馬師白頓火車站

馬師白頓火車站
通勤／區域鐵路
概況
地址	拍板溪（Clapperbrook）東巷
坐標	50.704°N 3.521°W / 50.704; -3.521
線路	濱河線（Riviera Line）
軌道	2
車位	只限殘疾人士
單車位	有
其他資訊
啟用	2023年7月4號 (2023-07-04)
代號	MBT

馬師白頓火車站（英文：Marsh Barton railway station）係英格蘭德雲郡雅息特馬師白頓地區既火車站。喺呢個火車站既東面就係風景優美既雅息河沿岸既河濱谷地公園（Riverside Valley Park）。呢個火車站喺2023年7月4號開始營運，佢係喺濱河線上面既一個火車站（註：Riviera 既意思係「河濱」或者「海濱」），北上既下一個火車站係雅息特聖湯瑪士火車站，然後係雅息特既主要火車站雅息特聖大衛火車站；南下既下一個火車站係十字星（Starcross）火車站，跟住係 Dawlish、Teignmouth、牛頓院長（Newton Abbot；註：Abbot 既意思係修道院長），然後再一直去德文郡既南部同康和郡既其他地方。呢個車站距離雅息特聖戴維斯 2 英里8鏈（3.4 公里）。註：鏈（chain）係英制長度單位，一英里等於80鏈，一公里大約等於50鏈。

歷史

馬師白頓係雅息特最大既工業貿易區，亦都係雅息特重要既戰略性就業區，當地規劃政策認為起一個新既車站喺嗰度會支持到嗰度既就業發展。個火車站既規劃由網路鐵路公司（Network Rail，一間擁有、維修同開發鐵路基礎設施既英國公司）同德文郡議會一齊制定，作為「德文郡鐵路」（Devon Metro）提案既一部分。

車站計劃喺2017年初動工，德文郡議會希望個車站能夠喺2017 年12月開始營運 ，不過無如期完成。德文郡議會喺2020年4月表示，決定優先處理馬師白頓火車站既工程，而唔係重新開放雅明斯特火車站（Exminster railway station） 。馬師白頓火車站既建設工程喺2021年4月正式開始，預計耗資1,600萬英鎊，原本預計喺2022年底完成。

個車站喺2023年7月3日（星期一）由交通大臣 Mark Harper 揭幕，然後喺第二日開始提供公共服務。

描述

馬師白頓火車站距離倫敦（從倫敦柏靈頓站經碧仙桃既原有路線）里程係196 英里（315公里），距離雅息特聖大衛火車站2 英里8鏈（3.4公里）。佢喺拍板溪（Clapperbrook）東巷附近，隔離係雅息特既廢物能源（energy from waste) 工廠。（註：Clapper 既意思係「拍板」，brook 既意思係「溪」）

個火車站有兩個124公尺（407英尺）既月台。 1號月台喺火車線路既東面，係南下既火車停站既地方，2號月台喺西面，係北上經聖湯瑪士火車站去雅息特聖大衛火車站。馬師白頓火車站設施包括候車亭、售票機同埋單車停車場。

班次

馬師白頓既所有火車服務都係由大西部鐵路（Great Western Railway）營運。班次一般係每個鐘頭一班車，往返皮頓（Paignton）同雅息茅斯（Exmouth ）之間，途經雅息特聖大衛火車站，喺繁忙時間會有額外班次，提供更密既火車服務。

出面網頁

馬師白頓火車站 喺 gwr.com