西班牙國王

出自維基百科,自由嘅百科全書
跳去導覽 跳去搵嘢
西班牙國王
Rey de España
Coat of Arms of Spanish Monarch.svg
現任
King Felipe VI of Spain.jpg
現今國王菲臘六世
菲臘六世
2014年6月19號就任
詳情
尊稱His Majesty
推定繼承人莉安諾公主
開國君主伊莎貝拉一世費迪南五世(初步統一)
卡洛斯一世(立國)
伊莎貝拉二世(真正統一)
建立時間1479年初步統一
1975年第三次復辟到依家
居所馬德里王宮(法定)
查瑞拉宮(實際)
產生方式世襲
網站西班牙王室官網

西班牙國王(西班牙文:Rey de España),又叫西班牙君主(西班牙文:Monarquía Española),係西班牙國家元首,憲法上係最高領袖,亦係西班牙王室(西班牙文:Monarquía Española)嘅成員之首,兼且係伊比利亞-美洲國家組織名譽主席。現任國王係菲臘六世

職權同特權[編輯]

西班牙國王(英文:The Crown of Spain・西班牙文:la Corona de España)係源於5世紀嘅伊比利半島國家西哥德王國,同埋響西班牙憲法第2節第56款去到第65款都得到認可。西班牙國王響憲法上係代表緊西班牙係「牢不可破」嘅永久性同埋統一性,同埋係代表緊西班牙嘅法人,擔當國父嘅角色。

根據響1978年嘅憲法公投,西班牙國王嘅權力係嚟自於人民,即係佢嘅權力係人民畀佢嘅:

National sovereignty belongs to the Spanish people, from whom all State powers emanate. ーーーー西班牙憲法第2(2)條

國王係要去協調唔同機構嘅運作,仲係西班牙響國際上嘅最高權力代表人。佢要去行使憲法同埋法律畀佢嘅一切職權同埋責任:

The King is Head of State, the symbol of its unity and permanence. He arbitrates and moderates the regular functioning of the institutions, assumes the highest representation of the Spanish State in international relations, especially with the nations of its historical community, and exercises the functions expressly conferred on him by the Constitution and the laws. ーーーー西班牙憲法第2節第56款

國王響登基嗰陣要到國會宣誓,要效忠憲法、做憲法上畀國王嘅職權同埋遵守西班牙法律;並且,憲法會畀國王額外嘅責任,去確保國王係遵守憲法;另外就係西班牙國王要尊重西班牙公民同埋自治區嘅權利:

The King, on being proclaimed before the Cortes Generales, will swear to faithfully carry out his duties, to obey the Constitution and the laws and ensure that they are obeyed, and to respect the rights of the citizens and the Self-governing Communities. ーーーー西班牙憲法第2節第51款

根據響1978年定嘅西班牙憲法第2節第62款,西班牙國王嘅職權有:

  1. 批准同頒佈西班牙國會通過嘅法律
  2. 憲法下,響國會任期限制期間召開同埋解散國會
  3. 響憲法講明嘅情況下開始公投
  4. 憲法下,向國會提名首相侯選人,之後正式任命首相同自治主席;響特定同根據憲法嘅情況下,可以免除首相嘅職務
  5. 跟據首相嘅建議下,任命其他政府內閣嘅成員
  6. 根據內閣提名嘅名單,對名單上嘅人行使響法例下嘅褒獎權,對佢哋頒發文職或者軍銜嘅獎勵
  7. 接收國家資訊,以便響首相嘅邀求下主持內閣會議
  8. 向三軍發出最高指令
  9. 行使法律上畀佢嘅酌情權,但唔可以行使一般嘅特赦
  10. 資助王家學院

另外,阿斯圖里亞斯親王(即儲君嘅銜頭)響滿18歲嗰時,亦都要到國會宣誓,講自己要效忠憲法同國王;另外國會響佢宣誓後就會承認佢「王位繼承人」嘅身份。宣誓嘅內容同國王登基嗰陣嘅差唔多。

宣誓內容大致係:

I swear faithfully to discharge my functions, to sustain and see to it that the Constitution and the Laws are sustained, and to respect the rights of the citizens and of the autonomous communities.

歷史[編輯]

內文:西班牙國史

西班牙以前並唔係一個國家。響羅馬帝國時代,西班牙只不過係帝國下嘅一個省。後嚟西班牙陷入動盪狀態,唔單止好多王國都想兼併西班牙,而且多個有勢力嘅家族都開始掘起,形成王國、公國等等。其中最出名嘅係阿斯圖里亞斯公國同埋阿拉貢王國,曾經擊退咗倭馬亞哈里發國響八世紀嘅入侵。

祖梅尼斯王朝(House of Jiménez)響十一世紀控制咗伊比利半島上大多數基督教勢力。由桑喬大帝到于拉卡,銜頭一直都係Emperor of All Spain。直至于拉卡個仔、安斯卡里齊王朝第一位國王阿方索七世,佢將王國分封畀自己幾個仔,咁佢嘅後代先冇咗個銜頭。

直到十五世紀,伊莎貝拉一世(利昂同卡斯提亞王國公主)同費迪南五世(亞拉岡王國王子)結婚,以天主教雙王呢個名義,將當時伊比利亞半島三大王國ー亞拉岡王國、利昂王國同卡斯提爾亞王國聯合,初步統一西班牙。1492年,收復失地運動進入尾聲,伊莎貝拉一世打敗咗響西班牙南部、最後一個響西班牙嘅阿拉伯王朝格蘭納達王朝,西班牙咁先叫做統一咗(但依然係共主邦聯形式):卡斯提亞王國、利昂王國、加里西亞王國、托利多王國、莫西亞王國、科爾多瓦王國、哈恩王國、西維爾王國、格蘭納達王國、阿斯圖里亞斯公國、阿拉瓦侯國、比斯開莊園、莫利納莊園合成「卡斯提亞聯合王國」;亞拉岡王國、巴塞羅拿伯國、華倫西亞王國、馬略卡王國合成「亞拉岡聯合王國」。伊比利半島成為基督教聯合王國;亦響呢個時候變成由一個家族統治。

之後王位由伊莎貝拉一世同費迪南五世個孫卡洛斯一世繼承,係西班牙唯一一位國王,響政治上達到咗真正嘅統一。開咗西班牙哈布斯堡王朝,帶領西班牙做咗歐洲史上第一個日不落帝國。但係隨住末代國王卡洛斯二世冇仔女,引起王位繼承問題。佢走咗之後,就發生咗西班牙王位繼承戰爭,最後法國大王太子路易個二仔菲臘獲得承認,成為西班牙國王菲臘五世,自此西班牙王位就落入波旁王朝

響1808年,卡洛斯四世讓位畀費迪南七世之後,就畀拿破侖控制。拿破侖為咗將王位畀大佬約瑟夫,就要求卡洛斯四世收返個王位,之後再讓位畀約瑟夫。約瑟夫登基之後,佢以「西班牙王國」做國號,係第一次出現「西班牙」呢個名(但無耐就畀費迪南七世廢咗)。1813年,拿破崙同意將王位畀返費迪南七世,無耐法蘭西第一帝國就冇咗,波旁王朝第一次復辟。

伊莎貝拉二世(費迪南七世個女)後嚟繼位,響1833年決定用「西班牙」嚟代替自己又長又臭個名「king of Castile, Leon, Aragon,… by the Grace of God」,「西班牙」正式做咗國號。但係佢並唔受民眾歡迎,所以西班牙議會發動咗政變,響1868年推翻伊莎貝拉二世,另立意大利公爵阿馬迪奧一世。當時,響阿馬迪奧一世登基個陣,憲法將佢個尊號定係「西班牙王國國王」,而唔係「西班牙諸國國王」,象徵西班牙響名義上同法律上真真正正做咗一個國家。但係當時兩個政治派系都唔支持佢,加上西班牙混亂嘅局勢令佢覺到好煩,結果佢響1873年退位。兩個政治派系又成立咗西班牙第一共和國,擁立完阿方索十二世後,就返去西班牙王國,波旁王朝第二次復辟。

阿方索十二世嘅繼任人阿方索十三世西美戰爭戰敗,好多海外領土冇咗。民眾開始要求廢除君主制,佢迫住進行改革。之後響佢嘅支持下,獨裁者德里維拉響1923年成為西班牙首相。1931年,一向都唔得民心嘅德里維拉畀人推翻,之後革命人士成立西班牙第二共和國,阿方索十三世流亡外國。

1939年,另一位獨裁者佛朗哥帶領手下推翻西班牙第二共和國。佛朗哥後嚟響1947年宣佈恢復西班牙王室,佢立阿方索十三世三仔環親王係王位繼承人,但因為環親王係個自由主義者,所以遲遲唔將王位放手畀佢。去到1969年,佛朗哥改為指定環親王個仔環卡洛斯係繼承人。1975年,佛朗哥走咗,環卡洛斯正式成為國王,波旁王朝第三次復辟。環卡洛斯一世在位期間一步一步帶領西班牙變得民主;最終響1978年下放權力,由君主制改為君主立憲制,西班牙國王自此唔再有最高權力,只不過係個象徵。

王位繼承[編輯]

2014年,菲臘六世繼承咗王位
內文:西班牙王位繼承順序

西班牙嘅王位繼承由十一世紀開始就已經係男人優先,但女人可以響某啲特別嘅情況下繼承做國王。去到菲臘五世,女人曾經唔再有繼承權;一直到費迪南七世,先至修改呢條法例,令到佢個大女伊莎貝拉二世響1833年繼承王位。

根據由環卡洛斯一世響1975年定嘅憲法第57條,講明大仔有優先繼承王位嘅權利。唔係唔畀女人繼承,只不過繼承順位會係排響男人後面[1]

呢個「大仔優先」嘅法例到2005年打破。當時,王儲菲臘同莉迪斯雅王妃嘅大女莉安諾出世,所以引起咗王位繼承嘅爭議。時任首相薩帕特羅希望修改法律,由原先嘅大仔優先繼承,改為第一個仔女優先(即無論第一個係仔定女,都係優先繼承)。但之後王儲菲臘生咗二女蘇菲亞,呢個方法不了了之。2009年,環卡洛斯一世頒佈咗一條法令,講到明貴族嘅爵位由原先一定嘅大仔優先,改為第一個仔女優先,睇落係鋪平咗條路畀莉安諾。但係目前西班牙王位繼承都仲未改,都仲係大仔優先,換言之只要莉迪芝雅王后為菲臘六世生多個仔出嚟,咁莉安諾就唔再係王儲。

目前(國王係菲臘六世)嘅王位繼承順序係:

  1. 阿斯圖里亞斯女親王莉安諾(菲臘六世大女)
  2. 蘇菲亞王女(菲臘六世二女)
  3. 盧高女公爵艾蓮娜王女(環卡洛斯一世大女・菲臘六世大家姐)
  4. 菲臘·德·馬烈查勒ー波旁(艾蓮娜王女大仔)
  5. 維多利亞·德·馬烈查勒ー波旁(盧高女公爵艾蓮娜王女大女,菲臘·德·馬烈查勒ー波旁個細妹)
  6. 克里斯蒂娜王女(環卡洛斯一世二女・菲臘六世二家姐)
  7. 環·烏丹格林ー波旁(克里斯蒂娜王女大仔)
  8. 帕布羅·烏丹格林ー波旁(克里斯蒂娜王女二仔)
  9. 馬吉爾·烏丹格林ー波旁(克里斯蒂娜王女三仔)
  10. 依琳·烏丹格林ー波旁(克里斯蒂娜王女細女)

西班牙王室[編輯]

西班牙王室自1975年第三次復辟之後,王室成員就只包括國王同埋佢嘅直系家屬。所以話,依家嘅王室成員有菲臘六世、莉迪斯雅王后莉安諾親王蘇菲亞王女四個人,並唔包埋國王嘅老豆阿媽;而王室成員之首就係國王,依家嘅首領係菲臘六世。而王室成員就由內廷機構去支持佢哋行使職權同埋特權。

除咗未來嘅儲君(即有阿斯圖里亞斯親王銜頭嘅嗰個人)係有「親王」或「女親王」(英文:Prince・Princess)嘅銜頭之外,其他嘅女性王室成員淨係得「王女」(英文:Infante)嘅銜頭;而其他嘅男性王室成員細個會有「王子」(英文:Infante)嘅銜頭,大個咗後會畀人封為公爵伯爵之類,就唔會再有「王子」銜頭。

菲臘六世在任遇上西班牙經濟唔好,佢響民眾嘅壓力之下減少咗自己每年嘅人工同埋王室嘅開支。2018年,西班牙王室嘅年度總開支係7900萬歐元(即729,010,000港紙),係咁多個歐洲王室之中開支最少嘅[2]

睇埋[編輯]

[編輯]

  1. "Constitución española de 1978: 04 - Wikisource". es.wikisource.org (西班牙文). 喺2021-06-23搵到.
  2. "El presupuesto de la Casa del Rey crece un 0,9% para 2018". web.archive.org. 2020-06-24. 喺2021-07-04搵到.