陳安琪
提示：呢篇文講嘅唔係陳安琪 (演員)。陳安琪（英文：Angie Chan On-Kei，1949年11月5號—）係香港女導演。佢原籍廣東，喺上海出世。佢喺1980年代拍過幾齣商業片起名，後來轉行做廣告，2000年代尾開始拍紀錄片，再引起關注。[1]
生平
[編輯]陳安琪阿爸做過中國廣播公司製作人。陳安琪仲有一個細佬，攝影師陳贊雲。陳父同陳母離咗婚，之後再娶一個德國人。1967年，陳母肺癌病逝。1978年，陳父喺德國波恩肝癌病逝。[2]
陳安琪分別喺香港同台灣升讀小學及中學，之後喺美國愛荷華大學留學，獲傳理系榮譽學士及碩士學位。畢業之後喺美國做工三年，再到洛杉磯加州大學進修，攞到電影系碩士學位。佢試過喺美國電影界及電視界做工，做過副導演、場務、攝影及製作人，亦試過教電影課程。1979年拍攝嘅短片《探訪》喺1980年多倫多「超8米厘」電影節（Toronto Super 8 Film Festival）獲最佳紀錄片獎。[3]劉家昌導演電影《揹國旗的人》，佢喺1980年底為呢齣戲嘅美國外景部份做副導演及製片，之後返香港做成龍電影《龍少爺》嘅副導演。佢做過《夜驚魂》等電影嘅副導演以後，向邵氏公司嘅方逸華自薦，開拍《窺情》、《花街時代》。《花街時代》令葉德嫻獲得香港電影金像獎最佳女配角。[1][4]佢亦有客串演出電影同電視劇。
陳完成《愛情謎語》之後轉戰廣告界，專做電視廣告及企業形象推廣短片，攞到多個國際廣告大獎。[1][5]
2008年，陳導演紀錄片《愛與狗同行》，獲得台灣金馬獎最佳紀錄片提名。之後佢花咗3年去拍《三生三世聶華苓》，以旅美華人作家聶華苓做中心人物，2012年拍好，入選香港電影評論學會嘅「2012年度推薦電影」，並獲第13屆華語電影傳媒大獎提名最佳電影及最佳導演。[1]
陳安琪最新作品係紀錄片《水底行走的人》，2017年喺溫哥華國際電影節首映。[6]
電影
[編輯]導演
[編輯]- 《探訪》（德文：Der Besuch）（1979）
- 《窺情》（1983）
- 《花街時代》（1985）
- 《愛情謎語》（1988）
- 《愛與狗同行》（2008）
- 《三生三世聶華苓》（2012）
- 《水底行走的人》（2017）
參考
[編輯]- ↑ 1.0 1.1 1.2 1.3 〈香港電影導演大全 - 導演 - Angie CHEN〉。www.hkfilmdirectors.com (繁體中文)。原先內容歸檔喺2016-09-10。喺2018-05-24搵到。
- ↑ 〈八方人物：狗死後才能原諒爸爸〉。《Apple Daily 蘋果日報》。2008-05-12。原著喺2018-08-30歸檔。喺2018-05-24搵到。
{{cite web}}: Cite has empty unknown parameter:|dead-url=(help) - ↑ "Hong Kong Film Directors' Guild - Directors - Angie CHEN". www.hkfilmdirectors.com (英文). 原先內容歸檔喺2017-11-17. 喺2018-05-25搵到.
- ↑ "Chen, On-Kei Angie". Hong Kong Women Filmmakers (美國英文). 2014-08-07. 原先內容歸檔喺2017-11-25. 喺2018-05-24搵到.
- ↑ 鄧達智 (2013-01-10)。〈三生三世陳安琪〉。《Apple Daily 蘋果日報》。原著喺2018-08-30歸檔。喺2018-05-24搵到。
{{cite web}}: Cite has empty unknown parameter:|dead-url=(help) - ↑ 〈港導演陳安琪拍紀錄片 《水底行走的人》全球首映〉。《星島日報 加拿大 溫哥華》 (臺灣中文)。2017-10-05。原著喺2018-05-18歸檔。喺2018-05-24搵到。
出面網頁
[編輯]- 陳安琪喺豆瓣電影嘅資料（簡體中文）
- 陳安琪喺香港影庫嘅資料（香港繁體）
- 陳安琪喺互聯網電影資料庫嘅資料（英文）
- 陳安琪喺香港電影導演大全嘅專頁
- 喺Vimeo嘅《愛與狗同行》全片
- 元氣堂：一棵大樹作三分（陳安琪拍攝《三生三世聶華苓》嘅經歷）