麥馬拿文
麥馬拿文（Steven Charles McManaman，1972年2月11號—）係英格蘭一前職業足球員。佢出身於英國老球會利物浦，嗰時佢已經係英格蘭隊嘅先發球員，同利物浦另一個射手科拿齊名。佢最大嘅特色就係可以喺邊線高速傳波，可以打左翼又可以打右翼。
佢曾經幫國家隊打1996年歐洲國家盃，喺呢個比賽中佢做球隊嘅先發左翼。憑住爾次出色嘅表現、再加上加斯居尼、舒利亞、舒寧咸嗰班人嘅表現，英格蘭打入咗4強，最後係打吡大戰輸咗畀嗰年嘅冠軍德國。球王比利重喺比賽之後話佢係嗰年最好嘅球員。但係之後麥馬拿文無論係球會定係國家隊嘅表現都差，又好唔穩定，時得時唔得噉，1998年嘅世界盃只係打過1場，再到之後嘅2000年歐洲國家盃亦都只係上陣過2場。麥馬拿文係2000年後無再入選過國家隊。
1999年麥馬拿文由利物浦走咗去西班牙嘅皇家馬德里，但係嗰時皇馬由皮里斯做緊會長，佢上咗台之後就放晒聲氣要買費高返來。麥馬拿文同費高都係同一類足球員，但係費高喺西班牙更加多人識，所以麥馬拿文一直都係打後備。之後又有好多世界級嘅球員買咗返來，好似施丹、朗拿度同碧咸之類，最後麥馬拿文就返咗去打英超。
2003年麥馬拿文去咗打英超嘅曼城，但係佢長期有傷，又要打個佢自己唔啱打嘅位，佢根本無得發揮，到咗最後喺2005年收山。
出面網頁[編輯]
- Steve McManaman - Liverpool FC（英文）
- Players - Steve McMANAMAN - FIFA.com （英文）
- ..:: National Football Teams ::.. Player - Steve McManaman（英文）
 |