馬來短劍

出自維基百科,自由嘅百科全書
各式各樣的馬來短劍同劍鞘

馬來短劍又譯做格里斯劍印尼文keris馬來話keris他加祿話Kalis泰文กริช),係馬來群島馬來半島各民族用嘅一種獨特短劍,主要喺印尼馬來西亞汶萊泰國南部同埋菲律賓南部等「馬來世界」傳統文化圈地區流行,喺日本有類似嘅蛇行劍。由於佢嘅劍刃係波浪型,所以亦被叫做波狀刃短劍波紋劍

語源[編輯]

「格里斯」一詞來源於古代爪哇語中「ngiris」一詞,呢個詞意思係刺或者劈[1]。西方國家成日將呢把劍個名拼寫做「kris」,然而喺東南亞唔少國家叫佢做「Keris」。例外嘅係,菲律賓摩洛人將呢把劍拼寫做「Kalis」或者「Kris」,而喺泰國就讀做「Kris」。另外,以前有一啲歐洲殖民者亦曾經將呢把劍嘅名拼寫做「cryse」、「crise」、「criss」、「kriss」或者「creese」。

使用[編輯]

爪哇人佩帶馬來短劍各種方式

印尼爪哇島,每個家庭入面嘅男性成員都會佩帶馬來短劍。馬來短劍往往會有一個彎曲嘅劍柄,噉嘅設計能夠加強砍、刺敵人時劍刃嘅壓力。但係除咗劍柄之外,無對手保護裝置。而且馬來短劍嘅劍刃係彎難以控制,所以使用馬來短劍時如果技術不精,好容易刺傷自己。

依家馬來短劍一般用於宗教同儀式上,被當作護身符同埋傳家寶,或者慶典嘅飾物。東南亞亦流傳住好多有關馬來短劍嘅神話傳說[2]。2005年,聯合國教科文組織確認印尼嘅馬來短劍為世界非物質文化遺產[2]

馬來短劍主要分兩種唔同形式嘅劍,直長型馬來短劍象徵「靜」,主要作為防守用馬來短劍;彎曲型馬來短劍象徵「動」,主要作為進攻用馬來短劍,通常彎曲行馬來短劍嘅彎曲數量為奇數。而一把馬來短劍鍛造過程好花工序,通常需要反覆鍛造入火500次,先至鍛造出一把基本馬來短劍。

參考[編輯]

  1. 引用錯誤 無效嘅<ref>標籤;無文字提供畀叫做Frey嘅參照
  2. 2.0 2.1 引用錯誤 無效嘅<ref>標籤;無文字提供畀叫做UNESCO嘅參照