阿羅槃

阿羅槃（槃讀盤，粵拼：aa3 lo4 pun4；?—?）係三國人物，係烏桓貴族，佢阿哥寇婁敦係烏桓單于。

烏桓係當時喺而家河北北部到遼寧一帶嘅民族，袁紹喺官渡之戰敗畀曹操後，佢嘅仔袁尚投奔烏桓成爲殘餘勢力，於是曹操北征，之後烏桓衰落。當時遼東係公孫氏嘅割據所在，於是曹魏喺景初元年（237年）秋天派幽州刺史毋丘儉去討伐遼東。

由於畀曹魏征服嘅前事，右北平嘅烏桓單于寇婁敦、遼西嘅烏桓都督、兼率衆王護留葉聽到毋丘儉嘅大軍到，就帶住五千幾人投降，寇婁敦就派佢細佬阿羅槃帶啲嘢去曹魏朝貢，於是曹魏朝廷封寇婁敦屬下啲人做王侯，並且賜佢哋車馬。

參攷資料[編輯]

陳壽（著）；裴松之（注）. 〈卷二十八 - 魏書：王毋丘諸葛鄧鍾傳〉. 《《三國志》》. 青龍中，帝圖討遼東，以儉有幹策，徙為幽州刺史，加度遼將軍，使持節，護烏丸校尉。率幽州諸軍至襄平，屯遼隧。右北平烏丸單于寇婁敦、遼西烏丸都督率眾王護留等，昔隨袁尚奔遼東者，率眾五千餘人降。寇婁敦遣弟阿羅槃等詣闕朝貢，封其渠率二十餘人為侯、王，賜輿馬繒采各有差。
陳壽（著）；裴松之（注）. 〈卷三十 - 魏書：烏丸鮮卑東夷傳〉. 《《三國志》》. 魏略曰：景初元年秋，遣幽州刺史毌丘儉率衆軍討遼東。右北平烏丸單于寇婁敦、遼西烏丸都督率衆王護留葉，昔隨袁尚奔遼西，聞儉軍至，率衆五千餘人降。寇婁敦遣弟阿羅獎（阿羅槃）等詣闕朝貢，封其渠帥三十餘爲王，賜輿馬繒采各有差。