香港考試及評核局

出自維基百科,自由嘅百科全書
跳去: 定向搵嘢
香港考試及評核局新蒲崗辦事處
香港考試及評核局荔景評核中心

香港考試及評核局(簡稱考評局英文Hong Kong Examinations and Assessment Authority,縮寫HKEAA),以前叫香港考試局(簡稱考試局英文Hong Kong Examinations Authority),係香港專責安排同統籌考試嘅機構。香港考試局於1977年5月成立,並喺同年8月1號開始執行佢嘅法定任務。考試局成立初期,財政來源主要來自政府,直至1981年開始,考試局先至正式成為財政獨立同自負盈虧嘅獨立法定機構。為咗更有效反映考試局嘅角色同工作,考試局於2002年7月正式改名做香港考試及評核局,以顯示佢除咗繼續主辦原有嘅考試之外,亦非常重視推行促進學習嘅評核工作。

歷史同發展[編輯]

由1978年開始,香港考試局負責舉辦每年一次嘅香港中學會考(HKCEE)。考試局又喺1979年開始接辦香港中文大學入學資格考試,並改名做香港高等程度會考(已經喺1992年停辦);1980年考試局更接辦香港大學入學資格考試,並改名做香港高級程度會考(HKALE)。每年報考呢兩個公開考試嘅人數超過100,000人。

除咗香港中學會考同香港高級程度會考之外,考評局亦為小學同初中舉辦「基本能力評估」。考評局喺2004年首次為全港小三舉辦全港性系統評估,並喺2005年推展至小六,到咗2006年,更將評估推展至中三。

因應香港高中課程喺2009年開始推行三三四學制,香港考評局喺2012年開始舉辦香港中學文憑(HKDSE)考試,取代原本嗰兩個公開考試——香港中學會考同香港高級程度會考。而考評局已經喺2010年舉辦最後一次嘅香港中學會考同2012年舉辦最後一次香港高級程度會考。但係為咗配合重讀生嘅需要,考評局承諾會因應有意重考生嘅人數,喺2011年為重讀生安排重考個別香港中學會考科目,2013年就安排重考香港高級程度會考,呢兩個重考所有考生都係要以自修生身份去報考。

委員會[編輯]

香港考試及評核局委員會由17個委員組成,分別嚟自中學高等院校政府部門同埋專業界別,除咗當然委員外,所有委員都係由行政長官委任。委員會嘅工作範圍,包括負責釐定考試政策同監管香港考試及評核局的工作。

秘書處[編輯]

香港考試及評核局嘅秘書處由超過300人嘅全職人員為公眾服務,同埋處理考評局委員會同佢轄下事務委員會嘅工作。喺每年嘅考試季度,考評局都會聘用接近8,000個工作人員,擔任試卷擬題員、審題員、閱卷員、校對員、題目核分員、口試考官同監考員,而大部分都係中學同大學嘅資深教師。考評局秘書處由秘書長同副秘書長領導。

服務[編輯]

香港考試及評核局舉辦以下嘅公開考試同評核:

香港公開考試[編輯]

以下考試已經停辦:

國際同專業考試[編輯]

  • ABRSM 英國皇家音樂學院聯合委員會考試
  • AP考試
  • Australian Teachers of Dancing Exams
  • 北京舞蹈學院中國舞等級考試
  • 中央音樂學院考試
  • 汕頭大學設計學類本科專業考試
  • 澳洲聯邦舞蹈教師協會(香港區)考試
  • 地產代理/營業員資格考試
  • B級電業工程人員註冊考試
  • 廣州美術學院專業考試
  • GCE/ GCSE/ IGCSE/ IAL
  • 高階能力學生測試
  • 中華人民共和國普通高等學校聯合招生考試
  • 電腦化青少年普通話水平測試
  • PTE 兒童英語考試 / PTE 通用英語考試
  • 全國美術考級試
  • 英國國家舞蹈教師協會標準舞及拉丁舞(香港區)考試
  • 中華人民共和國國家司法考試
  • 英國皇家舞蹈學院考試
  • SAT
  • 廣東省高等教育自學考試
  • 澳洲聯邦舞蹈教師協會及香港體育舞蹈總會聯合考試
  • 英國倫敦大學國際課程考試

睇埋[編輯]

出面網頁[編輯]