比利

比利（Pele，全名Edison Arantes do Nascimento，1940年 10月23號—）係巴西足球員，有「森巴黑珍珠」之稱，亦有人被叫做「球王」。

比利嘅球員生涯好威下，之但係佢成世人都只係效力巴西強隊山度士足球會，只有喺1975年佢三十五歲左右打過美國聯賽。佢球員生涯幾乎每個位置都識打，包括守門員，所以啲人先稱呼佢做球王。佢贏過三次FIFA世界盃冠軍（1958年、1962年、1970年）。

比利除咗踢波技術好之外，最多人談論嘅係佢嘅「烏鴉口」。佢每次世界盃都會預測邊隊會係冠軍，之但係唔但只次次都唔準，畀佢睇好嘅球隊多數都冇好下場。其中喺1994年FIFA世界盃，比利預測話哥倫比亞會贏到世界盃，但哥倫比亞唔但只第一圈就出咗局，更有參賽球員(安德烈斯艾斯高巴)返國之後畀人槍殺。