馬纓丹 （粵拼 ：maa5 jing1 daan1 Lantana camara 馬櫻丹 ；第個名係五色梅 （ng5 sik1 mui4 ）、五龍蘭 （ng5 lung4 laan4 ）、如意草 （jyu4 ji3 cou2 ）、五彩花 （ng5 coi2 faa1 ）、臭草 （cau3 cou2 ）、臭金鳳 （cau3 gam1 fung6 ）、五雷丹 （ng5 leoi4 daan1 ）、五色繡球 （ng5 sik1 sau3 kau4 ）、變色草 （bin3 sik1 cou2 ）；客家話 嗰邊嗌綿鼻公花 （閩南話 ：Ngó͘-lêng-lân 馬鞭草科 馬纓丹屬 嘅常綠灌木或半藤狀灌木，原產地喺美洲 嘅熱帶 地區。而家喺香港 、夏威夷 、臺灣 、澳洲 、肯雅 、錫蘭 、澳洲 等地都可以搵到佢。
另外，呢種植物喺部分地區甚至威脅到原生品種 。
佢嘅樹枝同莖都有倒刺，而樹葉係對生品種，葉片係好似個大嘅蛋噉，先端比較尖；而葉面比較粗糙嘅葉邊地方就好似把镼嘅鋸噉，有明顯嘅葉脈響度。而花 有好多隻色，大多數係橙、紅、黃、白、紫同粉紅，另外重有混一色嘅花，就係睇種植環境同陽光照射程度嚟分，有啲花啱開嗰時係黃，開嗮花之後變橙或先橙後紅或先白後粉紅嘅品種。而花期方面，每個月都有花開。佢結嘅果方面，生嗰時係綠，熟嗰時係黑。
呢種植物嘅生命力都好犀利吓，甚至好禁（kam1 ）旱添，但係成樖嘢係粗生粗養嘅品種，傳播性都好犀利吓。由於佢嘅排他性好犀利吓，所以種馬櫻丹嗰時，要確保佢周圍成日都冇其它植物 響佢附近。
藥用價值 [ 編輯 ] 馬纓丹嘅根、葉、花、都可以做藥。佢有以下呢啲功效：
部位
功效
花
清熱，止血。
葉
清熱解毒，祛風止痕。
根
清熱瀉火，解毒散結。
馬纓丹嘅莖同果有毒，唔食得。雖然雀仔同蝴蝶食咗佢嘅莖同果係冇乜事，但如估俾人 畜 或其它哺乳動物 食咗佢嘅話，會搞出便秘、發燒、光過敏、膽囊麻痺或內分泌失調、黃疸呢啲病，最後發展到因為肝腎衰竭而導致死亡嘅嘢。
由於呢種植物有好多倒刺響度，所以一般嘅動物 都好難直接踩或行過「馬纓丹關」，但係蝴蝶 類鍾意留喺佢上邊，重要幾時都見到咁滯，影響到雀嘅習性。
各地狀況 [ 編輯 ] 香港見馬纓丹，花黃到紅都有，低到海邊有，山到高處亦有，但多數近村。
馬纓丹嘅橙花同黃花品種，喺未開花嗰時都係紅花品種。
有關嘅書 [ 編輯 ] 胡秀英 、華樂庭夫人 . 《 華 南 暨 香 港 四 季 花 畫 譜 》 《香港有毒植物》，何孟恆著，香港市政局印製1988年發行
佐佐木舜一. 《 臺 灣 植 物 名 彙 》 Lantana camara, Linn. Ngó͘-lêng-lân 五龍蘭 Munir A (1996). "A taxonomic review of Lantana camara L. and L. montevidensis (Spreng.) Briq. (Verbenaceae) in Australia". Journal of the Adelaide Botanic Gardens . 17 : 1–27. 出面網頁 [ 編輯 ] 
