集合啦！動物森友會

《集合啦！動物森友會》（日文：あつまれ どうぶつの森，英文：Animal Crossing: New Horizons），中國大陸譯名《動物之森》，係款任天堂Switch平台生活嘅模擬遊戲，喺2020年3月20號推出。由於撞正武漢肺炎大爆發，世界各地好多人留喺屋企打發時間，令到呢隻遊戲喺全球相當受歡迎。

集合啦！動物森友會嘅封面

雖然遊戲入面有好大嘅自由度，但係噉樣就引起咗中國大陸當局封鎖。大陸玩家歸咎香港眾志秘書長黃之鋒喺遊戲入面展示「光復香港 時代革命」橫額，再將遊戲畫面公開放上網。