饒斌（粵拼：jiu4 ban1；簡化字：饶斌；1913年3月3號—1987年8月29號）係中國大陸嘅企業家，亦係中國大陸嘅汽車工業奠基人，吉林省吉林市人，祖籍江蘇南京。
佢之所以喺中國大陸有「中國汽車之父」嘅稱呼，係因為佢領導過起中國第一汽車製造廠（今日嘅中國第一汽車集團）重喺1959年提早搞掂計劃。喺工廠投入生產期間，試過生產16469架汽車而粉碎咗嗰時鬼佬成日提「中國大陸人唔識整汽車」嘅質疑。佢亦代表咗一個人嘅經歷可以完整噉反映中國大陸嘅汽車工業最初嗰卅年嘅發展歷程。
