麓湖兒童樂園

樂園大門

 麓湖兒童樂園（粵拼：luk1*2 wu4 ji4 tung4 lok6 jyun4） 係中國廣東廣州嘅一間帶有游水、娛樂同休閒喺埋一齊嘅主題樂園，1983年起好，位置喺麓湖公園南門近恆福路（廣州藝術博物院隔籬），而家係白雲山景區屬下嘅一間遊樂場。

史

間嘢喺1983年起好，初期凈得簡單幾個遊樂設施，後嚟發展到好多娛樂化嘅品種，重加多咗個泳池。後嚟因為公園啲機動遊樂設施太過殘舊，加上原有嘅泳池喺2009年春遇到嚴重損壞而暫停營運，2011年3月1號開始關閉升級改造，直到同年7月4號重新開放。2013年12月21號，由於公園大多數嘅遊樂設施達到報廢年限，所以公園又再關閉，期間搞全面改造直到2014年6月1號重新開業為止。2015年4月25號加多咗間水上樂園。

2016年9月20號，當日有位家屬喺公園門口大鬧水上樂園嘅維權行動。

2016年9月17號17:30（UTC+8），公園嘅水上樂園發生咗單溺水案。有位四川籍嘅包氏男仔帶咗位2歲男孫同位4歲嘅女孫落去游水，但隨後無耐，由於個包氏男仔凈掛住玩手機發微信，冇留意到兩位細蚊仔發生乜事。期間雖然2歲男孫可以正常返上岸，但4歲女孫不知所蹤。包氏男仔去到水池深水區時，發現咗女孫已經冇嗮呼吸意識。現場有好多位泳客對佢搶救，隨後白車亦到場將條女孫送到隔籬嘅廣東省第二中醫院搶救，但始終都救唔返。事發後第二日同第三日，公園重俾包氏家屬大搞維權嚟抗議園方點解個泳場會冇乜救生員同埋深、淺水區之間得隻眼開隻眼閉嘅安全措施保護，令樂園一度閉園。

設施

公園佔地面積約1.5公頃，其中水上樂園有0.3公頃咁大。大多數分為自助遊樂同埋機動遊樂兩大項。其中：

• 機動遊樂項：海盜船、果蟲滑車、鯊魚島、立環跑車、追逐車、花果山漂流、好好玩電動車、湯瑪仕火車頭、土控飛機、旋轉木馬、碰碰車，7D影院。
• 自助遊樂項：水上樂園、跩跩城堡、沙畫、沙池、撈魚池、歡樂笨豬跳床、大搶禮品屋、打氣球、套圈，波波池。