跳去內容

門羅主義

出自維基百科,自由嘅百科全書

 門羅主義粵拼mun4 lo4 zyu2 ji3英文Monroe Doctrine)係美國外交國策[1]。1823年,美國總統占士門羅鑑於歐洲神聖同盟維護君主制,可能會借西班牙殖民地干涉美洲事務,就發表聲明,要阻止歐洲各國揷手美洲政治[1]

美國政府表明觀點,認為歐洲列強唔應該繼續殖民美洲,或干預美國同墨西哥等美洲國家嘅主權事務。就住歐洲各國爭拗,或各國同美洲殖民地嘅戰爭,美國保持中立。如果有關戰事發生喺美洲,就被視為對美國嘅敵意行為。

以當時美國軍力,歐洲各國根本唔於放在眼內。不過呢種政策,有利於英國出口工業產品,所以實際上由英國執行,維持公海中立。

門羅主義作為美國外交事務轉捩點,直到世界大戰爆發先有所改變。直到19世紀末,門羅主義被認為係定義美國基本外交政策嘅起點,亦都係維持最長嘅意識形態之一。好多美國政治人曾經引用過本聲明,例如羅斯福甘迺迪列根等總統。

[編輯]

[編輯]

  1. 1.0 1.1 改編本. 商務印書館. 1931.