跳去內容

阿倫烈卡文

出自維基百科，自由嘅百科全書
阿倫烈卡文
姓名原文Alan Sidney Patrick Rickman
出生日1946年2月21號 喺Wikidata改呢個
出生地厄頓 喺Wikidata改呢個
本名Alan Sidney Patrick Rickman
死亡日2016年1月14號 喺Wikidata改呢個 （69歲）
死亡地倫敦 喺Wikidata改呢個
死因胰臟癌 喺Wikidata改呢個
國籍英國 喺Wikidata改呢個
識嘅語言英文 喺Wikidata改呢個
母校Chelsea College of Art and Design、Royal Academy of Dramatic Art、Latymer Upper School、Royal College of Art、Derwentwater Primary School 喺Wikidata改呢個
職業電視演員、電影演員、配音員、character actor、電影導演、電影監製、平面設計師、舞台劇演員、作家、演員、編劇、劇場總監、導演 喺Wikidata改呢個
風格莎士比亞喜劇 喺Wikidata改呢個
政黨工黨 喺Wikidata改呢個
名作Something the Lord Made、虎膽龍威、一屋一鬼一情人、Robin Hood: Prince of Thieves、哈利波特系列電影 喺Wikidata改呢個
配偶Rima Horton 喺Wikidata改呢個

阿倫·烈卡文（粵拼：aa3 leon4 lit6 kaa1 man4，英文：Alan Rickman，1946年2月21號—2016年1月14號）係個英國男演員。烈卡文喺皇家戲劇藝術學院（英文：Royal Academy of Dramatic Art）接受培訓，仲做埋皇家莎士比亞劇團嘅成員，喺唔少現代同古典戲劇作品入面演出。佢喺1978年出道，以舞台同螢幕角色而出名，亦憑住佢獨特、深沉、慵懶嘅聲線而為人所識。烈卡文曾經攞過唔同嘅獎，包括英國電影學院獎（英文：British Academy Film Awards）、金球獎、黃金時段艾美獎（英文：Primetime Emmy Awards）、美國演員工會獎（英文：Screen Actors Guild Award），仲入圍過兩次東尼獎（英文：Tony Awards）同埋羅倫士·奧利佛獎（英文：Laurence Olivier Awards）。

作為皇家莎士比亞劇團成員，烈卡文喺戲劇界開始佢嘅職業生涯，演出過古典同現代舞台劇。烈卡文嘅電影首作係1988年電影《虎膽龍威》嘅德國犯罪主腦漢斯·格魯伯（英文：Hans Gruber），佢憑住1985年喺RSC嘅舞台製作嘅《危險關係（英文：Les Liaisons Dangereuses (play)）》裡面做凡爾蒙子爵Vicomte de Valmont，後尾喺1986年轉到西區劇院，再喺1987年轉到去百老匯劇場演出之後，佢攞咗東尼獎最佳戲劇男演員（英文：Tony Award for Best Actor in a Play）嘅提名。佢憑住1991年電影《俠盜王子羅賓漢（英文：Robin Hood: Prince of Thieves）》嘅角色諾丁漢郡長（英文：Sheriff of Nottingham）而攞咗英國電影學院獎最佳男配角（英文：BAFTA Award for Best Actor in a Supporting Role）。烈卡文喺1991年憑住佢演出嘅電影《人鬼未了情（英文：Truly, Madly, Deeply (film)）》入面嘅主要角色而備受關注，因為噉而第１次攞到英國電影學院獎最佳男主角（英文：BAFTA Award for Best Actor in a Leading Role）嘅提名，之後佢喺1995年嘅《理智與感情（英文：Sense and Sensibility (1995 film)）》裡面對布蘭登上校（英文：Colonel Brandon）嘅詮釋同演繹，同埋喺1996年電影《豪情本色（英文：Michael Collins (film)）》裡面嘅伊蒙·德維利拉呢啲配角角色而廣受讚譽，仲開始喺國際影壇矚目。後嚟佢仲憑住1999年嘅《軟硬天使（英文：Dogma (film)）》、《星河救兵（英文：Galaxy Quest）》，同埋2005年嘅《星際快閃黨（英文：The Hitchhiker's Guide to the Galaxy (film)）》入面嘅喜劇角色而出名。

烈卡文喺2001-2011年呢10年裡面喺《哈利波特系列電影》嘅全部８套戲嗰度，由2001年嘅《哈利波特：神秘的魔法石》開始，直到2011年嘅《哈利波特：死神的聖物2》飾演神祕陰沉嘅賽佛勒斯·石內卜教授而又再廣為人知。佢喺呢段時間嘅其他出名嘅電影包括：2003年嘅《真的戀愛了》、2007年嘅《魔街理髮師》、2010年嘅《愛麗絲夢遊仙境》同埋呢套戲嘅2016年嘅續集（英文：Alice Through the Looking Glass (2016 film)），仲有2015年嘅《天眼狙擊》。

烈卡文亦曾經做過導演，包括1997年嘅《冬天的訪客（英文：The Winter Guest）》，同埋2014年嘅《凡爾賽宮的小風波（英文：A Little Chaos）》。

喺電視作品方面，烈卡文喺BBC嘅電視上首次亮相係喺1978年嘅《羅密歐與朱麗葉》嘅角色係提伯爾特（英文：Tybalt），作為BBC莎士比亞劇集（英文：BBC Television Shakespeare）嘅一部分。佢嘅突破性角色係喺BBC改編嘅1982年劇集《巴切斯特傳（英文：The Barchester Chronicles）》，佢喺裡面做俄巴底亞·斯洛佩Obadiah Slope。佢後來亦都有演出電視電影，喺1996年HBO嘅《魔僧（英文：Rasputin: Dark Servant of Destiny）》裡面做主角拉斯普京，呢套戲令佢攞到黃金時段艾美獎、金球獎同埋美國演員工會獎，佢亦都喺2004年嘅HBO電影《天賜良醫（英文：Something the Lord Made）》裡面做阿爾弗雷德·布萊洛克（英文：Alfred Blalock）。

2009年，《衛報》將佢評做從未攞過《奧斯卡金像獎》提名嘅其中１個最佳演員[1]。

烈卡文喺2016年1月14號因為胰臟癌（英文：Pancreatic cancer）而過身，享年69歲[2][3]。

早年生活同教育

[編輯]

阿倫·悉尼·柏翠克·烈卡文Alan Sidney Patrick Rickman喺1946年2月21號响倫敦賓福特出世，而佢喺倫敦嘅厄頓嗰度長大[4][5][6]。佢阿爸伯納德·威廉·烈卡文Bernard William Rickman係個前二戰飛機裝配工人，戰後做過工廠工人、房屋油漆工同裝修工人[6][7][8][9][10]；而佢阿媽瑪嘉烈·多琳·露絲Margaret Doreen Rose（娘家姓巴特利特Bartlett）係個家庭主婦[6][7][11][12][13]。佢阿媽係威爾士人，而佢阿嫲係愛爾蘭人。烈卡文後嚟喺2015年4月話：「我同莎蓮·斯皮特里（英文：Sharleen Spiteri）傾吓做凱爾特人嘅嘢，你哋係點樣聞到對方祲zam1味，因為我阿媽嘅外家係威爾士人。我身上冇幾多英國人嘅血統[14]。」佢阿爸係個天主教徒，而阿媽就信奉循道衛理公會[15]。阿倫喺屋企有兩個分別叫做大衛David同米高Michael嘅阿哥同細佬，仲有個叫做舒娜Sheila嘅細妹[6]，佢喺４個兄弟姊妹入面排第２。

烈卡文喺出生嗰時下巴緊繃，噉樣幫到佢可以用深沉嘅聲線同慵懶嘅語氣講嘢而令佢出名[16][17]。烈卡文曾經講過話有個聲樂教練同佢講佢有個「痙攣嘅軟齶」[18]。烈卡文阿爸喺佢８歲嗰陣因為癌症過身，留低佢阿媽獨力湊大佢哋４兄妹。根據傳記作者莫琳·帕頓（英文：Maureen Paton）嘅講法，呢個屋企「畀議會重新安置，仲搬到去HM監獄苦艾灌木叢（英文：HM Prison Wormwood Scrubs）以西嘅厄頓村Acton estate，佢阿媽喺嗰度努力透過郵局份工獨力湊大４個仔女」[6][19]。瑪嘉烈·烈卡文喺1960年再婚，不過３年後同烈卡文嘅後父離婚[6][15][20]。

烈卡文喺1972-1974年响RADA（英文：Royal Academy of Dramatic Art）讀書。佢喺1993年當選做RADA理事會成員，亦都係嗰個理事會嘅副主席，呢個角色入面一直效力到佢喺2016年過身之前。

烈卡文喺佢19歲嗰陣識咗佢嘅長期伴侶妮瑪·荷頓（英文：Rima Horton）[21]；佢話自己第１次心動喺10歲嗰陣，佢喺學校嘅運動會上鍾意咗個叫阿曼達Amanda嘅女仔[22]。烈卡文喺細個嗰陣，佢擅長書法同水彩畫。烈卡文喺西厄頓第一學校接受教育[23]，跟住入讀厄頓嘅德文特沃特小學Derwentwater Primary School，之後透過直接資助制度（英文：Direct grant grammar school）去到倫敦嘅拉提默中學（英文：Latymer Upper School）讀書，佢喺嗰度參與戲劇。烈卡文喺1965-1968年响車路士藝術與設計學院（英文：Chelsea College of Arts）繼續讀書，仲立志做個平面設計師[24]。後來烈卡文攞到獎學金，跟住佢喺1968-1970年响皇家藝術學院（英文：Royal College of Art）讀書[25]。佢嘅訓練令佢可以為皇家藝術學院嘅校內雜誌《ARK》、《諾丁山先驅報Notting Hill Herald》做平面設計師嘅工作，佢認為呢個職業比演戲嚟得更加穩定；佢後尾話去讀戲劇學校「唔被認為係18歲嗰陣所做嘅明智之舉[26][27][28]。」之後，烈卡文成為咗英國最傑出同最多才多藝嘅舞台演員兼影視演員之一。

烈卡文喺畢業之後同幾個朋友開咗間叫做「Graphiti」嘅平面設計工作室，不過經過３年成功嘅經營之後，佢決定要追求演藝事業上嘅專業。烈卡文寫信要求入去皇家戲劇藝術學院（英文：RADA）Royal Academy of Dramatic Art試鏡[29]，佢喺1972-1974年喺嗰度讀書[30]。烈卡文喺RADA讀書嗰陣接受正式嘅戲劇同歌唱訓練，亦都有參與音樂劇嘅演出。佢喺嗰度透過幫奈傑爾·霍桑（英文：Nigel Hawthorne）同埋拉夫·理察臣（英文：Ralph Richardson）爵士呢啲知名嘅英國演員擔任過衣箱（英文：Dresser (theatre)）[31]，透過做化妝師（英文：Make-up artist）嘅工作嚟支持自己嘅生活[32]。

演藝生涯

[編輯]

1980-1988年：戲劇角色同電影出道作

[編輯]

烈卡文喺RADA畢業之後，佢喺製作方面同英國話劇團同實驗劇團廣泛噉合作，包括卓可夫嘅《海鷗（英文：The Seagull）》，同埋喺皇家宮廷劇院（英文：Royal Court Theatre）上演斯努·威爾遜（英文：Snoo Wilson）嘅《草寡婦The Grass Widow》，呢齣舞台劇仲喺愛丁堡國際藝術節（英文：Edinburgh International Festival）上面出現過３次。佢喺1978年同宮廷戲劇團Court Drama Group合作，喺《羅密歐與茱麗葉》同《橋上的風景（英文：A View from the Bridge）》等等嘅戲劇入面攞到角色。喺同皇家莎士比亞劇團（RSC）合作嗰陣，佢喺《皆大歡喜》裡面做雅克斯Jaques，仲喺RSC出版嘅書《莎士比亞２嘅演員Players of Shakespeare 2》入面寫咗篇關於佢嘅過程嘅文章[33]。佢跟住出現喺1981年BBC改編左拉嘅小說《紅杏出牆（英文：Thérèse Raquin）》，同琦·奈利根（英文：Kate Nelligan）仲有拜仁·確斯對戲。佢喺BBC改編尊·萊卡納（英文：John le Carré）嘅1982年作品《笑面人（英文：Smiley's People）》嘅１集裡面短暫噉出現。佢嘅突破性角色係喺1982年嘅《巴切斯特傳（英文：The Barchester Chronicles）》裡面，嗰套係BBC改編自特羅洛普（英文：Anthony Trollope）嘅頭兩輯《巴切斯特》小說，烈卡文喺裡面做牧師奧巴底亞·斯洛佩Obadiah Slope[16][34][35]。

阿倫·烈卡文係唯一１個兩次入選《最偉大反派》名單嘅演員，呢個不足為奇—佢噉熱衷去做壞事。傳說話佢一直唔肯接諾丁漢警長嘅角色，直到有人同意佢可以用呢個角色去做任何佢鍾意嘅嘢—據傳聞呢個搞到奇雲·科斯特納Kevin Costner覺得忟憎嘅係，包括呢個角色偷咗成個抵死嘅節目。每個冷笑，每個反白眼，每次憤怒嘅怒火都令人賞心悅目。無論佢係取消聖誕節定係用匙羹去將你個心切開，烈卡文取悅觀眾嘅啞劇反派簡直係英雄噉樣。
— 《帝國雜誌（英文：Empire (magazine)）》對於烈卡文嘅演出，將佢對諾丁漢郡長（第14位）同漢斯·格魯伯（第4位）嘅演繹列入佢哋嘅《最偉大反派》名單[36]。

烈卡文喺1985年由RSC製作同基斯杜化·咸頓（英文：Christopher Hampton）改編嘅《危險關係（英文：Les Liaisons Dangereuses (play)）》裡面做男主角凡爾蒙子爵Vicomte de Valmont，呢齣舞台劇由霍華德·戴維斯（英文：Howard Davies (director)）做導演[37]。RSC喺1986年將製作移師去到西區劇院同埋1987年嘅百老匯之後，烈卡文憑住佢嘅演出攞到東尼獎（英文：Tony Awards）同埋戲劇桌獎（英文：Drama Desk Awards）嘅提名[38]。1988年，烈卡文喺佢第１套動作驚悚長片《虎膽龍威》入面做反派人物漢斯·格魯伯（英文：Hans Gruber），同布斯·韋利士一齊主演嘅佢，佢嘅演繹攞到好評，仲喺AFI百年百大英雄同反派名單（英文：AFI's 100 Years...100 Heroes & Villains）入面，成為電影史上第46位最佳反派人物[39]。烈卡文後嚟透露話佢因為唔覺得《虎膽龍威》係佢想拍嘅戲，所以佢差啲冇接到呢個角色[40]。

1990-2000年：事業突破

[編輯]

1990年，烈卡文喺《鐵漢縱橫（英文：Quigley Down Under）》裡面同湯·沙力（英文：Tom Selleck）做對手戲，飾演澳洲人艾略特·馬斯頓Elliott Marston。跟住嗰年，烈卡文喺奇雲·雷諾士（英文：Kevin Reynolds (director)）執導嘅改編電影《盜賊王子羅賓漢（英文：Robin Hood: Prince of Thieves）》入面做諾丁漢郡長（英文：Sheriff of Nottingham），仲喺戲裡面同奇雲·高士拿仲有摩根·費曼做對手戲。《娛樂週刊（英文：Entertainment Weekly）》話，雖然羅賓漢「令評論家同電影觀眾失望，不過烈卡文嘅邪惡反派做咗今個夏天最多人講嘅演出」[41]。烈卡文憑著佢嘅表現攞到英國電影學院獎最佳男配角（英文：BAFTA Award for Best Actor in a Supporting Role）。烈卡文喺得獎之後話：「呢個對我嚟講係個健康嘅提醒，提醒我微妙並唔係一切[42]。」雖然佢喺電影裡面做反派角色嘅能力喺媒體方面攞到好評[43][41]，不過烈卡文對於被塑造成反派（英文：Typecasting）提出咗質疑。佢喺呢十年裡面參演咗一系列挑戰媒體認知嘅角色[44]。

烈卡文好快就踏上咗做主角嘅路，例如喺1991年好似謎一樣嘅電影《密室驚魂（英文：Closet Land）》裡面，同麥迪蓮·絲托（英文：Madeleine Stowe）一齊演出；而佢亦都喺獨立浪漫電影《未了陰陽情（英文：Truly, Madly, Deeply (film)）》裡面做占美Jamie嘅浪漫角色，令佢又再入圍英國電影學院獎嘅提名[45]。呢套由安東尼·明格拉（英文：Anthony Minghella）執導，烈卡文同茱麗葉·史雲遜（英文：Juliet Stevenson）主演嘅電影，證明咗係個重要嘅成功。評論家羅渣·伊拔指出烈卡文能夠跳出電影反派嘅模式，佢話：「呢個人係烈卡文，你會喺畫面上面望住佢，你就知道自己喺某個地方見過，仲喺電影裡面一直喺度擾亂你嘅記憶，但係又唔會將佢喺《虎膽龍威》裡面做嘅反派聯繫起上嚟[46]。」烈卡文亦都同佳夫·奧雲仲有莎琪亞·利維斯（英文：Saskia Reeves）一齊喺史提芬·波利亞科夫（英文：Stephen Poliakoff）嘅1991年電影《閉上雙眼（英文：Close My Eyes (film)）》。《芝加哥讀者報（英文：Chicago Reader）》嘅莊拿芬·羅森鮑姆（英文：Jonathan Rosenbaum）就讚呢套戲同３位主演嘅演出，話佢哋「前衛、有力、令人信服，尤其係烈卡文嘅演出特別出色[47]。」烈卡文喺《閉上雙眼》、《未了陰陽情》同埋《盜賊王子羅賓漢》呢３套戲嘅演出都令佢攞到英國標準晚報電影獎最佳男主角（英文：Evening Standard British Film Awards），而同樣嘅表演連同佢喺《鐵漢縱橫》嘅作品，亦都令佢攞到倫敦電影評論家圈年度演員獎（英文：London Film Critics' Circle Award for Actor of the Year）[48]。

喺1995年，烈卡文喺李安改編自珍·柯士甸小說嘅電影《理智與感情（英文：Sense and Sensibility (1995 film)）》裡面做布蘭登上校（英文：Colonel Brandon）。呢套戲亦都由愛瑪·湯遜、曉·格蘭同琦·溫斯莉主演。湯遜話烈卡文因為喺其他戲裡面演繹過「馬基亞維利類型咁有效」，所以佢可以表達出「佢本性嘅非凡甜美」[49]。烈卡文憑住佢嘅演出，佢贏到自己嘅第３個英國電影學院獎最佳男配角（英文：BAFTA Award for Best Actor in a Supporting Role）嘅提名，同埋佢第１個美國演員工會獎（英文：Screen Actors Guild Award）嘅提名。佢响跟住落嚟嗰年喺尼爾·佐敦（英文：Neil Jordan）嘅時代劇情片《傲氣蓋天（英文：Michael Collins (film)）》裡面飾演伊蒙·德維利拉，呢套戲由里安·納遜、茱莉亞·羅拔絲，同埋史提芬·雷亞（英文：Stephen Rea）主演。烈卡文憑著演出第４次入圍英國電影學院獎嘅提名。

演而優則導，烈卡文喺1995年响倫敦阿爾梅達劇院（英文：Almeida Theatre）執導咗《冬日訪客（英文：The Winter Guest）》，仲喺1997年上映咗同一舞台劇嘅電影版，由愛瑪·湯遜同佢現實中嘅阿媽菲莉達·勞（英文：Phyllida Law）主演，烈卡文喺裡面自編自導仲客串演出[50]。1996年，烈卡文喺HBO電視傳記電影《魔僧（英文：Rasputin: Dark Servant of Destiny）》入面做「瘋僧mad monk」拉斯普京，呢個角色令佢攞到黃金時段艾美獎有限或選集系列最佳男主角（英文：Primetime Emmy Award for Outstanding Lead Actor in a Limited or Anthology Series or Movie）、美國演員工會迷你劇或電視電影最佳男主角（英文：Screen Actors Guild Award for Outstanding Performance by a Male Actor in a Miniseries or Television Movie），同埋金球獎迷你劇或電視電影最佳男主角（英文：Golden Globe Award for Best Actor – Miniseries or Television Film）[51]。

1997年10月，英國嘅《帝國雜誌（英文：Empire (magazine)）》將烈卡文評選做「有史以嚟最出色嘅100位影星」嘅第59位，仲有「50歲以上在世嘅最偉大影星」嘅第19位。同年，由烈卡文自編自導仲喺裡面客串演出嘅電影版《冬日訪客》上映，嗰套戲一舉攬獲咗1997年嘅芝加哥影展（英文：Chicago International Film Festival）金雨果最佳電影獎、1998年嘅克羅魯迪斯獨立電影協會（英文：Chlotrudis Society for Independent Films）獎最佳導演嘅提名同埋布魯塞爾國際奇幻影展（英文：Brussels International Fantastic Film Festival）嘅觀眾選擇獎、1999年捷克獅獎（英文：Czech Lion Awardsl）嘅最佳外語片...等等幾項殊榮。

烈卡文喺1990年代嘅舞台演出包括响1998年喺《安東尼與埃及妖后（英文：Antony and Cleopatra）》裡面做嘅馬克·安東尼，而海倫·美蘭就做埃及妖后，呢個舞台劇係由倫敦皇家國家劇院（英文：Royal National Theatre）製作，喺1998年10-12月响奧利佛劇場（英文：Royal National Theatre#Olivier Theatre）演出。

烈卡文同維多利亞·活（英文：Victoria Wood）一齊出現喺2000年BBC第１台嘅聖誕特備節目《維多利亞·活與所有鑲邊飾物（英文：Victoria Wood with All the Trimmings）》裡面，佢飾演喺滑鐵路戰役裡面嘅一個上咗年紀嘅老上校，佢被迫同密銀·域斯（英文：Honeysuckle Weeks）嘅角色解除訂婚嘅婚約[52]。

烈卡文喺佢嘅演藝生涯裡面佢演過唔少喜劇角色，包括同添·艾倫（英文：Tim Allen）、薛歌妮·韋花、森·洛維同埋東尼·蘇侯比（英文：Tony Shalhoub）一齊喺1999年邪典經典科幻惡搞片《星河救兵（英文：Galaxy Quest）》裡面演出，佢做阿歷山大·戴恩爵士／拉撒路博士嘅角色。洛維話烈卡文「喺確保劇本符合戲劇性方面發揮咗重要嘅作用，而且所有嘢背後都有好強嘅邏輯同理由」[53]。佢同樣喺1999年亦都响奇雲·史密夫嘅《軟硬天使（英文：Dogma (film)）》入面做天使梅塔特隆（英文：Metatron），仲有上帝把聲[54]。

2001-2011年：哈利波特同攞到好評

[編輯]

2001年，烈卡文第１次出現喺《哈利波特：神秘的魔法石》裡面，佢飾演魔藥大師賽佛勒斯·石內卜。佢喺2001-2011年嘅成個哈利波特系列電影裡面對呢個角色嘅刻劃都係黑暗嘅，不過呢個角色嘅動機喺早期就唔清楚[55]。烈卡文喺2002年响諾亞·卡活（英文：Noël Coward）嘅浪漫喜劇（英文：Romantic comedy）《私生活（英文：Private Lives）》舞台劇上面演出，喺西區劇院嘅諾亞·卡活劇院（英文：Noël Coward Theatre）成功上演之後，呢齣舞台劇就轉到去百老匯，仲喺2002年9月結束；烈卡文亦喺羅蘭士·奧利佛獎（英文：Laurence Olivier Awards）同東尼獎（英文：Tony Awards）嘅得獎品入面同《危險關係》嘅拍檔蓮茜·鄧肯（英文：Lindsay Duncan）仲有導演霍華德·戴維斯（英文：Howard Davies (director)）再聚[56]。烈卡文亦都喺2002年《山丘之王（英文：King of the Hill）》裡面嘅《如女人比武Joust Like a Woman》嗰集裡面幫「菲利普國王King Philip」嘅角色配音[57]。

2003年，烈卡文喺群星雲集嘅聖誕主題浪漫喜劇片《真的戀愛了》做愛瑪·湯遜角色嘅蠢老公哈里。呢齣由李察·寇蒂斯（英文：Richard Curtis）執導嘅戲畀《英國獨立報（英文：The Independent）》譽為「現代經典之作a modern classic」[58]。烈卡文憑住佢喺HBO嘅2004年劇集《天賜良醫（英文：Something the Lord Made）》裡面嘅阿爾佛雷德·巴諾（英文：Alfred Blalock）醫生呢個角色而攞到黃金時段艾美獎（英文：Primetime Emmy Awards）嘅提名[59]。

由烈卡文共同編劇仲執導嘅舞台劇《我的名字叫瑞秋·科里》喺2006年3月响倫敦嘅劇場劇院（英文：Playhouse Theatre）上演。

2005年初，根據若雪·柯利（英文：Rachel Corrie）喺加沙嘅日記同電郵改編嘅舞台劇《我的名字叫瑞秋·科里（英文：My Name Is Rachel Corrie）》，呢齣舞台劇由烈卡文同記者嘉芙蓮·維納（英文：Katharine Viner）共同創作同編輯，喺倫敦皇家宮廷劇院（英文：Royal Court Theatre）首演，嗰齣舞台劇仲喺2005年10月重演。烈卡文憑住西區劇院版本嘅演出，佢攞到劇院觀眾選擇獎最佳導演（英文：WhatsOnStage Awards）嘅獎項[60]。呢齣舞台劇原本計劃喺出年移師去到紐約劇院工作室（英文：New York Theatre Workshop）上演，不過因為有人認為嗰齣劇係「反以色列宣傳劇anti-Israeli agit-prop（英文：agit-prop）」而擔心畀人抵制同抗議，演出被無限期噉推遲，英國嘅製作方譴責呢個決定係審查制度，仲收返嗰個節目。烈卡文叫呢樣嘢做「源自於恐懼嘅審查制度censorship born out of fear」。哈洛·品特、雲妮莎·烈姬芙（英文：Vanessa Redgrave）同埋東尼·古舒拿（英文：Tony Kushner）佢哋都批評將節目無限期押後嘅決定[61]。呢套女人獨腳戲終於喺2006年10月15號喺外百老匯（英文：Off-Broadway）嘅地方開幕，首演48場[62]。就算親以色列團體有唔好嘅反應，不過總括嚟講，呢套舞台劇好受歡迎，尤其喺倫敦。烈卡文話：「我從來都冇諗過呢齣舞台劇會引起咁激烈嘅爭議...」佢補充話：「好多猶太人都支持。紐約嘅製作人係個猶太人，我哋每次演出之後都會做討論。以色列人同巴勒斯坦人都參與咗討論，而劇場入面亦都冇人大嗌，啲人只係喺度互相去聽[63][64]。」

同年，由馬田·費曼、莫斯·戴夫（英文：Yasiin Bey）、森·洛維同埋素兒·達莎妮（英文：Zooey Deschanel）主演嘅科幻喜劇片《星際快閃黨（英文：The Hitchhiker's Guide to the Galaxy (film)）》，烈卡文喺裡面幫偏執狂機械人馬文（英文：Marvin the Paranoid Android）配音。

烈卡文出席2007年嘅翠貝卡電影節（英文：Tribeca Film Festival）。

2006年，烈卡文同薛歌妮·韋花仲有嘉利·安·慕絲喺獨立片《雪花糕療情（英文：Snow Cake）》一齊演出，仲有由湯·泰華（英文：Tom Tykwer）執導嘅《香水：一個殺人者的故事（英文：Perfume: The Story of a Murderer (film)）》。2007年，佢喺由添·布頓執導嘅廣受好評電影《魔街理髮師》裡面做杜平法官（英文：Judge Turpin），戲裡面佢同尊尼·特普仲有佢嘅《哈利波特》系列電影拍檔海倫娜·寶咸·卡特仲有添密菲·史波（英文：Timothy Spall）一齊演出[65]。同年，佢仲喺黑色喜劇電影《諾貝爾贖金（英文：Nobel Son）》裡面做個自負嘅諾貝爾獎得主老豆[66]。烈卡文後嚟主演咗電影《戀戀酒鄉（英文：Bottle Shock）》，佢做個叫做史蒂文·斯普里爾（英文：Steven Spurrier (wine)）嘅巴黎葡萄酒專家，佢去加州納帕谷嚟搵優質葡萄酒帶返去法國參加嗰年嘅葡萄酒大賽（根據真實故事改編）。2009年，烈卡文榮獲愛爾蘭國立大學都柏林分校嘅文學與歷史學會（英文：Literary and Historical Society (University College Dublin)）頒發嘅占士·祖絲獎（英文：James Joyce Award）[34]。2010年10月同11月，烈卡文喺都柏林艾比劇院（英文：Abbey Theatre）同蓮茜·鄧肯（英文：Lindsay Duncan）同費安娜·梭爾（英文：Fiona Shaw）一齊主演咗亨里·易卜生嘅舞台劇《約翰·加布里·博曼（英文：John Gabriel Borkman）》入面嘅同名角色[67]。《愛爾蘭獨立報（英文：Irish Independent）》讚烈卡文嘅演出話令人嘆為觀止[68]。佢曾經亦都喺布魯克林音樂學院（英文：Brooklyn Academy of Music）嘅演出入面又再演出嗰個角色[69]。

2011年，烈卡文喺約翰·戈登劇場（英文：John Golden Theatre）。

2010年，烈卡文同愛瑪·湯遜合作演出BBC嘅電視作品《午餐之歌（英文：The Song of Lunch）》。佢喺同年幫添·布頓拍嘅戲《愛麗絲夢遊仙境》入面嘅智蟲（英文：Caterpillar (Alice's Adventures in Wonderland)）角色配音而獻聲[70]。烈卡文喺2011年嘅最後１輯哈利波特系列電影嘅《哈利波特：死神的聖物2》又再飾演賽佛勒斯·石內卜嘅角色，而佢喺成個系列入面對石內卜角色嘅演繹廣受好評[71]。《洛杉磯時報（英文：Los Angeles Times）》嘅根德夫·圖蘭（英文：Kenneth Turan）評價烈卡文話佢「一如既往噉令人留低咗最深刻嘅印象[72]」；而《滾石雜誌》嘅彼得·崔維斯（英文：Peter Travers）就讚烈卡文話「精湛嘅演技畀我哋終於窺探得到石內卜隱藏喺冷笑之下嘅嗰個充滿關愛嘅內心」[73]。媒體報導話烈卡文嘅演出夠晒去入圍奧斯卡金像獎最佳男配角嘅提名[74]。佢喺最後嗰次做石內卜嘅角色喺2011年攞到分別包括土星獎（英文：38th Saturn Awards）同尖叫獎（英文：2011 Scream Awards）在內幾個獎項嘅提名[75]。烈卡文喺2011年11月响百老匯約翰·戈登劇場（英文：John Golden Theatre）演出咗杜麗莎·雷貝克（英文：Theresa Rebeck）嘅新劇《研討會（英文：Seminar (play)）》[76]。喺同年４月離開劇組嘅烈卡文，佢仲憑住嗰齣舞台劇攞到Broadway.com觀眾選擇獎最受歡迎舞台劇男演員獎[77]，同時仲攞到戲劇聯盟獎（英文：Drama League Award）傑出演出嘅提名[78]。

2012–2016：最後角色

[編輯]
烈卡文同琦·溫斯莉一齊出席2014年多倫多國際影展。

2012年，烈卡文同哥連·費夫仲有金美倫·戴雅絲一齊主演咗米高·荷夫曼（英文：Michael Hoffman (director)）執導嘅《離奇偽術家（英文：Gambit (2012 film)）》，嗰齣戲翻拍自1966年嘅同名電影（英文：Gambit (1966 film)）[79]。佢喺2013年响電影《CBGB（英文：CBGB (film)）》入面同魯拔·格連特做拍檔，佢飾演東村龐克搖滾俱樂部CBGB（英文：CBGB）嘅創辦人希利·基斯特爾（英文：Hilly Kristal）[80]。2014年，佢自導自演咗古裝劇情片《凡爾賽宮的小風波（英文：A Little Chaos）》入面做國王路易十四，呢套戲由琦·溫斯莉、馬迪亞斯·修赫納赫特、珍妮花·艾妮（英文：Jennifer Ehle），同埋史丹利·特治主演。呢套戲喺多倫多國際影展（英文：2014 Toronto International Film Festival）上面首映。呢套戲攞到唔同嘅評價，影評人一致認為：「《凡爾賽宮的小風波》呢套戲有型，演員又演技精湛，喺從來都冇發揮到佢嘅戲劇性潛力嘅情況下，呢套戲全靠一班才華橫溢嘅演員嘅出色表現所承擔[81]。」

烈卡文喺跟住嗰年主演咗基雲·活嘅2015年電影《天眼狙擊》，佢同海倫·美蘭、亞倫·保羅同埋巴哈·亞迪主演。呢個係烈卡文嘅銀幕遺作。嗰套戲喺2015年多倫多國際影展（英文：2015 Toronto International Film Festival）上首映仲廣受好評；爛番茄網站上面基於175個影評人嘅評價而攞到95%嘅新鮮度，評論界一致認為：「《天眼狙擊》既切合時宜又扣人心弦，呢套戲以精湛嘅演技同非凡嘅思考嚟為現代戰爭政治驚悚片注入咗新嘅活力[82]。《紐約時報》嘅影評人史提芬·豪登Stephen Holden特別讚佢嘅角色，佢寫話：「本遜將軍係烈卡文先生嘅最後演出，而且佢嘅演出非常精彩，充滿住對戰爭同人性嘅憤世嫉俗同埋厭世情懷[83]。」

個人生活

[編輯]
2009年，烈卡文喺哈德遜聯合會嘅活動上。

烈卡文喺19歲嗰陣識咗當時18歲嘅妮瑪·荷頓（英文：Rima Horton），佢哋兩個喺1970年代初做咗伴侶。荷頓後嚟喺1986-2006年做咗肯辛頓同切爾西倫敦自治市議會（英文：Kensington and Chelsea London Borough Council）嘅工黨議員，仲喺倫敦京士頓大學（英文：Kingston University）擔任經濟學講師[21][84][85]。2015年，烈卡文證實佢哋喺2012年响紐約市搞咗場私人婚禮[86]。

烈卡文係演員湯姆·伯克（英文：Tom Burke (actor)）嘅契爺[87]。烈卡文嘅細佬米高Michael係個里斯特郡嘅保守黨區議員[88]。烈卡文係研究基金會拯救面孔Saving Faces嘅積極贊助人[89]，同埋國際表演者援助信託基金International Performers' Aid Trust嘅名譽主席，嗰個慈善機構致力喺幫世界各地嘅表演藝人擺脫貧困[90]。

喺傾到政治嗰陣時，烈卡文話佢「生出嚟就係工黨嘅正式黨員」[35]。佢生前最後１個錄影作品係為咗幫牛津大學嘅學生籌款而錄製嘅一段短片，嗰段短片係為咗籌集資金同埋提高啲人對救助兒童會同埋難民理事會（英文：Refugee Council）難民潮嘅認識[91]。根據烈卡文嘅日記，佢喺2008年推咗大英帝國勳章（CBE）[92]。

烈卡文直到佢生命嘅最後階段都仲積極參與政治活動。佢最後一次喺大銀幕上亮相係同海倫·美蘭合作嘅劇情片《天眼狙擊》，佢曾經將呢套戲形容做「１套關於政府喺用無人機方面所面臨嘅道德責任嘅電影」。

2003年，烈卡文喺睇完咗一位喺加沙畀以色列推土機碾壓而死嘅美國倡導巴勒斯坦人權利嘅活動家若雪·柯利（英文：Rachel Corrie）發表嘅電郵之後深受觸動，令到烈卡文有動力去創作舞台劇《我的名叫若雪·柯利（英文：My Name Is Rachel Corrie）》，呢齣舞台劇大獲好評仲喺倫敦好受歡迎[64][93]。

病患

[編輯]

烈卡文响2005年全年都喺度為咗對抗一種侵襲性前列腺癌而接受治療，佢最終喺2006年1月接受咗前列腺切除術（英文：Prostatectomy）。呢個手術噉啱就喺《哈利波特：鳳凰會的密令》選角嗰陣，佢曾經諗過係咪返番去嗰個系列，仲話：「最終贏出嘅論點係：『堅持到底。呢個係你嘅故仔。』[94]」

過身

[編輯]

烈卡文响2015年8月曾經輕微中風（英文：Transient ischemic attack），跟住就被診斷出患咗胰臟腺癌（英文：Pancreatic cancer）[3]。佢淨係向最親密嘅知己透露咗自己身患絕症（英文：Terminal illness）嘅消息。

2016年1月14號，烈卡文喺倫敦西伯恩露台（英文：Westbourne Terrace）嘅屋企過身，享年69歲。烈卡文嘅遺體喺同年嘅2月3號响肯薩綠地（英文：Kensal Green）嘅肯薩爾格林公墓（英文：Kensal Green Cemetery）火葬場火化，而骨灰交咗畀佢老婆。烈卡文最後嗰兩套戲—《天眼狙擊》同埋《愛麗絲夢遊仙境2：穿越魔鏡（英文：Alice Through the Looking Glass (2016 film)）》，同埋原訂佢嘅下套戲《英倫謎殺（英文：The Limehouse Golem）》都係呈獻畀佢嘅作品[95]。

聲譽同技能

[編輯]
2011年，烈卡文演出咗《約翰·蓋勃呂爾·博克曼（英文：John Gabriel Borkman）》之後，幫個粉絲擺pose。

公眾形象

[編輯]

烈卡文响1995年畀《帝國雜誌（英文：Empire (magazine)）》評選嘅「電影史上100位最性感明星the 100 Sexiest Stars in film history」榜單裡面排名喺第34位，仲喺1997年10月喺《帝國雜誌》嘅「有史以嚟100位電影明星The Top 100 Movie Stars of All Time」榜單入面排名第59位。喺2009年同2010年，烈卡文又再畀《帝國雜誌》選做「100位最性感明星100 Sexiest Stars」之一，兩次都係喺入選嘅50位演員入面排名第８位。

烈卡文喺1993年當選做皇家戲劇藝術學院（英文：Royal Academy of Dramatic Art）（RADA）嘅理事會成員，佢之後係RADA 嘅副主席，亦係佢哋嘅藝術顧問委員會artistic advisory committee、培訓委員會training committee，同埋發展理事會development board嘅成員[30]。

烈卡文曾經畀《帝國雜誌》評做「最偉大嘅50歲以上現存影星Greatest Living Movie Stars over the age of 50」榜單裡面排名喺第19位，仲曾經兩次入圍百老匯嘅東尼獎最佳戲劇男主角；嗰兩次分別係1987年嘅《危險關係》，同埋諾亞·卡活（英文：Noël Coward）喺2002年重演嘅舞台劇《私生活Private Lives》。《衛報》喺１份從未攞過奧斯卡金像獎提名嘅最佳演員名單入面，佢哋將烈卡文評做「榮譽提名」[96]。

演出

[編輯]

烈卡文喺2010年接受BBC嘅《HARDtalk（英文：HARDtalk）》節目採訪嗰時解釋話：「你只係喺生活入面以一個人嘅身份講嘢，所以...你講嘢只係因為你想回應你聽過嘅嘢。」佢認為單單係喺睡房入面自己一個背誦演講稿嘅呢個諗法，喺學習表演方面嚟講係個廢話[97]。

2012年，烈卡文喺接受ABC廣播電台（英文：Radio National）採訪嗰陣時透露，對佢影響最大嘅電影係羅拔·柯曼嘅1975年電影《普世歡騰樂滿城（英文：Nashville (film)）》[98]。

2012年，喺接受查理·羅斯（英文：Charlie Rose）嘅訪間嗰時，羅斯同烈卡文講，喺扮演任何壞人嗰時，你必須要搵到佢哋嘅弱點。烈卡文回應話，佢覺得你唔能夠評斷你自己扮演嘅角色，或者話，你點樣能夠去評斷一個角色呢？佢跟住話，唔同嘅角色有唔同嘅慾望，會去搵唔同嘅手段去實現佢哋[99]。

烈卡文喺2013年接受《全國公共廣播電台（英文：NPR）》嘅採訪嗰時重申咗佢之前嘅建議，佢話：「...演技就係要準確聆聽[100]。」

學術界

[編輯]

一位語言學家同一位音響工程師嘅兩位研究人員，佢哋透過根據50個聲音樣本嘅分析，發現「完美嘅男聲」係將烈卡文同謝洛美·艾朗斯把聲組合埋喺一齊[101]。BBC指出，烈卡文「嗰把渾厚而慵懶聲線係佢嘅標誌——令到就算係隨口講出嚟嘅對白，聽落都係經過深思熟慮同埋有十足嘅權威[102]。」喺GCSE（英文：GCSE）考試响戲劇科目而做嘅音域練習入面，烈卡文憑住佢「出色嘅發音同咬字」而畀BBC揀咗出嚟[103]。

流行文化

[編輯]

作品

[編輯]

舞台劇

[編輯]

年份 戲目 角色 場地 參考
1976 夏洛克·福爾摩斯（英文：Sherlock Holmes (play)） 福爾摩斯 伯明罕劇院（英文：Birmingham Repertory Theatre） [107]
1976–77 魔鬼是個蠢人（英文：The Devil is an Ass） 威提波爾Wittipol 伯明罕劇院
1978 暴風雨（英文：The Tempest） 斐迪南Ferdinand 皇家莎士比亞劇院（英文：Royal Shakespeare Theatre） [108]
秋千船長Captain Swing 法卡遜Farquarson 雅芳河畔史特拉福嘅其他地方（英文：The Other Place (theatre)） [109]
愛的徒勞（英文：Love's Labour's Lost） 博耶Boyet 皇家莎士比亞劇院 [110]
1980 承諾Commitments
唔清楚
皇家莎士比亞劇院
1981 海鷗（英文：The Seagull） 阿斯頓先生Mr. Aston 皇家宮廷劇院（英文：Royal Court Theatre）
1983 草寡婦The Grass Widow 丹尼斯Dennis 皇家宮廷劇院
髒話Bad Language 卜Bob 皇家宮廷劇院
1985 皆大歡喜 雅克Jaques 皇家莎士比亞劇院 [111]
特洛伊羅斯與克瑞西達（英文：Troilus and Cressida） 阿基里斯 皇家莎士比亞劇院 [112]
危險關係（英文：Les Liaisons Dangereuses (play)） 凡爾蒙子爵Vicomte de Valmont 雅芳河畔史特拉福嘅其他地方 [113]
1986 倫敦巴比肯藝術中心（英文：Barbican Centre）嘅畢特劇院The Pit [114]
梅菲斯托（英文：Mephisto (novel)） 亨德里克·荷夫根Hendrik Hofgen 巴比肯藝術中心（英文：Barbican Centre）嘅巴比肯劇場Barbican Theatre [115]
1987 危險關係（英文：Les Liaisons Dangereuses (play)） 凡爾蒙子爵Vicomte de Valmont 百老匯劇院嘅音樂盒劇院（英文：Music Box Theatre） [116]
1991 冬末的探戈Tango at the End of Winter 世Sei 西區劇院嘅皮卡迪利劇院（英文：Piccadilly Theatre）
1992 哈姆雷特 哈姆雷特Hamlet 倫敦河畔工作室（英文：Riverside Studios）
1995 冬天的訪客（英文：The Winter Guest）
導演
西區劇院嘅阿爾梅達劇院（英文：Almeida Theatre）
1998 安東尼與埃及妖后（英文：Antony and Cleopatra） 馬克安東尼Mark Antony 倫敦皇家國家劇院（英文：Royal National Theatre） [117]
2001–02 私生活（英文：Private Lives） 艾略特·蔡斯Elyot Chase 百老匯劇院嘅理察·羅傑斯劇院（英文：Richard Rodgers Theatre）
2006 我的名字叫瑞秋·科里（英文：My Name is Rachel Corrie）
導演兼編劇
百老匯劇院嘅米奈塔巷劇院（英文：Minetta Lane Theatre）
2008 債權人（英文：Creditors (play)）
導演
倫敦唐瑪倉庫劇院（英文：Donmar Warehouse）
2010–2011 約翰·加布里·博曼（英文：John Gabriel Borkman） 約翰·加布里·博曼John Gabriel Borkman 都柏林嘅艾比劇院（英文：Abbey Theatre）
布魯克林音樂學院（英文：Brooklyn Academy of Music）
2011–2012 研討會（英文：Seminar (play)） 倫納德Leonard 百老匯劇院嘅約翰·戈登劇場（英文：John Golden Theatre） [118]

電視

[編輯]
年份 戲集 角色 備註 參考
1978 羅密歐與茱麗葉 提伯特（英文：Tybalt） BBC電視台莎士比亞系列劇（英文：BBC Television Shakespeare） [107]
1980 紅杏出牆（英文：Thérèse Raquin） 維達爾Vidal ３集
雪利（英文：Shelley (TV series)） 克萊夫Clive 集數：《而家好奇怪Nowt So Queer》
1982 被捕Busted 西蒙Simon 電視電影
笑面人（英文：Smiley's People） 布朗洛先生Mr. Brownlow １集
巴切斯特傳（英文：The Barchester Chronicles） 奧巴底亞·斯洛佩Obadiah Slope ５集
1985 夏日季節Summer Season 克羅普Croop 集數：《歷史上嘅可惜Pity in History》
女孩至上（英文：Girls on Top (British TV series)） 德米特里Dmitri／RADA ３集
1989 革命證人Revolutionary Witness 雅克·魯（英文：Jacques Roux） 電視短劇
1989 劇本（英文：ScreenPlay） 以色列·耶茲Israel Yates 集數：《人類精神The Spirit of Man》
1993 墜落天使（英文：Fallen Angels (American TV series)） 德懷特·比林斯Dwight Billings 集數：《斜殺Murder, Obliquely》
1996 魔僧（英文：Rasputin: Dark Servant of Destiny） 拉斯普京 電視電影 [119]
2000 維多利亞·活與所有鑲邊飾物（英文：Victoria Wood with All the Trimmings） 佐治·法倫上校Captain George Fallon 小品：劇情同提案Sketch: Plots and Proposals
2002 山丘之王（英文：King of the Hill） 菲利普國王King Philip 聲演，集數：《如女人比武Joust Like a Woman》
2004 天賜良醫（英文：Something the Lord Made） 阿爾佛雷德·巴諾（英文：Alfred Blalock）醫生 電視電影 [119]
2010 午餐之歌（英文：The Song of Lunch） 佢He

電影

[編輯]

烈卡文憑住2001-2011喺哈利波特系列電影入面做賽佛勒斯·石內卜嘅角色而廣受讚譽，佢亦都演出過好多出名嘅戲，包括1988年嘅《虎膽龍威》、1991年嘅《俠盜王子羅賓漢（英文：Robin Hood: Prince of Thieves）》同埋《人鬼未了情（英文：Truly, Madly, Deeply (film)）》、1995年嘅《新愛情樂園（英文：An Awfully Big Adventure）》同埋《理智與感情（英文：Sense and Sensibility (1995 film)）》、1996年嘅《豪情本色（英文：Michael Collins (film)）》、1999年嘅《軟硬天使（英文：Dogma (film)）》同《星河救兵（英文：Galaxy Quest）》、2003年嘅《真的戀愛了》、2005年嘅《星際快閃黨（英文：The Hitchhiker's Guide to the Galaxy (film)）》、2007年嘅《魔街理髮師》、2010年嘅《愛麗絲夢遊仙境》，仲有2015年嘅《天眼狙擊》。

年份 戲名 角色 備註 參考
1988 虎膽龍威 漢斯·格魯伯（英文：Hans Gruber） 電影首作 [120]
1989 一月凶案（英文：The January Man） 艾德Ed [121]
1990 鐵漢縱橫（英文：Quigley Down Under） 艾略特·馬斯頓Elliot Marston [122]
1991 未了陰陽情（英文：Truly, Madly, Deeply (film)） 占美Jamie [119]
密室驚魂（英文：Closet Land） 審問員Interrogator [123]
盜賊王子羅賓漢（英文：Robin Hood: Prince of Thieves） 諾丁漢郡長（英文：Sheriff of Nottingham） [119]
閉上雙眼（英文：Close My Eyes (film)） 辛克萊Sinclair
妮坦莉嘅老公Natalie's husband		 [124]
1992 天生贏家（英文：Bob Roberts） 路卡斯·哈特三世Lukas Hart III [125]
1994 瘋狂遊戲（英文：Mesmer (film)） 弗朗茲·梅斯梅爾（英文：Franz Mesmer） [126]
1995 新愛情樂園（英文：An Awfully Big Adventure） P. L. 奧哈拉P. L. O'Hara [127]
理智與感情（英文：Sense and Sensibility (1995 film)） 布蘭登上校（英文：Colonel Brandon） [119]
1996 豪情本色（英文：Michael Collins (film)） 伊蒙·德維利拉
1997 冬日訪客（英文：The Winter Guest） 喺街上面嘅男人Man in street 冇註明；導演兼聯合編劇
1998 死亡一吻（英文：Judas Kiss (1998 film)） 大衛·佛里德曼偵探Detective David Friedman
黑港（英文：Dark Harbor） 大衛·溫伯格David Weinberg
1999 軟硬天使（英文：Dogma (film)） 梅塔特隆（英文：Metatron） [119]
星河救兵（英文：Galaxy Quest） 阿歷山大·戴恩Alexander Dane爵士
拉撒路博士Dr. Lazarus		 [119]
2000 小魚歷險記（英文：Help! I'm a Fish） 祖Joe 聲演
2001 大放異彩（英文：Blow Dry） 菲爾·艾倫Phil Allen
貝克特電影（英文：Beckett on Film#Play）舞台劇 Man（M）
尋找約翰·吉辛（英文：The Search for John Gissing） 約翰·吉辛John Gissing
哈利波特：神秘的魔法石 賽佛勒斯·石內卜
2002 哈利波特：消失的密室
2003 真的戀愛了 哈里Harry [119]
2004 哈利波特：阿茲卡班的逃犯 賽佛勒斯·石內卜
2005 哈利波特：火盃的考驗
星際快閃黨（英文：The Hitchhiker's Guide to the Galaxy (film)） 偏執狂機械人馬文（英文：Marvin the Paranoid Android） 聲演
2006 雪花糕療情（英文：Snow Cake） 阿歷士·休斯Alex Hughes [128]
香水：一個殺人者的故事（英文：Perfume: The Story of a Murderer (film)） 里奇斯Richis [128]
2007 諾貝爾贖金（英文：Nobel Son） 埃利·米高森Eli Michaelson
哈利波特：鳳凰會的密令 賽佛勒斯·石內卜
魔街理髮師 杜平法官（英文：Judge Turpin） [119]
2008 戀戀酒鄉（英文：Bottle Shock） 史蒂文·斯普里爾（英文：Steven Spurrier (wine)）
2009 哈利波特：混血王子的背叛 賽佛勒斯·石內卜
2010 哈利波特：死神的聖物1
愛麗絲夢遊仙境 智蟲（英文：Caterpillar (Alice's Adventures in Wonderland)） 聲演
最狂野的夢（英文：The Wildest Dream） 諾爾·奧德爾（英文：Noel Odell） 聲演、記錄片
2011 戲劇性時代的肖像Portraits in Dramatic Time 佢自己
哈利波特：死神的聖物2 賽佛勒斯·石內卜
泡泡裡的男孩The Boy in the Bubble 旁白 聲演，短片
2012 離奇偽術家（英文：Gambit (2012 film)） 沙班達勳爵Lord Shahbandar
2013 白宮管家（英文：The Butler） 朗奴·列根 [128]
愛的承諾（英文：A Promise (2013 film)） 卡爾·荷夫邁斯特Karl Hoffmeister
塵Dust 托德Todd 短片
CBGB（英文：CBGB (film)） 希利·基斯特爾（英文：Hilly Kristal）
2014 凡爾賽宮的小風波（英文：A Little Chaos） 路易十四 導演兼聯合編劇
2015 天眼狙擊 中將法蘭克·本森Lieutenant General Frank Benson 烈卡文嘅銀幕遺作 [128]
2016 愛麗絲夢遊仙境2：穿越魔鏡（英文：Alice Through the Looking Glass (2016 film)） 智蟲（英文：Caterpillar (Alice's Adventures in Wonderland)）
艾瑟隆Absolem
蝴蝶		 聲演
過身後發行（最後嘅電影角色）
奉獻畀佢嘅記憶

電子遊戲

[編輯]
年份 遊戲 角色 參考
1997 太空酒吧（英文：The Space Bar） 我嘅柏克My Parker / 泰·柏克Ty Parker [129]

獎項同提名

[編輯]

烈卡文攞過好多榮譽，包括英國電影學院獎（英文：British Academy Film Awards）、黃金時段艾美獎（英文：Primetime Emmy Awards）、金球獎同埋美國演員工會獎（英文：Screen Actors Guild Awards），另外佢仲分別攞過兩次戲劇桌獎（英文：Drama Desk Awards）、１次戲劇聯盟獎（英文：Drama League Award）、１次羅倫斯奧利佛獎（英文：Laurence Olivier Awards），同埋兩項東尼獎（英文：Tony Awards）嘅提名。

年份 作品 頒獎禮 獎項 結果 備註
1987 危險關係（英文：Les Liaisons Dangereuses (play)） 東尼獎（英文：Tony Awards） 最佳舞台劇男主角（英文：Tony Award for Best Actor in a Play） 提名 [130]
戲劇桌獎（英文：Drama Desk Awards） 最佳舞台劇男主角（英文：Drama Desk Award for Outstanding Actor in a Play） 提名
1991 俠盜王子羅賓漢（英文：Robin Hood: Prince of Thieves） MTV影視大獎（英文：MTV Movie & TV Awards） 最佳反派（英文：MTV Movie Award for Best Villain） 提名
1992 英國電影學院獎（英文：British Academy Film Awards） 最佳男配角（英文：BAFTA Award for Best Actor in a Supporting Role） 獲獎 [131]
土星獎 最佳男配角（英文：BAFTA Award for Best Actor in a Supporting Role） 提名
人鬼未了情（英文：Truly, Madly, Deeply (film)） 英國電影學院獎（英文：British Academy Film Awards） 最佳男配角（英文：Saturn Award for Best Supporting Actor） 提名 [132]
1994 瘋狂遊戲（英文：Mesmer (film)） 蒙特利爾世界電影節Montreal World Film Festival 最佳男主角 獲獎
1996 理智與感情（英文：Sense and Sensibility (1995 film)） 英國電影學院獎（英文：British Academy Film Awards） 最佳男配角（英文：Saturn Award for Best Supporting Actor） 提名 [133]
美國演員工會獎（英文：Screen Actors Guild Awards） 電影類最佳群戲演出（英文：Actor Award for Outstanding Performance by a Cast in a Motion Picture） 提名 [134]
魔僧（英文：Rasputin: Dark Servant of Destiny） 艾美獎 最佳限定影集或單元劇/電影男主角獎（英文：Primetime Emmy Award for Outstanding Lead Actor in a Limited or Anthology Series or Movie） 獲獎 [135]
美國演員工會獎（英文：Screen Actors Guild Awards） 電影類最佳群戲演出（英文：Actor Award for Outstanding Performance by a Cast in a Motion Picture） 提名 [136]
衛星獎（英文：Satellite Awards） 最佳迷你影集或電視電影男主角（英文：Satellite Award for Best Actor – Miniseries or Television Film） 獲獎
1997 金球獎 最佳迷你影集或電視電影男主角（英文：Golden Globe Award for Best Actor – Miniseries or Television Film） 獲獎 [137]
美國演員工會獎（英文：Screen Actors Guild Awards） 迷你影集或電視電影最佳男主角（英文：Actor Award for Outstanding Performance by a Male Actor in a Miniseries or Television Movie） 獲獎 [138]
豪情本色（英文：Michael Collins (film)） 英國電影學院獎（英文：British Academy Film Awards） 最佳男配角（英文：BAFTA Award for Best Actor in a Supporting Role） 提名 [139]
1999 軟硬天使（英文：Dogma (film)） 衛星獎（英文：Satellite Awards） 最佳男配角（英文：Satellite Award for Best Actor in a Supporting Role） 提名
2000 星河救兵（英文：Galaxy Quest） 土星獎 最佳男配角（英文：Saturn Award for Best Supporting Actor） 提名 [140]
2002 私生活（英文：Private Lives） 東尼獎（英文：Tony Awards） 最佳舞台劇男主角（英文：Tony Award for Best Actor in a Play） 提名 [141]
戲劇桌獎（英文：Drama Desk Awards） 最佳舞台劇男主角（英文：Drama Desk Award for Outstanding Actor in a Play） 提名
羅倫斯奧利佛獎（英文：Laurence Olivier Awards） 最佳男主角（英文：Laurence Olivier Awards） 提名 [142]
哈利波特：消失的密室 鳳凰城電影評論家協會獎Phoenix Film Critics Society Awards 最佳合演Best Acting Ensemble 提名
2003 真的戀愛了 廣播電影評論家協會獎Broadcast Film Critics Association Award 最佳整體演出（英文：Critics' Choice Movie Award for Best Acting Ensemble） 提名
2004 鳳凰城電影評論家協會獎Phoenix Film Critics Society Awards 最佳合演 提名
天賜良醫（英文：Something the Lord Made） 艾美獎 最佳限定影集或單元劇/電影男主角獎（英文：Primetime Emmy Award for Outstanding Lead Actor in a Limited or Anthology Series or Movie） 提名 [143]
衛星獎（英文：Satellite Awards） 最佳迷你影集或電視電影男主角（英文：Satellite Award for Best Actor – Miniseries or Television Film） 提名
2007 魔街理髮師 廣播電影評論家協會獎Broadcast Film Critics Association Award 最佳整體演出（英文：Critics' Choice Movie Award for Best Acting Ensemble） 提名
2008 土星獎 最佳男配角（英文：Saturn Award for Best Supporting Actor） 提名 [144]
2009 哈利波特：混血王子的背叛 尖叫獎（英文：Scream Awards） 最佳整體演出 獲獎 [145]
2010 納爾遜·曼德拉的最喜歡非洲民間故事Nelson Mandela's Favorite African Folktales 奧迪獎（英文：Audie Awards） 奧迪獎年度最佳有聲書（英文：Audie Award for Audiobook of the Year） 獲獎 [146]
奧迪獎最佳多聲道演出（英文：Audie Award for Multi-Voiced Performance） 獲獎 [147]
2011 哈利波特：死神的聖物2 女性電影記者聯盟Alliance of Women Film Journalists獎 最佳男配角 提名
華盛頓特區地區影評人協會Washington D.C. Area Film Critics Association獎 最佳演員團隊 提名
聖地牙哥影評人協會San Diego Film Critics Society獎 最佳演員團隊 獲獎
聖路易斯閘道影評人協會St. Louis Gateway Film Critics Association獎 最佳男配角 提名
人民選擇大獎（英文：People's Choice Awards） 最喜愛的群戲電影演員陣容（英文：38th People's Choice Awards） 獲獎
尖叫獎（英文：Scream Awards） 最佳男配角（英文：2011 Scream Awards） 提名 [148]
最佳演員團隊（英文：2011 Scream Awards） 提名
MTV影視大獎（英文：MTV Movie & TV Awards） 最喜歡的哈利波特角色扮演Favorite Harry Potter Character Portrayal 獲獎 [149]
2012 研討會（英文：Seminar (play)） 戲劇聯盟獎（英文：Drama League Award） 傑出表現Outstanding Distinguished Performance 提名 [150]
哈利波特：死神的聖物2 土星獎 最佳男配角（英文：Saturn Award for Best Supporting Actor） 提名 [151]
2014 白宮管家（英文：The Butler） 美國演員工會獎（英文：Screen Actors Guild Awards） 電影類最佳群戲演出獎（英文：Actor Award for Outstanding Performance by a Cast in a Motion Picture） 提名 [152]

遺產

[編輯]

喺烈卡文過身嘅消息公布咗之後，同佢合作過嘅演員仲有同行紛紛都喺社群媒體上面表達咗哀悼。由於佢嘅癌症病情喺呢個消息之前仲未公開，令到有啲人對呢個消息表示震驚，例如係飾演佛地魔嘅賴夫·費恩斯話「唔敢相信佢已經走咗」，而做魯休思·馬份嘅積遜·艾薩斯就話自己「避開咗呢個噉得人驚嘅消息」[84]。飾演鄧不利多嘅米高·甘邦爵士喺接受BBC電台第４台（英文：BBC Radio 4）訪問嗰陣時話佢係個「好朋友」同埋「一個真正嘅劇場同舞台之人」[153]。喺令佢成名嘅一個西區劇院演出（危險關係）裡面，啲人緬懷佢而叫佢做「英國戲劇界嘅偉人」[154]。

《哈利波特》系列嘅作者羅琳話烈卡文係「一位傑出嘅演員，一位好巴閉嘅人」。愛瑪·屈臣寫話：「我覺得好好彩可以同一個噉特別嘅男士兼演員一齊做嘢同埋共度時間，我真係會好掛住我哋嘅對話。」丹尼爾·域卡夫感激佢嘅忠誠同支持：「我幾肯定佢嚟睇過晒所有我喺英國同美國舞台上做過嘅嘢。佢真係完全冇必要噉樣做[155]。」伊凡娜·林奇話遇到飾演石內卜嘅烈卡文令佢覺得真係好得人驚，但係當佢唔係石內卜嗰陣時係好友善同慷慨[156]。魯拔·格連特話：「就算佢已經走咗唔喺度，我永遠都會記得佢把聲[84]。」曾經同烈卡文喺兩套添·布頓電影（英文：List of frequent Tim Burton collaborators）合演嘅尊尼·特普評論話：「嗰把聲，嗰個人格。而家好少有人可以噉獨特，佢就係獨一無二嘅[157]。」

喺倫敦影評人協會大獎嘅頒獎典禮（英文：London Film Critics' Circle#Critics' Circle Film Awards）上，琦·溫斯莉以淚流滿面嘅方式嚟向烈卡文致敬，佢發表咗感人至深嘅悼詞，佢諗返起烈卡文嘅溫暖同慷慨[158]，仲補充話：「同埋嗰把聲！哦，嗰把聲。」女爵士海倫·美蘭話佢把聲「既可以好似蜂蜜噉樣咁甜美，亦都可以好似隱藏嘅匕首咁鋒利[84]」。愛瑪·湯遜回憶話：「佢嗰種難以言喻同憤世嫉俗嘅智慧、略帶諷刺嘅幽默感造就咗佢偉大嘅藝術成就，同埋佢對大多數事物清晰嘅洞察力（包括我）... 我喺佢身上學到好多嘢[155]。」哥連·費夫同《荷里活報道（英文：The Hollywood Reporter）》講，烈卡文作為一個演員，佢一直都係個良師益友[159]。《虎膽龍威》嘅導演尊·麥地雅倫（英文：John McTiernan）話，烈卡文本人同佢喺銀幕上最出名嘅反派角色係個截然相反嘅對立面[160]。伊恩·麥基倫爵士寫話：「喺（烈卡文）悲傷嘅面背後——就算佢畀歡樂折磨緊嗰陣時，佢笑起上嚟個樣亦都一樣咁靚仔—隱藏住一個超級活躍嘅靈魂，不斷噉探索、不斷去成就，佢係個謙遜但係又威力無窮嘅超級英雄[155]。」編劇兼導演奇雲·史密夫喺佢嘅播客《荷里活喋喋不休Hollywood Babble On》上講咗個關於烈卡文嘅10分鐘令人淚流滿面嘅故仔，而烈卡文嘅屋企人對「大家嘅慰問訊息」表示感謝[161]。

烈卡文由1993年到2015年嘅日記編輯集喺2022年10月4號出版，呢本書嘅標題就叫做《人鬼未了情：阿倫·烈卡文日記Madly, Deeply: The Alan Rickman Diaries》[162][163]。

2023年4月30號，搜尋引擎Google用咗塗鴉嚟紀念烈卡文[164]。

2025年11月13號，烈卡文嘅私人劇本同紀念品被拍賣[165]。

拎

[編輯]

註

[編輯]
  1. ↑ Singer, Leigh (19 February 2009). "Oscars: the best actors never to have been nominated". The Guardian. UK. 喺17 September 2022搵到.
  2. ↑ "Alan Rickman, Harry Potter and Die Hard actor, dies aged 69". BBC News. 14 January 2016. 原先內容歸檔喺20 November 2016. 喺20 November 2016搵到.
  3. 1 2 Saul, Heather (15 January 2016). "Alan Rickman: British actor died from 'pancreatic cancer'". The Independent. 原先內容歸檔喺15 January 2016. 喺23 November 2018搵到.
  4. ↑ "Alan Rickman, actor – obituary". The Daily Telegraph. 原先內容歸檔喺10 January 2022. 喺8 March 2020搵到.
  5. ↑ Profile 互聯網檔案館嘅歸檔，歸檔日期26 October 2015., biography.com. Retrieved 14 January 2016
  6. 1 2 3 4 5 6 Paton, Maureen (1996). Alan Rickman: the unauthorised biography. London: Virgin. ISBN 978-1852276300.
  7. 1 2 Solway, Diane (August 1991). "Profile: Alan Rickman". European Travel and Life. 原先內容歸檔喺6 October 2007. 喺3 October 2007搵到.
  8. ↑ England & Wales births 1837–2006. Vol. 1A. p. 515.
  9. ↑ England & Wales deaths 1837–2007. Vol. 5F. p. 247. Print.
  10. ↑ 1939 United Kingdom Census. 1939 Household Register. London Borough of Hammersmith and Fulham, London, England; family 4, dwelling 45, lines 11–13; 1939. Print.
  11. ↑ "Alan Rickman & Helen McCrory: 'With us it's mostly about laughter and the odd Martini'". The Independent. Retrieved 16 January 2020
  12. ↑ England & Wales births 1837–2006. Vol. 11A. p. 1224. Print.
  13. ↑ England & Wales deaths 1837–2007. Birth, Marriage & Death (Parish Registers). District no. 6001F. Register. no. F56C. Entry no. 094. Print.
  14. ↑ White, Hilary A. (13 April 2015). "Alan Rickman – A working-class hero at the court of Versailles". Irish Independent. 喺14 January 2016搵到.
  15. 1 2 Mackenzie, Suzie (3 January 1998). "Angel with Horns". The Guardian. UK. 原先內容歸檔喺6 October 2007. 喺3 October 2007搵到.
  16. 1 2 "Alan Rickman: Beguiling monster who made Cherie weak at the knees". The Independent. 原先內容歸檔喺2017-03-07. 喺2020-03-08搵到.
  17. ↑ "Alan Rickman: Cinema's voice of honey-smooth villainy". The Sydney Morning Herald. 15 January 2016. 喺8 March 2020搵到.
  18. ↑ "Alan Rickman Is a Corrupt Banker (in John Gabriel Borkman)". The Village Voice. 5 January 2011. 原著喺24 September 2020歸檔. 喺11 July 2022搵到.
  19. ↑ "Obituary: Alan Rickman." 互聯網檔案館嘅歸檔，歸檔日期17 July 2018. BBC News, 14 January 2016. Retrieved 5 June 2016.
  20. ↑ England & Wales marriages 1837–2008. Vol. 5E. p. 307. Print.
  21. 1 2 "Alan Rickman weds Rima Horton nearly 50 years after they met". Today. 喺5 May 2023搵到. Alan Rickman met future economist and politician Rima Horton, it was 1965 and they were just teenagers.
  22. ↑ "Untitled Love Actually Interview." 互聯網檔案館嘅歸檔，歸檔日期18 September 2016. Alan Archives. 10 November 2003. Retrieved 7 August 2016.
  23. ↑ Paton, Maureen (31 May 2012). Alan Rickman: The Unauthorised Biography. Random House. ISBN 978-1-4481-3264-5.
  24. ↑ Paton, Maureen (2003). Alan Rickman: The Unauthorised Biography. Virgin Books; 2Rev Ed edition. p. 53. ISBN 978-0753507544.
  25. ↑ Royal College of Art Society (12 March 2019). "Alan Rickman (1946 - 2016)".
  26. ↑ "THE DEVIL IN MR RICKMAN". btinternet.com. 原著喺22 April 2001歸檔.
  27. ↑ The RCA Journal: The Alan Rickman Issues. 互聯網檔案館嘅歸檔，歸檔日期5 August 2016. It's Nice That. 15 January 2016. Retrieved 7 August 2016.
  28. ↑ Child's Play: Alan Rickman's 1970 Account of Murderous Children In An Inner-London Play Park. 互聯網檔案館嘅歸檔，歸檔日期11 August 2016. Flashbak. 20 January 2016. Retrieved 7 August 2016.
  29. ↑ "Interview: Evil Elegance". Alan-rickman.com. 原先內容歸檔喺7 July 2011. 喺9 July 2011搵到.
  30. 1 2 Staff (14 January 2016). "Alan Rickman, 1946–2016". Royal Academy of Dramatic Art. 原先內容歸檔喺4 March 2016. 喺14 January 2016搵到.
  31. ↑ Interview Alan Rickman 互聯網檔案館嘅歸檔，歸檔日期20 July 2011., abouthp.free.fr. Retrieved 20 December 2007.
  32. ↑ Interview Alan Rickman 互聯網檔案館嘅歸檔，歸檔日期2011-07-20., abouthp.free.fr. Retrieved 20 December 2007.
  33. ↑ "Players of Shakespeare 2". Cambridge University Press. 喺9 February 2023搵到.
  34. 1 2 Staff (2016-01-14). "British actor Alan Rickman dies aged 69". RTÉ.ie. Raidió Teilifís Éireann. 原先內容歸檔喺2016-01-15. 喺2016-01-14搵到.
  35. 1 2 Shoard, Catherine (14 January 2016). "Alan Rickman, giant of British screen and stage, dies at 70". The Guardian. London. 喺14 January 2016搵到.
  36. ↑ "Greatest Villains of All Time". Empire. Retrieved 24 February 2019
  37. ↑ Rich, Frank (1987-05-01). "Stage: Carnal abandon in Les Liaisons Dangereuses". The New York Times. 喺2016-01-16搵到.
  38. ↑ Brooks, Katherine (2016-01-14). "Alan Rickman Was A Great Film Actor, But He Was A Master of Theater First". The Huffington Post. 原先內容歸檔喺2016-01-15. 喺2016-01-16搵到.
  39. ↑ "AFI's 100 Years...100 Heroes & Villains". AFI.com. 原先內容歸檔喺7 May 2007. 喺7 October 2020搵到.
  40. ↑ "Alan Rickman: A Life in Pictures Highlights". BAFTA Guru. 原先內容歸檔喺26 December 2015. 喺13 October 2015搵到.
  41. 1 2 McFerran, Ann (9 August 1991). "Alan Rickman: Villain". Entertainment Weekly. 喺21 October 2019搵到.
  42. ↑ "Alan Rickman Wins Supporting Actor for Robin Hood: Prince of Thieves in 1992". YouTube. 17 January 2015. 喺6 August 2022搵到.
  43. ↑ The Screening Room's Top 10 British Villains 互聯網檔案館嘅歸檔，歸檔日期24 February 2008., CNN. Retrieved 14 January 2016.
  44. ↑ "Alan Rickman, Obituary". The Sydney Morning Herald. 16 January 2016. 喺15 January 2016搵到.
  45. ↑ "100 BAFTA Moments – Alan Rickman Wins His First BAFTA in 1992". British Academy Film Awards. 17 January 2015. 原先內容歸檔喺22 January 2015. 喺14 January 2016搵到.
  46. ↑ "Reviews: Truly Madly Deeply". Roger Ebert.com. 喺6 August 2022搵到.
  47. ↑ "Close My Eyes". Chicago Reader. 13 February 1992. 原先內容歸檔喺5 December 2021. 喺25 November 2022搵到.
  48. ↑ "Truly Madly Deeply". IMDb. 原先內容歸檔喺25 April 2022. 喺25 November 2022搵到.
  49. ↑ Thompson, Emma (1995). The Sense and Sensibility Screenplay & Diaries: Bringing Jane Austen's Novel to Film. Newmarket Press. p. 269. ISBN 978-1-55704-260-6.
  50. ↑ "Film: Em and Phyllida keep it in the family". The Independent. 2015-01-15. 原先內容歸檔喺2017-12-05. 喺2017-08-23搵到.
  51. ↑ "Alan Rickman". Television Academy. 原先內容歸檔喺2012-10-17. 喺2011-12-26搵到.
  52. ↑ "Christmas TV's First Ladies". BBC News. 25 December 2000. 喺27 November 2021搵到.
  53. ↑ Burton, Byron (24 December 2019). "DreamWorks "Screwed Up": Why Cult Classic 'Galaxy Quest' Wasn't a Bigger Hit". The Hollywood Reporter. 喺30 December 2019搵到.
  54. ↑ Kevin Smith (25 October 2000). "In the Beginning... The Story of Dogma".
  55. ↑ Berman, Craig (16 July 2007). "Is Potter's foe, Severus Snape, good or evil?". TODAY. 原先內容歸檔喺28 January 2016. 喺15 January 2016搵到.
  56. ↑ Brantley, Ben. "Theater Review; Take Hate, Add Love and Shake Tenderly for a Coward Cocktail". The New York Times, 29 April 2002
  57. ↑ "Joust Like a Woman". IMDb. 喺24 March 2023搵到.
  58. ↑ "Love Actually: We now (finally) know what happened with Alan Rickman and Emma Thompson's Harry and Karen". The Independent. 13 December 2015. 原先內容歸檔喺13 October 2020. 喺8 October 2020搵到.
  59. ↑ "8th Annual TV Awards (2004)". Online Film & Television Association. 喺8 March 2024搵到.
  60. ↑ Viner, Katharine (8 April 2005). "'Let me fight my monsters'". The Guardian. London. 喺8 March 2024搵到.
  61. ↑ Bernstein, Adam (14 January 2016). "Alan Rickman, actor who brought dynamic menace to Die Hard and Harry Potter, dies at 69". The Washington Post. ISSN 0190-8286. 原先內容歸檔喺14 January 2016. 喺14 January 2016搵到.
  62. ↑ Gans, Andrew; Simonson, Robert (22 June 2006). "My Name Is Rachel Corrie to Play Off-Broadway's Minetta Lane". Playbill. 原先內容歸檔喺3 April 2016. 喺3 April 2016搵到.
  63. ↑ Holden, Michael (14 January 2016). "Alan Rickman, Renowned British Actor, Dies at 69". Haaretz. 喺14 January 2022搵到.
  64. 1 2 Norton, Ben (14 January 2016). "Remembering Alan Rickman's pro-Palestinian play about Rachel Corrie, American activist crushed by Israeli bulldozer". Salon. 喺14 January 2022搵到.
  65. ↑ Ebert, Roger (21 December 2007). "Sweeney Todd The Demon Barber of Fleet Street". rogerebert.suntimes.com. 原著喺3 October 2012歸檔. 喺24 November 2020搵到.
  66. ↑ Schaefer, Stephen (3 December 2008). "Alan Rickman a prized villain in 'Nobel Son'". Boston Herald. 原先內容歸檔喺8 August 2022. 喺14 January 2016搵到.
  67. ↑ "Abbey Theatre – Amharclann na Mainistreach". Abbeytheatre.ie. 原著喺16 July 2011歸檔. 喺9 July 2011搵到.
  68. ↑ Staff (17 October 2010). "Stars set stage alight in Ibsen's dark tale". Irish Independent. 喺9 July 2011搵到.
  69. ↑ "John Gabriel Borkman, with Alan Rickman, Fiona Shaw, Lindsay Duncan, Begins at BAM Jan. 7". Playbill. 喺30 January 2024搵到.
  70. ↑ Coveney, Michael (14 January 2016). "Alan Rickman obituary". The Guardian. London, UK. 原先內容歸檔喺14 January 2016. 喺14 January 2016搵到.
  71. ↑ Singh, Anita (7 July 2011). "Daniel Radcliffe: Alan Rickman deserves Oscar nomination for Severus Snape". The Daily Telegraph. London. 原先內容歸檔喺2 April 2013. 喺10 October 2013搵到.
  72. ↑ Turan, Kenneth (13 July 2011). "Movie review: 'Harry Potter and the Deathly Hallows — Part 2'". Los Angeles Times. 原先內容歸檔喺12 August 2011. 喺13 September 2011搵到.
  73. ↑ Travers, Peter (13 July 2011). "Harry Potter and the Deathly Hallows, Part 2". Rolling Stone. 原先內容歸檔喺14 September 2011. 喺13 September 2011搵到.
  74. ↑ Schwartz, Terri (9 November 2011). "'Harry Potter and the Deathly Hallows' For Your Consideration Oscars Ad Launched". MTV. 原著喺11 November 2011歸檔. 喺10 November 2011搵到.
       Lukac, Michael (15 July 2011). "Harry Potter: Alan Rickman Destined for Oscar Nomination?". International Business Times. 原先內容歸檔喺9 October 2016. 喺7 October 2016搵到.
  75. ↑ Boucher, Geoff (7 September 2011). "'Harry Potter,' 'X-Men: First Class' lead Scream Awards". Los Angeles Times. 原先內容歸檔喺13 October 2012. 喺7 September 2011搵到.
  76. ↑ Brantley, Ben (20 November 2011). "Shredding Egos, One Semicolon at a Time – 'Seminar' by Theresa Rebeck, a review". The New York Times. 原先內容歸檔喺24 November 2011. 喺23 November 2011搵到.
  77. ↑ Brantley, Ben (15 May 2012). "Alan Rickman's Broadway.com Audience Choice Award Win Brings Back Memories of a 'Very Good Time' in Seminar". Broadway.com. 原先內容歸檔喺18 June 2013. 喺24 May 2011搵到.
  78. ↑ Brantley, Ben (24 April 2012). "2012 Drama League Award Nominations Announced!". Broadwayworld.com. 原先內容歸檔喺26 April 2012. 喺24 May 2011搵到.
  79. ↑ Rapold, Nicolas (27 April 2014). "A Caper by the Coens, With a Fake Monet". The New York Times. 原先內容歸檔喺11 February 2016. 喺14 January 2016搵到.
  80. ↑ Kit, Borys (12 September 2012). The New York Times (編). "Alan Rickman to Play CBGB Founder in Biopic". 原先內容歸檔喺31 August 2012. 喺12 September 2012搵到.
  81. ↑ "A Little Chaos (2015)". Rotten Tomatoes. 21 November 2020.
  82. ↑ "Eye in the Sky (2015)". Rotten Tomatoes. 喺21 November 2020搵到.
  83. ↑ Holden, Stephen (10 March 2016). "Review: 'Eye in the Sky,' Drone Precision vs. Human Failings". The New York Times. 喺30 January 2024搵到.
  84. 1 2 3 4 Shoard, Catherine; Spencer, Liese; Wiegand, Chris; Groves, Nancy; Beaumont-Thomas, Ben (14 January 2016). "'We are all so devastated': acting world pays tribute to Alan Rickman". The Guardian. London. 原先內容歸檔喺14 January 2016. 喺14 January 2016搵到.
  85. ↑ McGlone, Jackie (31 July 2006). "A man for all seasons". The Scotsman. Edinburgh. 原先內容歸檔喺9 March 2011. 喺15 January 2016搵到.
  86. ↑ Chiu, Melody (23 April 2015). "Alan Rickman and Longtime Love Rima Horton Secretly Wed 3 Years Ago". People. 原先內容歸檔喺14 January 2016. 喺14 January 2016搵到.
  87. ↑ Amer, Matthew (26 July 2012). "My place: Tom Burke". Official London Theatre. 原先內容歸檔喺23 December 2015. 喺15 January 2016搵到.
  88. ↑ "Councillor Michael Rickman". Harborough District Council.
  89. ↑ Staff (14 January 2016). "Farewell to our wonderful patron, Alan Rickman". Saving Faces. 原著喺24 January 2017歸檔. 喺30 November 2016搵到.
  90. ↑ Rickman, Alan. "A message from the President". IPAT. 原著喺26 February 2016歸檔. 喺15 January 2016搵到.
  91. ↑ Saul, Heather (14 January 2016). "Alan Rickman was helping students raise money for refugees just weeks before his death". The Independent. 原先內容歸檔喺15 January 2016. 喺6 August 2020搵到.
  92. ↑ "Alan Rickman's secret showbiz diaries: the late actor on Harry Potter, politics and what he really thought of his co-stars". The Guardian. 24 September 2022. 喺24 September 2022搵到.
  93. ↑ Baker, Jeff (26 June 2015). "Alan Rickman on Harry Potter, Louis XIV and Alice in Wonderland". The Oregonian. Advance Local Media LLC. 喺14 January 2022搵到.
  94. ↑ "Alan Rickman's secret showbiz diaries: the late actor on Harry Potter, politics and what he really thought of his co-stars". The Guardian. 喺20 October 2022搵到.
  95. ↑ Ritman, Alex (9 September 2016). "Toronto: Producer Stephen Woolley Talks Dedicating 'Limehouse Golem' to Alan Rickman". The Hollywood Reporter. 喺21 June 2020搵到.
  96. ↑ Singer, Leigh (19 February 2009). "Oscars: the best actors never to have been nominated". The Guardian. London, UK. 原先內容歸檔喺27 September 2016. 喺10 December 2016搵到.
  97. ↑ BBC News (14 January 2016). Alan Rickman on importance of listening when acting (2010) - BBC News. 喺10 August 2025搵到 –透過YouTube.
  98. ↑ "Thoughts on 'A Little Chaos' plus Alan Rickman discusses 'Nashville'". ABC Radio National (澳洲英文). 27 March 2015. 喺10 August 2025搵到.
  99. ↑ Daniel Kahneman; Alan Rickman - Charlie Rose (美國英文). 喺10 August 2025搵到 –透過charlierose.com.
  100. ↑ Staff, N. P. R. (13 October 2013). "Alan Rickman On 'CBGB' And The Importance Of Listening". NPR (英文). 喺10 August 2025搵到.
  101. ↑ "Formula 'secret of perfect voice'". BBC News. 30 May 2008. 原先內容歸檔喺31 July 2010. 喺6 December 2010搵到.
  102. ↑ "A Tribute to Alan Rickman, beloved actor and director". Iowa State Daily. 原著喺25 July 2020歸檔. 喺10 March 2020搵到.
  103. ↑ "Using your voice". BBC. 喺10 March 2020搵到.
  104. ↑ "Leonardism (2007)". Themessagetapes.com (Adam Leonard's website). 12 October 2010. 原先內容歸檔喺11 February 2011. 喺12 February 2011搵到.
  105. ↑ "Tubular Bells II". Tubular.net. 原著喺11 May 2008歸檔. 喺12 February 2011搵到.
  106. ↑ "Biography of Alan Rickman". Dominic Wills/Talktalk.co.uk. 原先內容歸檔喺11 October 2012. 喺12 February 2011搵到.
  107. 1 2 Lockley, Mike (2016-01-16). "See how Alan Rickman wowed Birmingham Rep as Sherlock Holmes before he found fame". BirminghamLive (英文).
  108. ↑ "RSC Performances | TEM197805 - The Tempest | Shakespeare Birthplace Trust". collections.shakespeare.org.uk. 原著喺2024年11月30號歸檔.
  109. ↑ "RSC Performances | CAP197806 - Captain Swing | Shakespeare Birthplace Trust". collections.shakespeare.org.uk. 原著喺2024年11月30號歸檔.
  110. ↑ "RSC Performances | LOV197808 - Love's Labour's Lost | Shakespeare Birthplace Trust". collections.shakespeare.org.uk. 原著喺2024年11月30號歸檔.
  111. ↑ "RSC Performances | AYL198504 - As You Like It | Shakespeare Birthplace Trust". collections.shakespeare.org.uk. 原著喺2024年6月20號歸檔.
  112. ↑ "RSC Performances | TRO198506 - Troilus and Cressida | Shakespeare Birthplace Trust". collections.shakespeare.org.uk. 原著喺2024年11月30號歸檔.
  113. ↑ "RSC Performances | LIA198509 - Les Liaisons Dangereuses | Shakespeare Birthplace Trust". collections.shakespeare.org.uk. 原著喺2024年12月1號歸檔.
  114. ↑ "RSC Performances | LIA198601 - Les Liaisons Dangereuses | Shakespeare Birthplace Trust". collections.shakespeare.org.uk. 原著喺2024年6月18號歸檔.
  115. ↑ "RSC Performances | MEP198604 - Mephisto | Shakespeare Birthplace Trust". collections.shakespeare.org.uk. 原著喺2025年5月3號歸檔.
  116. ↑ Rich, Frank (1987-05-01). "Stage: Carnal Abandon in 'Liaisons Dangereuses'". The New York Times (美國英文). ISSN 0362-4331.
  117. ↑ "National Theatre Archive Record". catalogue.nationaltheatre.org.uk.
  118. ↑ "Class Act: Alan Rickman Shows Us How It's Done in Seminar". Vogue (美國英文). 2011-11-21.
  119. 1 2 3 4 5 6 7 8 9 Otterson, Joe (14 January 2021). "Alan Rickman 11 Most Brilliant Roles, From Hans Gruber to Severus Snape (Photos)". The Wrap. 喺8 February 2022搵到.
  120. ↑ Hibberd, James (24 December 2020). "10 times Alan Rickman was incredible in 'Die Hard'". Entertainment Weekly (英文). 喺8 February 2022搵到.
  121. ↑ Roger Ebert (13 January 1989). "The January Man movie review & film summary (1989)". RogerEbert.com. 喺8 February 2022搵到.
  122. ↑ "Quigley Down Under". Rotten Tomatoes. 喺8 February 2022搵到.
  123. ↑ Roger Ebert (8 March 1991). "Closet Land movie review & film summary (1991)". RogerEbert.com. 喺8 February 2022搵到.
  124. ↑ Holden, Stephen (21 February 1992). "Review/Film; If Two Sides Of a Triangle Are Siblings". The New York Times. 喺8 February 2022搵到.
  125. ↑ Turan, Kenneth (4 September 1992). "MOVIE REVIEW : A Candidate for Our Times". Los Angeles Times. 喺8 February 2022搵到.
  126. ↑ Turkson, Nshira (14 January 2016). "Alan Rickman's Extraordinary Legacy, Cont'd - The Atlantic". The Atlantic (英文). 喺8 February 2022搵到.
  127. ↑ Kempley, Rita (15 September 1995). "'An Awfully Big Adventure'". The Washington Post. 喺8 February 2022搵到.
  128. 1 2 3 4 Lealos, Shawn S. (27 December 2019). "The 10 Best Alan Rickman Movies That Aren't Harry Potter (According To IMDb)". Screen Rant. 喺8 February 2022搵到.
  129. ↑ "The Space Bar (1997) Windows credits". MobyGames. 喺8 February 2022搵到.
  130. ↑ "1987 Tony Awards Nominees". American Theatre Wing. 喺January 30, 2024搵到.
  131. ↑ "45th British Academy Film Awards". awards.bafta.org. 喺January 30, 2024搵到.
  132. ↑ Rickman - awards on IMDb
  133. ↑ "50th British Academy Film Awards". awards.bafta.org. 喺January 30, 2024搵到.
  134. ↑ "2nd Screen Actors Guild Awards". January 30, 2024.
  135. ↑ "48th Primetime Emmy Awards". Emmy Awards. 喺January 30, 2024搵到.
  136. ↑ "2nd Screen Actors Guild Awards". January 30, 2024.
  137. ↑ "Alan Rickman". Golden Globe Awards. 喺January 30, 2024搵到.
  138. ↑ "3rd Screen Actors Guild Awards". January 30, 2024.
  139. ↑ "51st British Academy Film Awards". awards.bafta.org. 喺January 30, 2024搵到.
  140. ↑ Rickman - awards on IMDb
  141. ↑ "2002 Tony Awards Nominees". American Theatre Wing. 喺January 30, 2024搵到.
  142. ↑ "Olivier Winners 2002". officiallondontheatre.com. Society of London Theatre. 原先內容歸檔喺2018-06-15. 喺2022-05-05搵到.
  143. ↑ "56th Primetime Emmy Awards". Emmy Awards. 喺January 30, 2024搵到.
  144. ↑ Rickman - awards on IMDb
  145. ↑ Half-Blood Prince Wins Two Spike TV Scream Awards. Retrieved 16 March 2010.
  146. ↑ 〈存档副本〉。原著喺2023年2月27號歸檔。喺2026年1月28號搵到。
  147. ↑ https://www.mandelasfavoritefolktales.com/landing-page/mandelas-favorite-folktales-performers/
  148. ↑ "Best Supporting Actor – Scream 2011". Spike. 喺14 September 2010搵到.
  149. ↑ Serjeant, Jill (14 July 2011). "Snape voted greatest "Potter" character in MTV poll". Reuters.
  150. ↑ "2012 Drama League Award Nominations Announced". Broadway World. 喺January 30, 2024搵到.
  151. ↑ "The 38th Saturn Award Nominations". Saturn Awards. 原著喺21 February 2012歸檔. 喺2 March 2012搵到.
  152. ↑ "20th Screen Actors Guild Awards". January 30, 2024.
  153. ↑ "Alan Rickman dead: Emma Thompson, Sir Michael Gambon and Stephen Fry lead tributes to actor". The Independent. 原先內容歸檔喺8 November 2020. 喺19 November 2020搵到.
  154. ↑ "West End stars pay tribute to 'great' Alan Rickman at play that forged his movie career". London Evening Standard. 喺8 March 2020搵到.
  155. 1 2 3 Park, Andrea (14 January 2016). "Stars mourn Alan Rickman on social media". CBS News. 原先內容歸檔喺17 January 2016. 喺14 January 2016搵到.
  156. ↑ Lynch, Evanna [@Evy_Lynch] (14 January 2016). "I'll also never forget how scary it was to accidentally bump into him as Snape ..." (推文). 喺14 January 2016搵到 –透過Twitter.
       Lynch, Evanna [@Evy_Lynch] (14 January 2016). "Am not prepared for a world without Alan Rickman ..." (推文). 喺14 January 2016搵到 –透過Twitter.
  157. ↑ "Depp Pays Tribute To 'Unique Talent' Rickman". MSN. 喺18 March 2020搵到.
  158. ↑ Shahrestani, Vin (18 January 2016). "Kate Winslet tearfully remembers Alan Rickman at awards". The Daily Telegraph. 原著喺21 January 2016歸檔. 喺21 January 2016搵到.
  159. ↑ Westbrook, Caroline (20 January 2016). "Colin Firth pays touching tribute to Alan Rickman, saying he was 'in awe' of the actor". Metro. 原先內容歸檔喺22 January 2016. 喺21 January 2016搵到.
  160. ↑ McTiernan, John (19 January 2016). "Die Hard Director John McTiernan on Alan Rickman: 'He Had a Gift for Playing Terrifying People'". The Hollywood Reporter. 原先內容歸檔喺23 January 2016. 喺21 January 2016搵到.
  161. ↑ Innes, Sheila (5 January 2016). "Thanks for the tributes". LinkedIn (Sheila Innes). 喺28 July 2016搵到.
       Owen, David W. (15 January 2016). "Brother is left 'broken' by Alan Rickman's death". Leicester Mercury. 原著喺19 March 2016歸檔. 喺5 June 2016搵到.
  162. ↑ Maxwell, Dominic (8 October 2022). "Madly, Deeply: The Alan Rickman Diaries review — witty, withering and sardonic". The Times. 喺8 October 2022搵到.
  163. ↑ Bell, BreAnn (25 September 2022). "Alan Rickman's Journals Reveal Why the 'Harry Potter' Actor Decided to Continue Playing Snape: 'See It Through. It's Your Story.'". Variety. 喺25 September 2022搵到.
  164. ↑ "Celebrating Alan Rickman". Google. 30 April 2023. 喺30 April 2023搵到.
  165. ↑ Pulver, Andrew (13 November 2025). "Alan Rickman's personal scripts and mementoes up for auction". The Guardian. 喺15 November 2025搵到.
由「https://zh-yue.wikipedia.org/w/index.php?title=阿倫烈卡文&oldid=2376642」收