跳去內容

首部劇情電影計劃

改拎
出自維基百科，自由嘅百科全書

首部劇情電影計劃（英文：First Feature Film Initiative）係香港一個電影資助計劃，喺2013年3月首次推出，透過電影創作同製作計劃比賽選拔電影新秀。計劃獲得香港電影發展局支持，並由電影發展基金撥款資助勝出嘅新導演同佢哋嘅電影製作團隊拍攝首部劇情電影。以獎金發放形式，向申請人提供政府資助，目標係資助新導演同佢哋嘅電影製作團隊，以商業模式拍攝佢哋嘅首部劇情電影，從而為香港電影業培育人才。

比賽實施詳情

[編輯]
  • 「首部劇情電影計劃」以比賽形式進行。比賽分為「大專組」同「專業組」，各設最多三個獎項，大專組同專業組嘅每個優勝團隊可以分別獲資助最多500萬港元同800萬港元拍攝首部劇情電影。
  • 優勝團隊必需完成電影策劃、製作、發行等整個電影生產同銷售過程，學習籌劃製作一部劇情電影嘅實務知識。
  • 參賽團隊必需提交電影創作同製作計劃書，內容包括：故事摘要、故事大綱、人物小傳、分場、完整電影劇本、詳盡嘅製作計劃（包括工作日程）、演員、工作人員人選（附有主創人員、主要演員、主要工作人員嘅意向書）、製作開支預算同市場銷售預測等。提交電影創作同製作計劃書之後喺未獲批准之唔可以作出重大更改。
  • 每個團隊只可以提交一項申請，參加大專組或專業組嘅比賽。

參賽資格

[編輯]

大專組同專業組

[編輯]
  • 參賽團隊必需包括最少一位導演、一位監製、一位編劇。導演同監製崗位唔可以由同一人擔任。
  • 參賽團隊中嘅每一位導演（如果多過一人）都要係從未拍攝80分鐘或以上嘅商業電影並年滿18歲嘅香港永久性居民。
  • 參賽團隊中嘅每一位監製（如果多過一人）都要係年滿18歲嘅香港永久性居民。
  • 參賽團隊嘅編劇中必需有最少一位係年滿18歲嘅香港永久性居民。
  • 除咗導演、監製、編劇之外，參賽團隊嘅以下九個工作崗位每個亦必需由最少一位香港永久性居民擔任：男主角、女主角、攝影、動作設計、美術指導、服裝造型、剪接、電影配樂／音效、視覺效果。

大專組

[編輯]
  • 大專組參賽團隊嘅導演必需係香港或海外專上學院或專科學校電影／電視製作或相類專科嘅學生或畢業唔超過十年嘅畢業生。
  • 參賽團隊中嘅監製（可以多過一人）必需曾以出品人／監製（唔包括執行監製同助理監製）／導演／攝影指導／美術指導身份完成最少兩部喺過去20年之內曾經喺香港上映嘅電影（但必需喺最少一部電影中擔任監製），並必需為年滿18歲嘅香港永久性居民。
  • 為確保參賽團隊有一定嘅電影製作知識和水平，參賽團隊必需經下列其中一間設有電影／電視製作或相類專科嘅香港高等教育機構／職業訓練局轄下嘅專業教育同訓練機構甄選同推薦參加。

專業組

[編輯]
  • 專業組參賽團隊嘅導演必需係具備電影製作或相關經驗嘅香港電影業人士，或曾經喺香港主要嘅電影短片比賽中獲獎嘅優勝者，或從海外回流嘅電影從業員。
  • 參賽團隊中嘅監製（可以多過一人）必需曾經以出品人或監製（唔包括執行監製同助理監製）身份完成最少兩部喺過去20年內曾經喺香港上映嘅電影（但必需喺最少一部電影中擔任監製），必需為年滿18歲嘅香港永久性居民。
  • 喺同一屆比賽，一位監製（包括聯合監製）只可以擔任一個專業組參賽團隊嘅監製崗位。為免產生疑問，一位監製如果喺過去比賽中擔任優勝計劃嘅監製或聯合監製，佢仍可以參加呢屆比賽。
  • 專業組競賽項目並冇推薦名額限制，參賽團隊可以自行提交申請。

歷屆得獎電影

[編輯]
屆數 組別 電影 導演 公映日期 票房（香港）
第一屆
2013		 大專組《一念無明》黃進2017年3月30號至5月31號16,923,985[1]
《點五步》陳志發2016年8月25號至11月3號4,678,142[2]
專業組《藍天白雲》張經緯2018年1月18號至2月27號771,424[3]
第二屆
2016		 大專組《以青春的名義》（前名：以青春的名義愛你）[4]譚惠貞2018年1月11號至3月4號475,274[3]
專業組《散後》（前名：戀@廣埸）陳哲民2020年1月11號〈香港獨立電影節〉未正式公映
第三屆
2017		 大專組《淪落人》[5]陳小娟2019年4月11號至7月3號19,811,169[6]
專業組《G殺》李卓斌2019年3月14號1,050,899[7]
第四屆
2018		 大專組《手捲煙》[8]陳健朗2021年6月17號7,349,074[9]
《金都》黃綺琳2020年6月11號至9月30號5,260,059[10]
專業組《遺愛》（前名：滄海遺愛）馮智恒2021年6月10號[11]372,890[12]
第五屆
2019		 大專組《年少日記》（前名：遺書）[13]卓亦謙2023年11月16號
《過時·過節》（前名：陽）曾慶宏2022年11月24號[14]
專業組《燈火闌珊》[15]曾憲寧2023年4月13號
第六屆
2020		 大專組《但願人長久》祝紫嫣2024年4月11號
《寄了一整個春天》（前名：風景線）葉鈺瀛2024年11月7號
《電競女孩》（前名：電競女孩聯盟）白瑋琪、楊帆製作緊
專業組《我談的那場戀愛》何妙祺2024年9月12號
《流水落花》賈勝楓2023年3月2號
第七屆
2022		 大專組《長洲賓客拯救隊》李心悅製作緊
《被殺的那天》林樂騫製作緊
《媽樣年華》胡翠兒製作緊
專業組《大分瓶》湯仲星製作緊
《情·色·直播》余詩朗製作緊
《武替道》梁冠堯、梁冠舜2024年9月26號

參考

[編輯]
  1. ↑ 〈香港電影業資料彙編2017〉 (PDF)。原著 (PDF)喺2021-03-04歸檔。喺2019-03-08搵到。
  2. ↑ 〈香港電影業資料彙編2016〉 (PDF)。原著 (PDF)喺2021-03-16歸檔。喺2019-03-08搵到。
  3. 1 2 〈香港電影業資料彙編2018〉 (PDF)。原著 (PDF)喺2021-03-02歸檔。喺2020-01-06搵到。
  4. ↑ 〈第二屆「首部劇情電影計劃」結果公布（附圖）〉。喺2019-03-08搵到。
  5. ↑ 〈第三屆「首部劇情電影計劃」結果公布（附圖）〉。喺2019-03-08搵到。
  6. ↑ 〈2019年香港電影市道整體情況〉 (PDF)。喺2020-01-06搵到。
  7. ↑ 〈香港電影業資料彙編2019〉 (PDF)。喺2022-11-24搵到。
  8. ↑ 〈第四屆「首部劇情電影計劃」結果公布（附圖）〉。喺2019-03-08搵到。
  9. ↑ 〈7月12日－7月18日票房紀錄〉。喺2021-07-22搵到。
  10. ↑ 〈8月31日－9月6日票房紀錄〉。喺2020-07-15搵到。
  11. ↑ 〈鄭中基畀陳漢娜怒摑嗌爽：叫佢唔好留手！〉。《東方日報》 (香港中文)。2019-03-01。喺2021-02-11搵到。
  12. ↑ 〈6月7號－6月13號票房紀錄〉。喺2021-06-19搵到。
  13. ↑ 〈第五屆「首部劇情電影計劃」結果公布（附圖）〉。原著喺2019-03-27歸檔。喺2019-03-08搵到。
  14. ↑ 〈過時過節丨呂爵安 AL首部作品入圍釜山影展 Edan好興奮:從影以嚟最難角色〉。《頭條日報》。2022-09-07。喺2022-09-12搵到。
  15. ↑ 許育民 (2021-02-04)。〈《燈火闌珊》紀錄褪色香港 張艾嘉不計酬勞參演︰還有好角色可演〉。《香港01》。喺2021-02-19搵到。

出面網頁

[編輯]
由「https://zh-yue.wikipedia.org/w/index.php?title=首部劇情電影計劃&oldid=2189001」收