麥酒

麥酒（英文ale）係啤酒一種，即英國啤酒。

麥酒係一種上層發酵啤酒（發酵過程酵母會浮上液面）。發酵溫度較拉格啤酒高（20~25℃），發酵時間較拉格啤酒短，兩到三日左右就完成。麥酒不時帶有更加濃烈嘅口感，酒體飽滿，可以形成好好嘅果仁味同生果味。如果大麥處理得好，重可以產生朱古力同蜜糖香味。

喺1840年以前，全世界嘅啤酒都係麥酒，採用暖發酵方式製成；1840年之後，出現採用冷發酵技術嘅拉格啤酒，逐漸取代咗麥酒嘅地位。