保險投訴局
保險投訴局（英文：Insurance Complaints Bureau，縮寫：ICB；簡稱投訴局）係香港獨立嘅法定機構，喺2018年1月16號成立，取代保險索償投訴局，專責處理同保險有關嘅調解糾紛，致力協助解決個人保單合約引起嘅所有糾紛。
簡介
[編輯]保險投訴局係香港保險業界成立嘅獨立、不偏不倚機構，為消費者提供方便、快捷同易於使用嘅一站式服務平台，以處理所有涉及金錢性質嘅保險糾紛。除咗透過現有嘅裁決方式處理涉及索償嘅投訴之外，投訴局將加入調解機制，處理與索償無關嘅保險糾紛。
宗旨
[編輯]- 接受個人保單引起嘅投訴，並透過作出賠償或其他可行方法，達至滿意、和解、平息糾紛或撤回投訴。
- 諮詢認為合適人士嘅意見，包括：法律顧問、各界專業人士、裁判官、調解員同仲裁人。
- 訂定並執行規則、致力鞏固投訴局公正、處事恰當同提供專業服務嘅形象。
職權範圍
[編輯]- 投訴同索償有關。
- 索償金額唔可以超過港幣100萬。
- 涉案保險公司屬於投訴局會員。
- 涉案保單屬於個人保險類別。
- 投訴人係保單持有人／受益人／合法索償人。
- 涉案保險公司已經對索償申請作出最終賠償決定。
- 投訴人必須喺接獲保險公司最終賠償決定嘅六個月之內向投訴局作出書面投訴。
- 索償糾紛並唔係涉及工業、商業或第三者保險。
- 索償案件並唔係正在進行法律程序或仲裁。
投訴方法
[編輯]投訴局只接受書面投訴，投訴人必須以書面詳述投訴內容，承保商名，保單編號同索償數額，連同已經簽名嘅授權書同埋以下文件嘅副本，以郵寄、傳真或電郵方式交去投訴局，每宗投訴個案嘅平均處理時間大概四至六個月。
- 全份保單同保單申請表格；
- 索償表格；
- 醫療報告／檢驗報告／報價表或維修收據／肇事警方報告；
- 保險公司書面作出最後判決嘅文件。