馬來西亞徽

馬來西亞國徽 馬來話：Jata Negara Malaysia
細節
使用者	馬來西亞最高元首同聯邦政府
啟用	1963
冠飾	新月同十四芒星
盾	四色條紋同五把馬來短劍、檳榔樹同檳威大橋、馬六甲樹、沙巴州州徽、沙撈越州州徽同埋大紅花
扶盾	馬來亞虎
其他元素	羅馬字母同爪夷文嘅Bersekutu Bertambah Mutu（團結就是力量）

馬來西亞國徽係馬來西亞嘅國家象徵同標誌。

頂端嘅新月同星象徵住伊斯蘭教。星嘅十四芒象徵住馬來西亞嘅十三個州同馬來西亞聯邦政府之間嘅平等關係。盾牌上嗰五把馬來短劍代表前馬來屬邦，即係玻璃市、吉打、吉蘭丹、登嘉樓同柔佛。

紅色、白色、黑色同黃色條紋代表前馬來聯邦，即霹靂、雪蘭莪、森美蘭同彭亨。其中黑同白係彭亨州旗嘅顏色；紅同黃係雪蘭莪州旗嘅顏色；白、黃、黑係霹靂州旗嘅顏色；黃、黑、紅係森美蘭州旗嘅顏色。

檳榔樹同埋檳威大橋（紅條紋左方）象徵住檳城。馬六甲樹（黃條紋右方）代表馬六甲。沙巴州州徽（紅條紋下方）代表沙巴，而沙撈越州州徽嘅犀鳥（黃條紋下方）代表沙撈越。

大紅花（紅色朱槿）係馬來西亞國花，佢象徵馬來西亞聯邦政府。國徽兩側嘅護盾獸——馬來亞虎象徵住人民嘅勇敢同堅強。

國徽下面嘅綬帶左右分別以羅馬字母同爪夷文寫住馬來語嘅國家格言：團結就是力量（Bersekutu Bertambah Mutu）。綬帶嘅黃色為皇室顏色。

歷代國徽

馬來聯邦邦徽（1896年—1942年）同馬來亞聯邦邦徽（1946年—1948年） 馬來聯邦邦徽（1896年—1942年）同馬來亞聯邦邦徽（1946年—1948年）  馬來亞聯合邦國徽（1948年—1963年） 馬來亞聯合邦國徽（1948年—1963年）  新加坡獨立前嘅馬來西亞國徽（1963年—1973年），依家大紅花位置原本係新加坡州徽 新加坡獨立前嘅馬來西亞國徽（1963年—1973年），依家大紅花位置原本係新加坡州徽

使用

馬來西亞最高元首紋章

馬來西亞護照

馬來西亞國徽係馬來西亞最高元首使用，成日用喺各個聯邦政府部門大廈同埋印喺馬來西亞護照封面。