跳去內容

韋斯達·李·費拉拿根

加新連結
出自維基百科，自由嘅百科全書
韋斯達·李·費拉拿根
韋斯達·李·費拉拿根喺2012年嘅一次新聞採訪，下面字幕係佢用「布賴斯·威廉士」嘅名入返WDBJ電視台做採訪。
出世(1973-10-08)1973年10月8號
美國加州奧克蘭
死2015年8月26號(2015-08-26)（41歲）
美國維珍尼亞州瀑布教堂
死因自殺
國籍 美國
教育程度三藩市州立大學（英文：San Francisco State University）
出名原因殺咗阿力臣帕卡同阿登禾德

韋斯達·李·費拉拿根（英文：Vester Lee Flanagan II；1973年10月8號—2015年8月26號）係美國嘅黑人罪犯兼同性戀人士，加州奧克蘭人[1]。1993年正式參加工作，最初係一位實習醫生；1995年加入電視界負責出節目[2]。1997年2月到1999年3月去過沙雲拿（英文：Savanna）嘅WTOC-TV做嘢[3]。

1999年3月去過佛羅里達州達拉哈西嘅WTWC-TV（NBC屬下嘅電視台）做嘢，但2000年3月因WTWC向佢打咗一次同種族歧視有關嘅官司而被炒魷[4]。2001年去咗三藩市嘅美國銀行某分行做咗份臨工，之後轉去北卡羅萊納州嘅太平洋瓦電公司，2002~2004年去過WNCT-TV（CBS屬下嘅電視台）[5]，亦喺2004年到蔑蘭嘅KMID（ABC屬下嘅電視台）做嘢。

2012年4月9號，佢利用布賴斯·威廉士（Bryce Williams）嘅身份入返嚟WDBJ，但因成日同埋同事嗌交，重喺電視台報道發生一系列抗議行為[6]，結果電視台頂佢唔順，卒之喺2013年2月1號炒咗。

美國東部時間2015年8月26號06點46分（粵港當地：2015年8月26號19點46分），佢喺維珍尼亞州摩尼他嘅拍攝現場睇到WDBJ嘅員工——阿力臣帕卡同阿登禾德喺度搞緊晨早新聞採訪，卒之開槍殺死咗[7]。事發之後，由於佢喺facebook同twitter有好多號同佢嘅「襪公仔」，但由於個個主頁都係宣傳WDBJ對費拉拿根嘅種族歧視行為（尤其針對阿力臣帕卡同阿登禾德嘅人身攻擊比較多）而冚唪唥封殺嗮[8][9]。事發之後，當地差佬開始立案調查，佢喺8點26分（粵港當地：2015年8月26號21點26分）向ABC News發佈咗份長達23頁紙嘅傳真[10]，話當地白人記者侵犯黑人嘅經過[11][12][13]，重講到2個月前喺查爾斯頓教堂槍擊案開槍做發洩[14]。最後同差佬追捕過程當中，因車禍死咗，終年41歲[15][16]。

有關

[編輯]

註

[編輯]
  1. ↑ by John Nolte26 Aug 20150. "'Race War': Manifesto Released of Virginia Murderer". Breitbart. 喺2015-08-27搵到.
  2. ↑ "Suspected killer in Virginia slayings had Bay Area ties". San Francisco Chronicle. August 26, 2015. 喺August 26, 2015搵到.
  3. ↑ "Report: Suspect in deadly on-air attack blamed Charleston shooting". CBS News. August 26, 2015. 喺August 26, 2015搵到.
  4. ↑ "Here's What We Know About The Virginia Shooting Suspect". Buzzfeed. August 26, 2015. 喺August 26, 2015搵到.
  5. ↑ "Here's What We Know About The Virginia Shooting Suspect". Buzzfeed. August 26, 2015. 喺August 26, 2015搵到.
  6. ↑ Blinder, Alan (August 26, 2015). "Documents Show Vester Lee Flanagan's Turbulent Tenure at TV Station Before Virginia Shooting". The New York Times. 喺August 26, 2015搵到.
  7. ↑ "Two WDBJ7 employees killed in attack at Bridgewater Plaza". WDBJ7. 2015-08-26. 原著喺2015-08-26歸檔. 喺2015-08-26搵到.
  8. ↑ "Bryce Williams (Twitter Account)". Twitter. August 26, 2015. 原先內容歸檔喺八月 26, 2015. 喺August 26, 2015搵到.
  9. ↑ Brown, Emily (August 26, 2015). "Chilling video shows gunman's perspective of on-air shooting in Virginia". USA TODAY. 喺August 26, 2015搵到.
  10. ↑ Meghan Keneally via Good Morning America (August 26, 2015). "Suspect in On-Air Virginia Shooting Identified". ABC News. 喺August 26, 2015搵到.
  11. ↑ Stanglin, Doug; Pager, Tyler (August 26, 2015). ""Disturbed' Va. gunman angered by Charleston shootings". USA TODAY. 喺August 26, 2015搵到.
  12. ↑ Thomas, Pierre; Cloherty, Jack; Date, Jack; Levine, Mike (August 26, 2015). "After Shooting, Alleged Gunman Details Grievances in 'Suicide Notes'". ABC News. 喺August 26, 2015搵到.
  13. ↑ Robertson, Gary (August 26, 2015). "Virginia TV journalists killed by suspect with 'powder keg' of anger". Yahoo. Reuters. 喺August 27, 2015搵到.
  14. ↑ Silverstein, Jason (August 26, 2015). "TV news reporter, cameraman are fatally shot during live broadcast in Virginia; suspected shooter posts video of attack, then kills himself (SHOCKING VIDEO)". The New York Daily News. 喺August 26, 2015搵到.
  15. ↑ Keneally, Meghan (2015-08-26). "Suspect in On-Air Shooting Dies From Self-Inflicted Wound". ABC. 喺2015-08-26搵到.
  16. ↑ Hedgpeth, Dana; Jouvenal, Justin (2015-08-26). "Suspect in slaying of two TV station employees in SW Virginia shoots himself and dies". Washington Post. 喺2015-08-26搵到.
由「https://zh-yue.wikipedia.org/w/index.php?title=韋斯達·李·費拉拿根&oldid=1537759」收