鍾偉明

出自維基百科,自由嘅百科全書
Jump to navigation Jump to search

鍾偉明Chung Wai-ming[1]1931年7月17號2009年11月27號)係香港資深廣播員,人稱鍾大哥,有「播音皇帝」嘅美譽[2]

鍾偉明喺1947年入廣播界,曾經響麗的呼聲美國新聞處香港電台等機構做廣播工作。1992年,鐘偉明係香港廣播界,首位華人獲英國政府頒授員佐勳章1998年,佢獲香港電台頒發「廣播成就榮譽獎」。鐘偉明響2009年11月27號上午11點36分被宣告死亡。

屋企[編輯]

鍾偉明老頭響南洋煙草公司打工。而二弟鍾志明,都係做廣播界工作。由於鍾偉明係鍾志明阿哥,鍾志明響人前會叫鍾偉明做「大哥」,因此畀人叫做「鍾大哥」[3]

事業[編輯]

鍾偉明11歲輟學,後加入山月影業公司當場記。本來佢一心學做導演,不過響1947年,佢都響香港電台演出首個廣播劇,叫《復活的玫瑰[2]1952年,佢又加入麗的呼聲,擔任節目編導,除咗拍電影,亦業餘做廣播劇。由於鍾偉明播音工作大增,難以兼顧,佢最終揀咗播音,做全職播音人。除咗播音之外,鍾偉明亦參與科幻戲劇形式嘅小說倫理偵探、國術小說等廣播劇劇種[3][4][5][6]。佢演過嘅廣播劇,好似《韋倫探案》、《洪熙官》等,都好深入民心,鍾偉明因而被冠「播音皇帝」美譽[7]

1955年,鍾偉明離開麗的呼聲,加入美國新聞處USIS),負責製作有關香港嘅綜合節目;之不過,麗的呼聲不畀鍾偉明請辭之外,重多次同美國新聞處恰商,最終,美國新聞處,特准佢響業餘時間,參加麗的呼聲、香港電台以及商業電台嘅廣播。由此可見,鍾偉明響廣播界嘅地位。1970年,鍾偉明獲香港電台取錄,成為節目主任,正式做香港公務員[4]

1980年代後期,因越戰後,除咗難民之後,後尾都有大批因經濟而出海嘅越南船民湧到香港,香港政府1988年6月16號起,實行甄別政策,並在香港電台播放「北漏洞拉」試圖阻止大量越南人進入香港;而該段廣播中嘅廣東話,都係由鍾偉明讀出[5][6][8][9]

鍾偉明響1991年退休,但仍響香港電台擔任節目主持。第二年,鍾偉明獲英國政府頒授員佐勳章(MBE),係香港廣播界,第一位唐人獲得呢個勳銜;1998年,鍾偉明獲香港電台頒發「廣播成就榮譽獎」,以表揚佢響廣播界嘅貢獻[4]2007年11月24號香港電台為鍾偉明設宴,以表揚佢響香港廣播界服務60年同埋佢嘅貢獻[8]

鍾偉明響2009年11月27號上晝,喺港鐵太子站突然暈低,畀人送去廣華醫院急救,但同一日上晝11點36分證實死亡,享年78歲[8]。當時香港電台形容佢係「港台之寶」[10]、「香港之寶」[11]。鍾偉明死前仍然響香港電台第五台,主持《松柏之聲》、《戲曲天地》(「粵曲會知音」環節)同埋《香江暖流》等長者節目[5][6],同埋清晨5點到6點半《清晨爽利》。

[編輯]

  1. "Pride of broadcasting" (PDF). 公務員通訊編輯委員會. (原先內容 (PDF)喺2011年7月21號歸檔). 喺2009年11月27號搵到. 
  2. 2.0 2.1 "廣播劇頻道--單人講述廣播劇". 香港電台. 喺2009年11月27號搵到. 
  3. 3.0 3.1 "廣播之光—鍾偉明". 公務員通訊編輯委員會. (原先內容喺2005年3月8號歸檔). 喺2009年11月27號搵到. 
  4. 4.0 4.1 4.2 亦靜, 編 (1998年12月). 播音皇帝—鍾偉明先生. 松栢之聲. 喺2009年11月27號搵到.  引用錯誤 Invalid <ref> tag; name "CSB2" defined multiple times with different content
  5. 5.0 5.1 5.2 "資深廣播人鍾偉明病逝". 星島日報. 2009年11月27號. 喺2009年11月27號搵到. 
  6. 6.0 6.1 6.2 "資深廣播人鍾偉明逝世 (13:03)". 明報即時新聞網. 2009年11月27號. 喺2009年11月27號搵到. 
  7. "永遠懷念鍾大哥". 香港電台. 2009年11月27號. 喺2009年11月27號搵到. 
  8. 8.0 8.1 8.2 "資深廣播人鍾偉明逝世". 明報. 2009年11月27號. 喺2009年11月27號搵到. 
  9. "北漏洞拉". 香港電台(轉載於youtube). 喺2009年11月27號搵到. 
  10. "黃華麒形容鍾偉明是偶像 真正播音皇帝". 香港電台. 2009年11月27號. 喺2009年11月27號搵到. 
  11. "港台:鍾偉明為港台之寶、香港之寶". 香港電台. 2009年11月27號. 喺2009年11月27號搵到. 

出面網站[編輯]