香港仔郊野公園

出自維基百科,自由嘅百科全書
跳去: 定向搵嘢
HK Aberdeen Country Park 1.jpg

香港仔郊野公園英文Aberdeen Country Park)係響香港香港仔郊野公園,響1977年10月28號劃定,廣受本地人士歡迎,亦都吸引一啲外地遊客到訪。響香港郊野公園成立之前,呢處係郊野公園試點,當時叫做香港仔森林公園[1]

位置[編輯]

香港仔郊野公園響香港島嘅山嘅南面,向北伸到去灣仔峽,南面就係香港仔同黃竹坑,面積大約423公頃。佢環繞住香港仔水塘,分為香港仔上水塘同香港仔下水塘。

自然環境[編輯]

香港仔郊野公園有好多樹,主要係二戰後種嘅好多種闊葉類樹木,比較常見嘅有紅膠木木荷大頭茶鴨腳木崗捻。而常見嘅雀仔有麻鷹毛雞畫眉喜鵲了哥釣魚郎等,間中亦都會見到穿山甲松鼠行過。

好去處[編輯]

香港仔自然教育徑響香港仔下水塘東面,遊客可以睇住教育徑上嘅傳意牌加深對郊野嘅認識。

港島徑香港仔同黃竹坑段亦都響公園裏面,西面由貝璐道開始,東面去到布力徑,全長大約14公里

郊野公園亦都提供唔同嘅康樂設施,包括燒烤爐太極台、兒童遊樂設施、樹木研習徑同健身徑等,另外重有一條輪椅徑傷健人士用。而香港仔郊野公園遊客中心有查詢服務,同埋展出郊野公園資料。

交通[編輯]

由於香港仔郊野公園接近市區,交通算係方便,可以由香港仔經香港仔水塘道去到,由黃泥涌峽灣仔峽就可以經布力徑,由山頂區同香港仔就可以經貝璐道

假如搭巴士或者小巴,就可以揀目的地去石排灣嘅車。

鄰近郊野公園[編輯]

[編輯]

  1. 漁農自然護理署. 郊野叁十年. 天地圖書有限公司. 2007. 9789882113497. 

睇埋[編輯]

出面網頁[編輯]