中央車站
- 以下路線沿商業道向南行，係商業道－百老匯道十字路口南邊同北邊都有站：
- 20號：維多利亞街/54道
- N20號：維多利亞街
- 以下路線由百老匯道轉入商業道，喺商業道（北）出口有站：
- 20號：開往市中心
- N20號：開往市中心
- 9號同99號B線：開往商業道－百老匯道站（終點站）
參考
[編輯]- ↑ 1.0 1.1 "Two SkyTrain stations get one new name". Buzzer Blog. August 27, 2009. 原著喺2009年8月31號歸檔. 喺August 29, 2009搵到.
- ↑ "Moving Forward: Improving Metro Vancouver's Transportation Network". TransLink. October 2011. 原著喺2011年12月22號歸檔. 喺2014年9月21號搵到.