陳凱港
 | 呢篇文側重咗喺部分見解、事件或爭議。 |
| 陳凱港 | |
|---|---|
| 國籍 | 香港  |
[改維基數據] | |
陳凱港（英文：Harbour Chan Hoi-kong，1971年1月—），網名海港Sir、海港長官（Sir Haba），香港警察，而家係沙田警區助理指揮官，近年因為喺微博經營個人社交平台同埋同唔少激進建制派人士互動而得到傳媒關注，另外佢亦有份投資品牌「小王子」[1]。
雖然佢係執法人員，但就曾經多次因為涉嫌觸犯唔同法例而得到傳媒嘅關注。
早年時期
[編輯]陳喺皇仁書院畢業[2]，少年嘅時候曾加入東區少年警訊，之後喺1996年投考警察。[3][註 1]加入香港警察後，陳亦繼續參與少年警訊嘅工作。
事件
[編輯]香港逃犯條例爭議期間涉嫌盜用他人照片
[編輯]喺香港逃犯條例爭議期間，佢曾經喺2019年9月開Facebook編撰文章，話一個83歲老太婆因為支持警察，同三個仔反面，文章得到民建聯立法會議員葛珮帆等親中派人士轉發，但後來被求驗傳媒揭發佢所用嘅老太婆配圖係盜圖，陳一度辯稱話照片無版權問題，但老太婆圖片嘅攝影師Anja Disseldorp就留言反駁陳凱港，話佢無獲授權使用圖片，唔尊重版權[2]。
武漢肺炎期間涉擅用香港警察名義向武漢捐口罩
[編輯]喺武漢肺炎期間，佢以「香港警察」名義向武漢市第一人民醫院，捐咗520個口罩，仲為裝口罩嘅紙箱影相放上網，而紙箱外更特別標明「520我愛你」嘅字句。有網民質疑喺香港前線醫護口罩供應亦將近「乾塘」之際，有無政府內部物資被捐贈到內地，之後警方發言人回應話已經訓示有關人員，喺未經許可下，唔得以警隊名義作出任何捐贈行為[4]。
被揭發僭建
[編輯]2020年4月，陳凱港被揭發喺大埔燕子里海景山莊7號獨立屋有大幅度僭建，其中包括一個玻璃嘅搭建物，而且改建程度十分嚴重。陳被指將整個外牆向外推，有如起咗一幢新嘅樓[1]。
違法賣無註冊藥冒牌貨
[編輯]喺2020年12月，陳凱港旗下嘅「小王子」售賣嘅皮膚抑菌膏「西施蘭百消膏」含氯己定成份，需要向香港藥劑業及毒藥管理局註冊後先可以賣；衞生署回應查詢時確認有關產品無註冊，根據相關條例，銷售未經註冊嘅藥劑製品最高可判罰款10萬元同監禁2年。陳凱港之後就喺社交媒體發表文章，話有人捉住瑕疵向佢嘅工作單位投訴舉報[5]。品牌之後被指涉及詐騙被警方調查，有記者繼續跟進，但就反而被小王子嘅職員訓示[6]。
涉嫌詐騙按揭貸款
[編輯]喺2021年5月25號，陳凱港同一名女性友人因為涉嫌用虛假文件騙取按揭貸款被捕[7][8]。
參考
[編輯]- ↑ 1.0 1.1 〈【知法犯法集體僭建】獨家！警司陳凱港 曾志偉女兒大埔獨立屋連環僭建〉。原著喺2021-05-25歸檔。喺2020-04-09搵到。
- ↑ 2.0 2.1 〈【魑魅魍魎】楊明燉湯推警員優惠 恐觸《防止賄賂條例》〉。原著喺2020-04-11歸檔。喺2020-04-11搵到。
- ↑ 〈陳凱港總督察〉。喺2020-04-09搵到。
- ↑ 〈【武漢肺炎】沙田警區微博網紅「海港sir」 以香港警察名義向武漢捐口罩被訓示〉。原著喺2020-05-04歸檔。喺2020-04-09搵到。
- ↑ 〈蘋果踢爆︱海港Sir疑違法賣無註冊藥膏 藥劑師指敏感反應可致窒息 ｜ 蘋果日報〉。《Apple Daily 蘋果日報》 (香港中文)。原著喺2021-05-25歸檔。喺2021-05-25搵到。
- ↑ 〈知法犯法︱海港Sir公司賣無註冊藥冒牌貨 涉詐騙被搜辦公室 呻「人善被人欺」 ｜ 蘋果日報〉。《Apple Daily 蘋果日報》 (香港中文)。原著喺2021-05-25歸檔。喺2021-05-25搵到。
- ↑ 〈「網紅警司」陳凱港涉呃按揭貸款 與女友人同被捕〉。《on.cc東網》 (香港中文)。2021-05-25。喺2021-05-25搵到。
- ↑ 凌逸德 (2021-05-25)。〈「海港Sir」警司陳凱港與女友人涉串謀詐騙 今早被捕將停職〉。《香港01》 (香港中文)。喺2021-05-25搵到。
備註
[編輯]- ↑ 該期少年警訊月刊喺2007年3月推出，入面提及佢投身警隊已十一年，所以推算佢喺1996年加入警察。
出面網頁
[編輯]- （香港繁體）脆片小王子嘅facebook頁