難民營

盧旺達大屠殺之後設立嘅盧旺達難民營喺剛果民主共和國東部

畿內亞境內嘅一個塞拉利昂難民營

難民營（粵拼：naan4 man4 ying4，英文：refugee camp）係指臨時搭建用嚟收留難民嘅營地。一個營地可能住咗幾萬甚至幾百萬人。通常，呢啲營地係由政府、聯合國或者國際組織（例如紅十字國際委員會）或者非政府組織修建同管理。

難民營通常都係臨時搭建，用嚟暫時滿足難民嘅基本需求。有啲難民營衛生條件好差。如果難民由於內戰等原因一直返唔到屋企，經常會引發人道危機。難民營設施好簡陋，例如只有基本嘅住宿設施（帳篷）、共用嘅衛生設施（浴室同廁所）、基本嘅醫療設施以及簡單嘅通訊設備。