阿拉 (吳語)

阿拉係吳語寧波話同上海話嘅第一人稱代詞，「我哋」同「我嘅」噉解。第啲地方嘅人有時會用呢個詞指代上海人或寧波人。

影響

對於今時今日嘅上海人來講，「阿拉」係一種身份認同嘅象徵。據說「阿拉」來自寧波話。寧波話表示幾個人嘅講法，常用「拉」做結尾，譬如「其拉」係「佢哋」噉解。清末及民國時期，大批寧波人移居上海，因此上海方言所受影響幾大。原本上海市區表示「我哋」嘅講法係「伲」同「我伲」，不過喺大批寧波人移民上海之後，「阿拉」變成上海話嘅代表。對於上海出邊嘅人來講，「阿拉」係最多人識嘅上海話單詞。有啲人甚至仲認為「阿拉上海人」（我哋上海人）嘅講法係上海人傲慢嘅表現。

參考

• “阿拉”親眷寧波人“其拉”勿講上海話
• 朱彰年、周志鋒《阿拉寧波話》，華東師範大學出版社，ISBN 7-5617-0734-7