香港貨幣史

出自維基百科,自由嘅百科全書
Jump to navigation Jump to search

香港貨幣史,要由香港開埠之初講起。至初,香港貨幣即係英國貨幣,就係英鎊。之但係,當時大清通寶銅錢銀两同埋西班牙墨西哥鑄造佛頭銀。佛頭銀係因為銀幣,上面有個西班牙國王頭,以及後尾嘅墨西哥鷹洋。另外,英國另一個殖民地,印度,亦都有鑄造女皇像嘅印度盧比銀幣。所以,啱啱開埠嘅香港,銅錢、墨西哥銀元、英鎊、印度盧比銀幣,迻通都係當時流通貨幣。民間依然會用下啲銀两啦,後來嘅銀號,其中一個角色,正正做民間銀幣銀两對換公証行

香港係先有紙幣再有硬幣嘅;要數到香港第一間發鈔銀行,就係叫 東藩匯理銀行,佢最早係1846年開始發行港紙。另一間早期發鈔銀行叫做 印度及倫頓中國三處匯理銀行,即係後來嘅 有利銀行,响1858年起開始發鈔;跟住就係 印度新金山中國匯理銀行,即係 渣打銀行,1863年開始發鈔。而 香港上海匯豐銀行,就要到1865年先至開始發鈔。

因為當時係用銀圓,所以當時嘅香港銀行發鈔係根據銀本位制度嘅,即係:一蚊港銀= 1英鎊/ 1個墨西哥銀圓/ 1個香港壹元銀幣(1866年開始係香港鑄幣廠鑄造)