香港高等程度會考

  提示：呢篇文講嘅唔係香港高級程度會考。

香港高等程度會考（英文：Hong Kong Higher Level Examination，HKHLE）係香港停辦咗嘅公開試，由香港考試局主辦。

考試前身係香港中文大學資格考試，喺1979年由考試局改名接辦。考試係畀學生喺完成一年預科之後報考，同期舉辦嘅香港高級程度會考就只有畀喺英文學校讀咗兩年預科嘅學生應考嘅試卷。

1982年，為咗避免兩個考試造成嘅混亂，國際顧問團喺《香港教育透視》報告裏面第一次建議取消高等程度會考。隨住中文大學喺1980年代後期逐漸轉用三年制本科課程，1990年大學聯合招生辦法成立，而聯招辦法唔承認高等程度會考，高等程度會考亦喺1992年最後一屆之後停辦。