高緯
北齊後主（溫國公）高緯（556年5月29號—577年11月[1]），字仁綱，南北朝時期北齊第五位皇帝（565年－577年在位），北齊武成帝高湛的兒子。
一生
[編輯]佢即位嗰陣，腐朽嘅北齊政權已經搖搖欲墜，佢自己重仍然荒淫無道，導致北齊軍隊衰弱，政治腐敗，尤其最大致命傷係誅殺名將斛律光、高長恭、段邵，噉樣令到北齊失去可以抗擊北周侵略嘅有能將領，北周來攻，齊軍大敗，周軍冇幾耐攻爆咗北齊京師鄴（家下河北臨漳），高緯即刻將皇位傳畀自己8歲嘅仔高恆，然後帶住幼主高恆等十幾人騎馬準備投降南面嘅南陳，但係佢哋班友一逃到去青州（家下山東青州）就俾周軍俘虜咗，俾北周封做溫國公，冇幾耐因為被誣陷謀反，俾人賜死。終年21歲。
諷刺嘅係，高緯被俘之後，對北周武帝宇文邕提出嘅要求竟然係將馮小憐還翻畀佢。宇文邕話：「朕對於天下，就好似除鞋一樣咁輕視，一個老太婆有咩咁好同您爭呢？」高緯對馮小憐痴愛到噉，但係呢份情代價亦都太沉重、太荒唐。高緯寵愛馮小憐，李商隱曾經寫詩諷刺佢：
「小憐玉體橫陳夜，已報周師入晉陽[2]」—北齊兩首(第一)第二聯
「晉陽已陷休回顧，更請君王獵一圍」—北齊兩首(第二)第二聯
呢兩首詩說明北齊後主喺北周入侵嗰陣仍然唔理政事，荒唐、淫亂。
后妃
[編輯]- 斛律皇后，左丞相斛律光女。
- 胡皇后，隴東王胡長仁女。
- 穆皇后，婢女輕霄個女，老豆嘅身份已經失傳。
- 馮淑妃
- 左娥英李氏，李祖欽女
- 右娥英裴氏
- 曹昭儀，曹僧奴女
- 曹昭儀嘅家姐
- 董昭儀，董賢義女
- 毛夫人，毛思安妹
- 彭夫人
- 王夫人
- 小王夫人
- 李夫人
- 李夫人，李孝貞女