魚類統營處

出自維基百科,自由嘅百科全書
魚類統營處

 魚類統營處粵拼jyu4 leoi6 tung2 jing4 cyu3英文Fish Marketing Organization;簡稱魚統處)係香港一個財政獨立、非牟利機構,根據香港法例第291章《海魚(統營)條例》成立。負責向香港漁業同漁產貿易商提供有秩序同有效率嘅海魚批銷制度同設施。

簡介[編輯]

魚類統營處最初根據「防衞規例」喺1945年成立,以協助戰後漁民恢復生產,並提供有秩序同有效率嘅海魚批銷服務,以發展漁業同改善漁民社會同經濟狀況。其後喺1962年實施嘅香港法例第291章海魚(統營)條例,為魚統處嘅成立同運作提供法定基礎。魚類統營處由統營處處長領導,而家呢個職位由漁農自然護理署署長兼任。魚統處係一個財政獨立嘅非牟利機構,唔屬於公務員體系。

魚類批發市場[編輯]

魚類統營處分別喺香港仔、筲箕灣、觀塘、長沙灣、青山、大埔同西貢經營7個魚類批發市場,為漁民、魚類批發商同買家提供有效率同有秩序嘅批銷服務。

漁產品加工中心[編輯]

魚類統營處喺2005年成立漁產品加工中心,透過建立魚統處全新嘅「優質之選」品牌,以推廣香港優質漁產品。中心發展優質漁產品,例如乾貨、鹹鮮同經過處理嘅產品,並供應畀客戶,包括餐廳酒樓超級市場酒店老人院舍

睇埋[編輯]

出面網頁[編輯]