香港基督教錫安教會
香港基督教錫安教會（英文：Hong Kong Church of Zion），簡稱基督教錫安教會或者錫安教，係香港一個由梁日華喺1984年搞嘅獨立宗教團體。雖然佢名義上係屬於基督教，但係係喺末日論方面嘅教義就有最大嘅差異。佢仲因為鼓勵大家飲雙氧水而喺香港社會出名，而同時亦都俾傳統教會叫佢做異端邪教[1]，香港人同媒體有時會叫佢哋做「雙氧教」或者「雙氧水教會」[2]。
發展過程
[編輯]1994年，香港錫安教會由加拿大錫安總會獨立，開始出去發展。香港嘅梁日華聲稱母會嘅牧師趙頌權變成異端，所以宣佈要分裂，獨立發展[3]。而家中國同香港個基督教聯會名單冇錫安教個名[4]。
2004年4月，《時代論壇》採訪過梁日華[5]。
2007年5月3號，香港錫安教會註冊香港擔保有限公司，叫「香港基督教錫安教會有限公司」(Hong Kong Church of Zion Limited )。有時會用公司名義，去租香港九龍灣國際展貿中心嚟搞聚會。
獨特宗教觀念
[編輯]佢所分享嘅教導，同傳統基督教教會嘅教導有好大出入，所以引起廣泛香港基督教界嘅爭議同抨擊，其中包括對於末日論嘅講法[6]、信徒道德標準、雙氧水療法、福音講道帶、同埋詩歌唔應該收錢等等。
部分爭議
[編輯]梁日華個牧師資格
[編輯]梁日華曾經讀過神學，但係已經畀人廢除咗會籍。佢細個係道教屋企出身，爸爸係地盤工人。佢中學嘅時候，曾經去到香港靈恩派真道教會嘅聚會同受洗，之後開始成日自讀《聖經》、去聚會、同埋禱告。之後，佢去到溫哥華嘅三一學院（Trinity Western College）度進修，主修電腦，副修神學同古典結他，不過冇畢業。返香港之後，佢去過好多教會度偷師，例如復興教會同五旬教教會等等。
飲雙氧水同否定醫學
[編輯]領袖梁日華曾經推舉過「自然療法」同「氧份療法」，喺1996年開始一直叫大家飲雙氧水。香港大多數人都已經知道有佢嘅存在，所以「雙氧水教會」就成為咗間教會嘅花名[7]。梁日華又認為只要誠心祈禱，就算有病都會自己好。佢話神係會治癒病人，如果冇信心先要睇醫生，話識得「屬靈定律」就會有醫治神蹟。
曲解聖經爭議
[編輯]梁日華反對傳統神學訓練[8]，用自己嘅方式去解釋經文，引發合理性同客觀性方面嘅問題[9][10]。
梁日華鼓勵信徒自己讀《聖經》，每日一篇種喺溪水邊，聲稱會幫到信徒避免陷入迷惑嘅世界。傳統教會就鼓勵大家讀《聖經》，明白神嘅救世計劃，過住更合神心意嘅生活[11]。
反對傳統禮儀同節日
[編輯]梁日華拒絕傳統基督教同大公教會嘅禮儀，認為信徒並冇需要守聖餐來紀念耶穌受死。只要信錫安教，就可以隨時安排浸禮同入會，唔需要有初信培育，亦唔使考問心事。梁日華質疑聖誕節同復活節等等節慶嘅必要性[12]。
牧者生活奢華爭議
[編輯]梁日華嘅生活，似乎都同其他宗教界嘅人士有分別，佢因為太過奢華而引到斂財嘅爭議[13]。
偷羊爭議
[編輯]錫安教會對於招攬其他教會成員嘅手段亦都有爭議。
知名教徒
[編輯]出面網站
[編輯]有關
[編輯]參考
[編輯]- ↑ 邪教教主：食海鮮變喪屍 《蘋果日報》蘋果動新聞，2011年12月26號
- ↑ 錫安教迫𡃁妹食雙氧水自助餐 錫安教迫𡃁妹食雙氧水自助餐 互聯網檔案館嘅歸檔，歸檔日期2017年10月1號，. 《蘋果日報》，2004年2月11號
- ↑ 〈錫安教會發展過程簡介：「走出錫安教」網站〉。
- ↑ "The Hong Kong Chinese Christian Churches Union".
- ↑ 〈《時代論壇社長李錦洪先生專訪錫安教會梁日華牧師》〉。時代論壇。2004-04-24。原著喺2006-05-21歸檔。喺2016-10-25搵到。
- ↑ 〈錫安教會主日信息：2012 榮耀盼望〉。
- ↑ 破天荒接受訪問 被指患「傳媒恐懼症」 錫安教會領袖稱不再售雙氧水 互聯網檔案館嘅歸檔，歸檔日期2014年11月4號，.，蘋果日報，2004年4月24號
- ↑ 〈世界華文聖經學院——異端邪說研究講義〉。
- ↑ 〈中華宣道會黃埔聯福堂主日講道撮要〉。
{{cite web}}: CS1 maint: url-status (link) - ↑ 〈錫安教會指芭比、米奇老鼠魔鬼化身〉。
- ↑ 〈錫安教會與正統基督教有何差異？〉。原著喺2010年8月21日歸檔。
- ↑ 〈世界華文聖經學院——異端邪說研究講義〉。
- ↑ 〈應從大處辨正邪 (二)〉。
- ↑ 【01周報．精神康復】徘徊病院與社區之間 走過漫長跌碰之路 香港01，2018年2月13號