香港考試及評核局
香港考試及評核局（簡稱考評局，英文：Hong Kong Examinations and Assessment Authority，縮寫HKEAA），以前叫香港考試局（簡稱考試局；英文：Hong Kong Examinations Authority），係香港專責安排同統籌考試嘅機構。香港考試局於1977年5月成立，並喺同年8月1號開始執行佢嘅法定任務。考試局成立初期，財政來源主要來自政府，直至1981年開始，考試局先至正式成為財政獨立同自負盈虧嘅獨立法定機構。為咗更有效反映考試局嘅角色同工作，考試局於2002年7月正式改名做香港考試及評核局，以顯示佢除咗繼續主辦原有嘅考試之外，亦非常重視推行促進學習嘅評核工作。
歷史同發展
[編輯]由1978年開始，香港考試局負責舉辦每年一次嘅香港中學會考（HKCEE）。考試局又喺1979年開始接辦香港中文大學入學資格考試，並改名做香港高等程度會考（已經喺1992年停辦）；1980年考試局更接辦香港大學入學資格考試，並改名做香港高級程度會考（HKALE）。每年報考呢兩個公開考試嘅人數超過100,000人。
除咗香港中學會考同香港高級程度會考之外，考評局亦為小學同初中舉辦「基本能力評估」。考評局喺2004年首次為全港小三舉辦全港性系統評估，並喺2005年推展至小六，到咗2006年，更將評估推展至中三。
因應香港高中課程喺2009年開始推行三三四學制，香港考評局喺2012年開始舉辦香港中學文憑考試（HKDSE），取代原本嗰兩個公開考試——香港中學會考同香港高級程度會考。而考評局已經喺2010年舉辦最後一次嘅香港中學會考同2012年舉辦最後一次香港高級程度會考。但係為咗配合重讀生嘅需要，考評局承諾會因應有意重考生嘅人數，喺2011年為重讀生安排重考個別香港中學會考科目，2013年就安排重考香港高級程度會考，呢兩個重考所有考生都係要以自修生身份去報考。
委員會
[編輯]香港考試及評核局委員會由17個委員組成，分別嚟自中學、高等院校、政府部門同埋專業界別，除咗當然委員外，所有委員都係由行政長官委任。委員會嘅工作範圍，包括負責釐定考試政策同監管香港考試及評核局的工作。
秘書處
[編輯]香港考試及評核局嘅秘書處由超過300人嘅全職人員為公眾服務，同埋處理考評局委員會同佢轄下事務委員會嘅工作。喺每年嘅考試季度，考評局都會聘用接近8,000個工作人員，擔任試卷擬題員、審題員、閱卷員、校對員、題目核分員、口試考官同監考員，而大部分都係中學同大學嘅資深教師。考評局秘書處由秘書長同副秘書長領導。
服務
[編輯]香港考試及評核局舉辦以下嘅公開考試同評核：
香港公開考試
[編輯]以下考試已經停辦：
國際同專業考試
[編輯]- ABRSM 英國皇家音樂學院聯合委員會考試
- AP考試
- Australian Teachers of Dancing Exams
- 北京舞蹈學院中國舞等級考試
- 中央音樂學院考試
- 汕頭大學設計學類本科專業考試
- 澳洲聯邦舞蹈教師協會（香港區）考試
- 地產代理／營業員資格考試
- B級電業工程人員註冊考試
- 廣州美術學院專業考試
- GCE/ GCSE/ IGCSE/ IAL
- 高階能力學生測試
- 中華人民共和國普通高等學校聯合招生考試
- 電腦化青少年普通話水平測試
- PTE 兒童英語考試 / PTE 通用英語考試
- 全國美術考級試
- 英國國家舞蹈教師協會標準舞及拉丁舞（香港區）考試
- 中華人民共和國國家司法考試
- 英國皇家舞蹈學院考試
- SAT
- 廣東省高等教育自學考試
- 澳洲聯邦舞蹈教師協會及香港體育舞蹈總會聯合考試
- 英國倫敦大學國際課程考試
爭議事件
[編輯]2020年香港中學文憑試歷史科題目風波
[編輯]喺2020年香港中學文憑試，歷史科一條有關中日關係嘅題目陷入爭議。被政府官員，新華社同香港親中媒體先後批評，引起咗坊間好大爭議，教育界批評政府咁做係對教育界發動文革式嘅政治批鬥[1][2]，而最終考評局將成條題目作廢。
睇埋
[編輯]參考
[編輯]- ↑ 〈教育局破天荒迫考評局取消中日爭議試題 又派專組調查 葉建源評為文革做法〉。《RFI - 法國國際廣播電台》 (繁體中文)。2020-05-16。喺2020-12-30搵到。
- ↑ 〈借試題事件中共在港掀批鬥風 整治教育界 考評局還可以撐多久？ | 立場報道 | 立場新聞〉。《立場新聞 Stand News》 (英文)。原著喺2020-05-28歸檔。喺2020-12-30搵到。
