雷朋三世角色一覽

出自維基百科,自由嘅百科全書
跳去導覽 跳去搵嘢
雷朋三世列車,由右至左分別係雷朋三世、峰不二子、次元大介、石川五右衛門、錢形幸一。

爾版係講響漫畫雷朋三世出過場嘅角色。

主要角色[編輯]

雷朋三世同佢嘅拍檔[編輯]

  • 雷朋三世(ルパン三世/ルパンさんせい Arsène Lupin III)
配音:山田康雄/古川登志夫/栗田貫一(日本);石班瑜/林協忠/劉傑/孫誠(台灣);梁政平/關令翹/李家傑(香港)
係日本出名嘅神偷,世界有名神偷亞森雷朋個孫,繼承咗爺爺所有嘅偷嘢招數。柔軟度好高,行起路上嚟係可以冇聲,可以好快咁變裝,幾乎冇嘢係佢偷唔到,變臉、變聲、走佬、呃人等等都好高超。好叻玩欖球、煮嘢、交際舞同埋拳擊。對於女人好着迷,特別係峰不二子。峰不二子係唯一一個可以呃到佢嘅人,峰不二子又都經常呃佢。隨身會帶住
  • 次元大介(次元 大介/じげん だいすけ Daisuke Jigen)
配音:小林清志銀河萬丈(日本);周寧/徐健春/張騰(台灣);曾秉輝/葉振聲/黃啟明(香港)
雷朋三世嘅拍檔之一。係個超級神槍手,攞槍出嚟夾埋射擊只需要0.3秒,重要幾乎係百發百中。有好多鬍,平時經常戴住頂大帽出街。鍾意食煙飲酒,但就對於好強勢嘅女人一啲計都冇,所以佢完全唔識點同峰不二子交流。
  • 峰不二子(峰 不二子/みね ふじこ Fujiko Mine)
配音:二階堂有希子/增山江威子/小山茉美/澤城美雪(日本);陶敏嫻/傅其慧/汪世瑋(台灣);龍德瓊/張頌欣/周恩恩(香港)
一個神神秘秘嘅女人,雷朋三世嘅拍檔兼情人、但又係對手。一時係神偷,一時又係間諜,有時重係殺手。從來都只係會跟住自己嘅諗法去做,經常出賣雷朋三世,甚至可以為咗得到自己想要嘅嘢而同人上床,有時重會同警察提供關於雷朋三世同佢拍檔嘅資料,令到雷朋三世經常嬲到震,但又冇佢乎。有住會令所有男人都會迷上嘅絕世靚樣同埋大波,佢溝仔嘅技術已經達到咗爐火純青嘅景界。能力高超,除咗可以變臉、變聲、走佬之外,重可以攞唇膏嚟當子彈咁使。不過佢好憎青蛙
  • 十三代 石川五右衛門(十三代目 石川 五ェ門/じゅうさんだいめ いしかわ ごえもん Goemon Ishikawa XIII)
配音:大塚周夫/井上真樹夫/鹽澤兼人/浪川大輔(日本);官志宏/陳幼文/喬資淯(台灣);盧傑/李鎮然/陳健豪(香港)
佢係安土桃山時代出名神偷石川五右衛門嘅第十三代孫。佢視力好好,可以清清楚楚咁見到每一粒射出嚟嘅子彈,甚至人哋要用望遠鏡先至睇得到嘅嘢,佢用肉眼就睇得到。冇嘢係佢斬唔斷,包括同埋。對女人好純情。

差佬[編輯]

  • 錢形幸一(銭形 幸一/ぜにがた こいち Koichi Zenigata)
配音:納谷悟朗/加藤精三/山寺宏一(日本);陳幼文(台灣);周永光/李錦綸(香港)
佢係日本出名偵探錢形平次個孫,係個好叻嘅差佬,繼承爺爺嘅遺詔,好想捉到雷朋三世,但係佢一直都拉唔到。性格熱血、正直兼善良,玩音樂同埋柔道好叻,對於機械、格鬥同埋射擊都好熟悉。本身係警視廳嘅警部,後嚟升做國際刑警組織雷朋三世專案小組搜查官。

客串角色[編輯]

名偵探柯南[編輯]

內文:名偵探柯南角色一覽
  • 江戶川柯南(江戸川 コナン/えどがわ コナン Edogawa Konan)/工藤新一(工藤 新一/くどう しんいち Kudō Shin'ichi)
柯南配音:高山南(日本);馮友薇/方雪莉/姚敏敏/蔣篤慧/丘梅君/曾允凡(台灣);盧素娟/周恩恩/黃玉娟(香港)
新一配音:山口勝平(日本);劉傑/李景唐(台灣);郭志權/梁偉德/馮錦堂/李家傑(香港)
江戶川柯南原本係高中偵探工藤新一,後嚟因為食咗APTX4869而變做一個小學生樣。
響滿月之夜,雷朋三世扮做怪盜基德現身,重偷走咗鑽石。之後雷朋三世將目標轉做「幻之秘寶」櫻桃藍寶石。柯南同目暮十三、錢形平次聯手,想要拉到雷朋三世。最後,佢都係拉唔到雷朋三世,重畀雷朋三世知道咗佢係新一嘅事實。