電子組態

電子原子同分子軌道

電子組態（粵拼：din⁶ zi² zou² taai³，英文：electron configuration），或者電子配置（粵拼：din⁶ zi² pui³ zi³），係指電子喺原子、分子同第啲物理結構入面每一層電子殼上面嘅排序同組合形態。

一般填電子組態有兩種方法：

第一，淨係考慮電子殼（電子層）。電子層可以容納2n²粒電子，n代表由內至外第幾層，所以最內層係n=1嘅狀況，最多可以容納2(1²)=2粒電子。然後將原子有嘅電子放入每一層入面，一定要從內層（能量低嘅電子層）填到外層（能量高嘅電子層），滿咗就去下一層。寫真正嘅電子組態嘅時候就要用數字表示每一層有嘅電子數，用逗號分開每一層嘅電子數。例如氖有10粒電子，首先將呢10粒填落第一層，因爲第一層只可以容納2粒，結果淨係放得落2粒而剩低8粒。再將呢8粒填落第二層度，第二層啱啱好填得嗮。所以氖嘅電子組態係2,8。