扶貧委員會

出自維基百科,自由嘅百科全書
Jump to navigation Jump to search

扶貧委員會英文Commission on Poverty,縮寫CP)係香港政府喺扶貧工作上嘅緊密伙伴,喺2005年成立,2007年6月30號解散,再喺2012年11月9號重新成立,負責制定官方貧窮線、構思同落實低收入在職家庭津貼、組織全港性嘅退休保障諮詢活動,加強弱勢社群嘅支援、提升基層青年向上流動,同埋推動關愛基金同社會創新嘅工作。

職權範圍[編輯]

扶貧委員會[編輯]

  • 每年更新「貧窮線」分析,同喺適當時候優化「貧窮線」分析框架,以檢視香港貧窮情況同扶貧政策成效;
  • 檢視現行政策同探討新措施,並通過轄下專責小組嘅工作,以達致防貧同扶貧嘅目的,有利基層(特別係年青一代)喺社會階梯向上移、為有特別需要嘅群組提供適切支援,同埋透過關愛基金同社會創新及創業發展基金進行補漏拾遺同推動社會創新以應對貧窮問題嘅工作;
  • 監察有關設立一站式處理福利申請嘅可行性研究,並因應研究結果就未來路向提供意見;
  • 鼓勵跨界別協作推動扶貧工作,並同其他政府諮詢委員會就扶貧工作交流同聯繫。

青年教育、就業和培訓專責小組[編輯]

  • 檢討同探討同教育、就業同培訓等相關嘅政策同措施,移除障礙,特別為基層青年提供平等發展機會,促進佢哋喺社會階梯向上移,減低跨代貧窮風險;
  • 配合香港經濟發展同社會情況,探討新政策同措施並加強跨界別合作,推動生涯規劃、多元發展、職業教育同持續進修等,幫助基層青年發揮潛能;
  • 進行學術研究同數據分析,了解香港個人同跨代嘅社會流動現況;
  • 同其他專責小組作緊密聯繫同提供互相支援,並適時向扶貧委員會報告工作進展同計劃;
  • 聯同扶貧委員會同其他專責小組,準備年度扶貧委員會高峰會,向公眾滙報扶貧委員會嘅工作進度,同時與市民同社會各界交流互動,合力推展扶貧工作。

特別需要社群專責小組[編輯]

  • 檢討現行支援有特別需要嘅弱勢社群(包括殘疾人士、有特殊學習需要嘅學生、單親家庭、新來港人士同少數族裔等群組)嘅政策同措施;
  • 探討新政策同措施,協助以上有特別需要嘅弱勢社群融入社會、自力更生同上流動,達致防貧同扶貧的目標;
  • 同其他專責小組作出緊密聯繫同提供互相支援,並適時向扶貧委員會報告工作進展同計劃;
  • 聯同扶貧委員會同其他專責小組,準備年度扶貧委員會高峰會,向公眾滙報扶貧委員會嘅工作進度,同時與市民同社會各界交流互動,合力推展扶貧工作。

關愛基金專責小組[編輯]

  • 根據基金嘅各項策略同安排(包括投資、財務同行政運作等),同埋擬定援助項目(包括援助對象、援助金額、點樣處理跨界別議題同訂定優先次序等),向扶貧委員會作出建議;
  • 統籌同監察援助項目嘅推行同檢討項目嘅成效,並根據項目納入政府常規嘅資助同服務,向扶貧委員會作出建議;
  • 同其他專責小組作出緊密聯繫同提供互相支援,並適時向扶貧委員會報告工作進展同計劃;
  • 聯同扶貧委員會同其他專責小組,準備年度扶貧委員會高峰會,向公眾滙報扶貧委員會嘅工作進度,同時與市民同社會各界交流互動,合力推展扶貧工作。

社會創新及創業發展基金專責小組[編輯]

  • 制定基金嘅未來策略同安排,聚焦點樣利用基金去發展投資工具,以推動社會創新同創業發展;
  • 督導基金嘅分配同撥款事宜,以確保達致基金嘅目的;
  • 喺現時運用基金嘅管理模式中汲取經驗,從而優化形式或機制;
  • 評估基金對推動目標嘅成效;
  • 同其他活躍於有關範疇嘅機構同人士加強現有聯繫或建立新嘅聯繫,從而促進了解,提升能力;
  • 同其他專責小組作出緊密聯繫同提供互相支援,並喺適當時候向扶貧委員會報告工作進展同計劃;
  • 聯同扶貧委員會同其他專責小組,準備年度扶貧委員會高峰會,向公眾滙報扶貧委員會嘅工作進度,同時與市民同社會各界交流互動,合力推展扶貧工作。

出面網頁[編輯]