香園圍公路
  | |
|---|---|
| 基本資料 | |
| 總長度 | 11公里 |
| 車速限制 | 80公里／小時 |
| 行車線數目 | 4線雙程（每個方向有2條線同埋來回各有1條線路肩） |
| 所在地區 | 香港新界東（和合石粉嶺公路至打鼓嶺香園圍管制站，與粉嶺公路連埋一齊） |
| 起點 | 香港新界大埔區粉嶺公路 |
| 終點 | 香港新界北區打鼓嶺香園圍管制站 |
| 歷史資料 | |
| 舊有名稱 | 香園圍管制站連接路 |
| 命名日期 | 2018年12月27號 |
| 動工日期 | 2013年12月 |
| 興建計劃 | 蓮塘/香園圍口岸與相關工程－工地平整及基礎建設工程[1] |
| 通車日期 | 2019年5月26號 |
| 地圖 | |
 | |
香園圍公路（英文：Heung Yuen Wai Highway）[2]，係連接粉嶺公路同埋香園圍管制站嘅一條公路，成條公路都係兩條線分隔往來。公路有一條長5.7公里嘅隧道，4.3公里長嘅高架道路同埋1.0公里長嘅地面道路。其中兩條隧道嘅名叫做龍山隧道同長山隧道。條路喺2019年5月26號通車。[3]
公路有4個交匯處，包括粉嶺公路、沙頭角公路迴旋處、坪洋同埋蓮麻坑路交匯處[4]。成條路用咗103.14億來起[1]。
雖則公路係照足高速公路嘅規格去起，英文名亦用咗「Highway」，但係當局並無正式將佢劃定做快速公路。
話雖叫做香園圍公路，跟關口名一樣，實情關口以及公路，同香園圍相距甚遠，反而就近松園下。
公路定線
[編輯]粉嶺公路交匯處
[編輯]粉嶺公路交匯處，同粉嶺公路交匯。以南起計，係公路嘅第一個交匯處，而佢嘅特點係用水滴形橋，喺九龍坑之東，龍山同和合石以南嘅山，山坳位起咗個交匯處，可以喺呢度向南行跟住粉嶺公路同埋吐露港公路去到大埔、沙田、同埋九龍。而沿粉嶺公路北行，粉嶺、上水、新田、古洞、元朗、打鼓嶺同埋沙頭角。
龍山隧道
[編輯]龍山隧道長四千八百米，香港地上至長嘅隧道。
沙頭角公路交匯處
[編輯]沙頭角公路交匯處，同沙頭角公路交匯。喺呢度可以去到沙頭角公路，去附近嘅村落同沙頭角。
長山隧道
[編輯]長山隧道長七百米。
坪洋交匯處
[編輯]蓮麻坑路交匯處
[編輯]蓮麻坑路交匯處，同蓮麻坑路交匯。喺呢度可以去到蓮麻坑路，去附近嘅村落。
參考
[編輯]- ↑ 1.0 1.1 土木工程拓展署 - 蓮塘/香園圍口岸與相關工程－工地平整及基礎建設工程 互聯網檔案館嘅歸檔，歸檔日期2019年5月3號，.
- ↑ 〈大埔及北區擬議街道命名〉 (PDF)。大埔區議會秘書處。原著 (PDF)喺2019年4月22號歸檔。喺2018年12月搵到。
{{cite web}}: Check date values in:|access-date=(help) - ↑ 頭條日報 - 香園圍公路正式通車 粉嶺公路4分鐘到沙頭角公路 互聯網檔案館嘅歸檔，歸檔日期2019年5月26號，.
- ↑ 頭條日報 - 蓮塘口岸至粉嶺道路 最快本月下旬啟用 互聯網檔案館嘅歸檔，歸檔日期2019年5月6號，.