雲門山 (韶關)
呢篇文講雲門山旅遊風景區嘅主景點。想搵同名佛教寺院嘅話，請睇雲門山大覺禪寺。
雲門山（粵拼：wan4 mun4 saan1）係中國廣東韶關嘅一座山同旅遊景點，喺乳源乳城鎮北邊，縣城東北邊5.6km嘅位。家下亦係中華人民共和國AAAAA級旅遊景區之一。
間嘢主要以「雲門禪宗文化」同埋「過山瑤民族風情文化」做特色，發展成以生態觀光、主題演藝、親子遊樂、禪修度假、主題街區等特色體驗，亦係高山峽谷瑤家源嘅旅遊勝地。其中，度假區入面嘅森林植被覆蓋率達到89.3%；主峰秀頂峰位於公園西北角，海拔1215米。
雲門山亦係乳源八景之一，有「秀頂奇雲」嘅名。
景區[編輯]
牌坊[編輯]
山腳近售票處一景。屬大理石仿古建築，闊19.5m，淨高13.6m，2015年6月起好。附近嘅廣場都係大理石風格，其中牌坊正面寫嘅係「雲門山」三字，而反面寫嘅係「歡喜地」三字。
孔雀迷宮樂園[編輯]
園區入口處一景，佔地卅幾畝，有四百幾隻孔雀響度。入面專門搞以孔雀為主嘅題材宣傳嘢，重可以睇同兔、天鵝、泥鰍同荷蘭豬。喺遊樂場入面重有個迷宮玩。
海洋公園[編輯]
園區入口處近大門一景，有500幾種海洋生物響度。佢有海洋生物觀賞館、熱帶雨林館、水母科普館、全透明海底觀光隧道響度。亦係園區內有展覽、觀賞、科普喺埋一齊嘅主題公園。
民俗文化蠟像館[編輯]
園區入口處近大門一景。入面講同瑤族有關嘅生活及西京古道嘅歷史，重講埋歷史同現代明日、影視角色。規模有啲似杜莎夫人蠟像館。
機動樂園[編輯]
園區入口處近大門一景，有17組遊樂項目。主要俾大人細路有關嘅親子娛樂、釋放壓力嘅地方。
水上樂園[編輯]
園區入口處一景。以加勒比風格嘅水上樂園為主，入面有遮陽棚、重有大浪池、大喇叭、兒童玩水池、滑梯等多種水上項目。
冰雪樂園[編輯]
園區半路一景。入面主要搞以冬天落雪時嘅冰雪奇景。
客運索道[編輯]
入口處一景。全長800m，主要連接山腳嘅赴瑤坪同半山嘅祥雲樓。
祥雲樓[編輯]
半山腰一景。屬塔式仿古建築，高18.55m。喺塔頂可以望到晒成個乳源縣城個樣。
玻璃橋[編輯]
半山腰一景。全長316m，垂直高度達168m。橋體闊2.8m，吊掛喺景區嘅望君台兩邊，兩邊係崖，中間係峽谷。天晴時行上去好似「人喺空中行，景喺腳底游」嘅感覺。
雲山秀頂、雲上飛瀑[編輯]
雲山秀頂係半山腰一景兼雲上飛瀑最高之地，有80m長嘅玻璃觀景平台，可以睇晒成個雲門山嘅景。瀑布落差達到168m，入面有三部透明觀光𨋢。係少有嘅瀑布同觀光𨋢組合遊玩嘅體驗項目。
佢亦係世界上最高同最大嘅𨋢觀景瀑布。相當於「拔地通天之勢而擎天捧日之姿」企喺雲門地面上。
祥雲賜福[編輯]
山下一景。由祥雲、如意、仙桃同玉帶、「福」字組成嘅畫風。話明吉祥幸運、萬事如意、長壽安康、福祿綿綿、冚唪唥嘅祥瑞齊聚都納入福袋而贈畀君噉解。
慈悲泉瀑布[編輯]
半山腰一景。闊25m，落差40m。瀑布從山腰一邊嘅石罅傾瀉落嚟，似珍珠咁閃㖫。
龍王潭、妙筆生花[編輯]
龍王寨、雲瑤崗、桂坑寨、石牛寨、赴瑤坪[編輯]
表演活動[編輯]
呢個景區有日游同夜遊表演活動。日遊以瑤族嘅村寨為主，夜遊主要以龍境為主。佢家燈光騷係中國大陸第一間以龍做主題嘅景區情景式夜遊燈光，入面以3D全息投影嘅水幕同瀑布頂嘅燈光騷為主。亦係雲門山景區出咗1.2億文，拎咗原始森林同高山峽谷、瀑布、湖泊等自然資源嚟搞。
飛同開放時間、注意事項[編輯]
- 開放時間
- 場內：每日08:30～17:30
- 光影騷：每日18:00～21:30
- 飛
- 全票：CNY￥98
- 學生票（要有學生證）：CNY￥88
- 細路（1.3m≤身高＜1.5m）：半票
- 年紀≥65（要有相關證件）／細路（身高＜1.3m）／士兵、軍官（要有軍官證）／導遊（要有導遊證）／記者（要有記者證）／攝影協會（要有指定攝影協會機構證明）／低保救助對象（要有低收入證明）／傷殘人士（要有殘疾證）：免費
- 停車方面：
- 旅遊大巴或中巴：￥20／次（連續停超過半個鐘）
- 細車：￥10／次（連續停超過半個鐘）
- 摩托車、三轆車：免費
- 執行任務嘅特種車（包括白車）、市政維修車、救災搶險車、殯葬（黑車）、行政辦公時間嚟景區內檢查指導嘅工作車：免費
注意事項[編輯]
- 入場
- 每位成年人最多淨畀帶一位身高＜1.3m嘅細路入場
- ＞65歲嘅老坑必須要有成年人陪同
- 飛一旦賣出，冇得退換。
- 賣出嘅飛唔採取記名或掛失嘅制度，一旦唔見或整爛，冇得補返。
- 入場門飛淨限當日賣嘅入場有效。若果當日需要二次入園，必須要重新買飛。
- 除免票對象外，淨限一人一飛入場。
- 大門飛同園內嘅附加遊玩項目（唔理係山上定山底）、園區遊覽車、纜車唔互通，若果需要遊玩附加項目或搭園內交通工具，必須要另外畀錢或入場時買套票。
- 機動遊樂及水上樂園項目以實際開放時間為準。若果因維護或天氣原因而停開，公園會有另外解決方案。
- 玻璃平台等高空項目
- 除空中鋼線、空中單車、空中鞦韆項目外，入場時必須要着景區內提供嘅專用鞋套。離開景區時必須要除低專用鞋套，唔畀親自帶走。
- 凡係心臟病、高血壓、恐高症、腦出血、醉酒、精神病、大肚婆及其它唔啱玩爬山嘅遊客，唔畀入去玻璃平台。
- 既唔畀帶無人機、易燃易爆等有毒危險物品、尖嘢、錐入場，又唔畀著高踭鞋、金屬釘鞋、亦唔畀帶士的（包括自拍神棍）、坐輪椅入場。
- 禁止發生擠逼、推撞、追逐打鬧、跳高、掟垃圾行為。
- 禁止利用硬嘢劃玻璃或揼玻璃、挨或攀爬欄杆行為。
- 項目有最多人數入場限制。一達到承載人數上限時，景區工作人員會採取閂閘門措施嚟分批遊覽，屆時嚴禁強行沖卡。
- 玻璃橋項目唔畀倒流（包括逆行）或停留。
- 若果半佬遇到突發惡劣天氣或惡性事件，請保持冷靜兼聽從工作人員指揮，有序撤離到安全地帶。
- 停車
任何車輛喺停車後未夠半個鐘，唔使畀錢。
