電腦輔助工程

一個工程師喺度用軟件嚟分析一嚿結構元件。

電腦輔助工程（computer-aided engineering）係指用專化嘅電腦軟件嚟支援工程師做嘢。

舉個例說明，工程師可以用電腦模擬分析工程學上設計嘅系統－電腦模擬會俾出「如果棟建築物用噉噉噉嘅設計，棟嘢嘅地基會承受咁多咁多嘅負荷」等嘅結果，計呢啲嘢往往要做類似「foreach 結構元件，計嚿元件各部份受嘅力」噉嘅運算，而因為現代嘅機械同建築物複雜得好交關，閒閒地都會有幾百至幾千嚿元件，模擬成個系統往往需要做大量人手做唔嚟嘅運算，所以就會想搵電腦幫手。